【台北景點】隱身公館水岸旁！寶藏巖國際藝術村背靠小觀音山老宅建築頓變年輕人藝文聚落

台北有好多小村落，建築雖然古舊，但當中有好多村落都會演變成文創園區或藝術村，物盡其用，有好多都受到當地人及旅客歡迎。今次編輯帶大家到一個更值得拍拖兩個人前往嘅村落，隱身於捷運「公館站」附近、背靠小山嘅藝術村，一間又一間老宅建築物中，竟然係一個年輕人藝術空間！

「寶藏巖國際藝術村」係近年一個年輕人藝文聚落，表面雖然係老舊建築住宅群，但其實有無數藝術家隱身其中，為當地年輕人重要地標之一。

該藝術村位置近捷運「公館站」，同時亦毗連「自來水園區」，穿越後方公館水岸廣場至河邊「景美堤岸便道」河畔上方為高速公路「水源快速道路」。事實上，「自來水園區」與「寶藏巖國際藝術村」距離極接近，只有約10分鐘步程。

「寶藏巖」一名其實係來自於當中同名廟宇「寶藏巖」，而「巖」有山洞意思，亦即係山邊嘅廟宇，主要供奉觀音菩薩，為一座佛寺。連同廟宇及藝術村，整個「寶藏巖」面積有3.97公頃，背靠有「虎空山」之稱嘅「小觀音山」，依山而建，逐漸形成一個小社區聚落，曾經受《紐約時報》列為台北最具特色景點之一。

近年，「寶藏巖國際藝術村」內搶眼嘅地方不只廟宇，反而係當中嘅裝置藝術，加上眾多藝術團體遷入，令小村落演變成一個擁有地道藝術展覽嘅藝文聚落。

藝術村內嘅老宅建築於60至70年代興建，蜿蜒錯落，呈不規則狀，為台北特殊聚落，既獲台北市政府予以保留，同時被列為歷史建築之一。而「寶藏巖社區工作團隊」更於2010年起打造成一個國際藝術村，以「聚落共生」為題，包含各地藝術家展覽，綻放藝術自由，令一間又一間荒廢空屋添上色彩。

走入「寶藏巖國際藝術村」，會發現目前有約14個藝術家工作室進駐，村內不難發現班駁牆壁、古樸木窗中，每個角落都有各種藝術作品，村落中更有咖啡室供休憩。藝術村內作品繁多，包括塗鴉壁畫、可愛插畫、裝置藝術，甚至連信箱牆都唔放過，打卡味濃！

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 寶藏巖國際藝術村不時有展覽活動，例如「2023寶藏巖光節」，於3月至5月開放，展覽時間僅開放至18:00。

❷ 乘搭捷運松山新店線至「公館站」，於1號出口徒步約5分鐘即達。

❸ 建議行程同時走「自來水園區」。

❹

EATWO

Miss A