【澳門景點】漁人碼頭古羅馬劇場／科學館心形樹打卡海濱天橋無遮擋海景

澳門漁人碼頭係非常為人熟悉嘅澳門景點之一，當中既有一個古羅馬風格嘅仿羅馬競技場，週邊都係打卡地。沿海邊走更可以去到澳門科學館，拍拖兩個人朝聖一旁嘅心形樹，前行天橋上無遮擋海景更一覽無遺！

位處新口岸外港填海區嘅澳門漁人碼頭，地方偌大，佔地有超過十萬平方米。歐美風格嘅漁人碼頭、古羅馬建築一直吸引唔少遊客前往參觀。漁人碼頭內有一個約3500平方米嘅圓形廣場，仿若羅馬競技場，劇場以古羅馬風格設計。呢個古羅馬劇場曾經係一個多功能舞台，佔地約190平方米，可容納約2000人，同羅馬競技場一樣，模仿成斷垣殘骸，打卡必到。圓形廣場週邊都係古羅馬風建築，以及石牆走廊，古色與現代感夾雜，充滿外國感，唔單止係一般人打卡之處，更有人會專程前往拍攝婚紗照。

除咗古羅馬劇場，漁人碼頭內更分為唐城區、東西彙聚區、勵駿碼頭3個區域，既係觀賞海景嘅地方，亦係適宜影相打卡之地。其中唐地區係較多中式古老文化，東西彙聚區就有5大主題建築物，包括古羅馬劇場、火山、阿拉丁保壘、寶石迷宮、展覽中心，而勵駿碼頭則以海岸及歐洲建築物為主題。碼頭內有幾座風格不一嘅澳門舊酒店，包括維多利亞風情嘅萊斯酒店同豪華酒店、東歐風嘅勵庭海景酒店、蒙地卡羅風嘅勵宮酒店。本身漁人碼頭重有個娛樂場，不過現時已經關閉。

一直依海旁穿插，可以從漁人碼頭走向澳門科學館。而科學館旁曾經有一棵吸引情侶拍拖兩個人前往嘅「心形樹」，連遊客亦一度慕名而至。心形樹位處澳門科學館入口旁邊，位置更被稱為「心形樹廣場」，係唔少情侶及新婚夫婦留影嘅地方。該樹只為一棵細葉榕，憑天然環境因素，樹冠生長得狀似心形，故被稱為心形樹。後來，經科學館定期修剪後，大樹至今依然保持心形狀。至於毗連心形樹嘅澳門科學館，僅以灰白為主調，簡約雅緻，本身其實都係來自於世界知名建築師貝聿銘設計。館內佔地有超過20000平方米，包含展覽中心、天文館及會議中心，有十幾個展覽廳，展出各式太空科學主題展覽。

從澳門科學館心形樹走出，向背反友誼大橋走，能夠前往澳門觀音像海濱休憩區。整個海邊休閒空間地方偌大，步行徑有約400米長，內有門球場、兒童碰碰車場、滾軸溜冰場等。臨海步道更可以180度近距離觀賞海景，往返對面嘅玻璃天橋亦為打卡位，可從高處俯視無遮擋海景，甚至日出日落靚景！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 由上環乘搭噴射飛航可以直達外港漁人碼頭，毗連漁人碼頭。由港珠澳大橋澳門口岸出發，轉乘102X可以到達漁人碼頭。乘搭1A,3,3A,8,10,10A,10B,17,28A,28B,28BX,28C, 32巴士路線，都可以到達漁人碼頭。

❷ 羅馬競技場／古羅馬劇場位於漁人碼頭旁邊，免費入場參覲。

❸ 非澳門居民進入澳門科學館參觀，入場費為MOP50。

❹