【澳門景點】半島最高點俯澳門全景！路邊拱門大有來頭？東望洋山頂打卡燈塔／砲台、山頂教堂禁遊客拍照

香港人到澳門快閃遊，好多時候都只係去市內熱門景點飲飲食食，甚至購物、打卡。澳門雖然地方細小，但其實一樣有好多條值得遊覽嘅路線，一個澳門絕對不下五、六條路線，今次E.A.Two先帶大家拍拖兩個人走過其中嘅東望洋山路線，於澳門半島最高點俯視澳門全景，山頂上重有炮台、教堂，但原來呢座教堂唔俾影相，到底點解？即刻睇睇東望洋山路線！

如何徒步登上東望洋山？

從「澳門漁人碼頭」方向起步，下方抬頭可以見到「東望洋酒店」。依酒店方向走，前往「東方拱門」，穿過天橋就可以去到「山邊東街」。一直穿過隧道，搭電梯上去，自然可以抵達「松山公園」。

經過「山邊東街」後，沿途一直有電梯協助上行，只需要一直穿過天橋、隧道，就可以登上「焯公亭」，該位置為十字路口交界。分岔路口另一端嘅「海邊馬路」，其實就係每年「澳門格蘭披治大賽車」賽道。只要依「松山炮台」、「松山公園」水牌方向走，前行「地厘古工程師馬路」，就能到達「松山跑步徑」，週邊重有「松山行人隧道」、「環松山健康徑」。然後，依「水池斜坡」上行，直到見到上面分岔路，轉上「東望洋斜坡」，就能夠抵達「東望洋山」山頂處。

澳門東望洋山景點（1）﹕東方拱門

中途呢座「東方拱門」表面上只係馬路中心一座裝飾，中間為馬路，車輛可穿插其中，但原來拱門係大有來頭！由於澳門曾為葡萄牙殖民地，故特別多葡萄牙建築剩低，而澳門亦唔會拆除葡萄牙嘅建築物，反而留作旅遊業用途。葡萄牙國慶日為1996年6月10日，呢座被澳門稱為「東方拱門」嘅建築物，來自於葡萄牙藝術家 Zulmiro Carvalho，金屬設計有堅固之意，正正係用作紀念葡萄牙國慶。而「東方拱門」造型宛如「迷你版凱旋門」，難怪又叫做「東方凱旋門」！

澳門東望洋山景點（2）﹕東望洋山頂

「東望洋山」係澳門半島最高點，山頂高約90米，山頂有「東望洋炮台」、「東望洋燈塔」，以及「聖母雪地殿教堂」。由於位處澳門半島東面，所以叫「東望洋山」；而澳門半島西面，則亦有一座「西望洋山」，詳情請留意E.A.Two另外介紹。

「東望洋山」山頂既為澳門半島最高點，可環瞰澳門半島全景及珠江口。無端係樓下嘅「東望洋酒店」，遠處金光燦爛嘅「新葡京酒店」，一柱擎天嘅「澳門旅遊塔」，抑或係「友誼大橋，甚至係氹仔、澳門老街區，通通一覽無遺！

澳門東望洋山景點（3）﹕東望洋炮台

炮台位置同時包含燈塔及教堂，更有虛疑導覽。由於位於松山一帶，故「東望洋炮台」又叫「松山炮台」﹐地方偌大，有超過8000平方米。

炮台內裏甚至有幾座炮台堡壘，以及由4組隧道組成嘅防空洞，以往同媽閣炮台、大炮台並列為軍事防線，現時遊人皆可以參觀。炮台係澳門世界選產之一，建於1636至1637年，座落於東望洋山之上，除咗一隅「澳門漁人碼頭」，旁邊可以俯視整個澳門半島！

澳門東望洋山景點（4）﹕東望洋燈塔

而山上燈塔則建於1864年，由葡萄牙人設計，係澳門首座現代燈塔，亦係當地最古老燈塔，為「東望洋山」三大古蹟。燈塔於1994年更被封為「澳門八景」之一，而2014年亦被列為「澳門世界文化遺產」，但最威水嘅地方莫過於燈塔成為世界地圖嘅澳門定位，成為重要澳門地標！

呢座「東望洋燈塔」高約15米，底部直徑約有7米長，外面以純白色設計，呈圓柱形，內有旋轉樓梯，外牆則以黃色線條點綴，風格清新，異國風濃厚。燈塔現時未有退役，依然提供航海服務，只係改為現代化照明系統。

澳門東望洋山景點（5）﹕聖母雪地殿教堂

「聖母雪地殿教堂」係東望洋山頂上嘅一座教堂，留意吓「東望洋山」䟠葡萄牙語叫做「Colina da Guia」，而教堂內供奉住「指引聖母像」，葡萄牙語亦叫做「Nossa Senhora da Guia」，似乎東望洋山就係來自所兵奉嘅聖母。教堂設計充滿17世紀葡萄牙修院特色，同燈塔一樣都係以純白配黃色線條，設計獨特，澳門對葡國文化歷史建築予以保留。另外，外面更設有古鐘，呢座古鐘係1707年間製，並於1827年重鑄。

教堂建於1622年，比燈塔、炮台更早建成，主堂長約16米，闊約4.7米，屋頂鋪有紅瓦。教堂內裏呈拱形設計，更有彩色壁畫，似乎係同聖經故事人物有關，甚有觀賞價值。無論拱頂定牆身，不難發現當中嘅彩繪，似乎將中西藝術融合。雖然「聖母雪地殿教堂」猶如迷你版希臘式教堂，不過教堂內係嚴禁影相，因為需要對古老壁畫作出保護。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 東望洋炮台於17:30禁止入場，入面不對外開放。

❷ 留意聖母雪地殿聖堂內係不准拍照、錄像同大聲喧嘩，所以千祈唔好舉機影相！因為要對古老壁畫作出保護。

❸ 由澳門漁人碼頭方向徒步，可以穿過一道隱藏秘道，經山邊東街及隧道，經松山公園，然後上行至東望洋山。另外，都可以乘搭巴士路線2、16、16S、2A、6A，可以於「荷蘭花園站」落車，然後徒步至被稱為世界最短纜車嘅「松山纜車站」，上行20分鐘左右即達東望洋山。松山纜車營運時間僅為08:00－18:00，星期一休息，單程人均MOP2，來回MOP3，入口位於二龍喉公園。

❹ 掃描QR Code或登入網站﹕https://vr.icm.gov.mo/wh/guia/，可以試試東望洋炮台VR導覽。