牛頭角小街道隱藏西式咖啡店力撐減塑！炭燒香草豬扒配白咖哩汁價格親民｜Space cafe & kitchen

唔知點解，香港近年多咗好多「隱世小店」，山邊嘅叫「隱世」，近馬路嘅叫「隱世」，人來人往嘅又叫「隱世」，連大商場內嘅都叫「隱世」。有啲詞語，用一次叫突破，用兩次叫抄襲，再用多十次八次就叫老土。言歸正傳，今次想講位於牛頭角後街內嘅西式Cafe，主打西餐，最大賣點係出盡力支持減塑。

位置上，呢間「Space cafe & kitchen」既唔近九龍灣市中心，亦唔近牛頭角市中心，只係處於兩者之間，徒步都要15分鐘。附近唔係整車店、工程店，就係診所、垃圾房。店內外裝潢簡樸低調，室內更特別寫有減塑資訊，連飲管都可以循環再用。既然名字叫「Space」，我哋係咪應該稱為「銀河系西餐」呢？

有9款主菜，牛扒、雞扒、龍脷柳、雞髀等都有，主食會配搭意粉、長通粉、白飯、薯菜等，午餐重有蒜蓉包及餐湯。而價格上，都係我哋市井之徒能過負擔嘅西餐，店內將西餐平民化﹐並非要走高貴優雅路線，同時切合附近街坊需要。

除咗百加地焗雞扒、燒春雞等，亦有招牌炭燒香草豬扒配白咖喱香茅汁$64。先上蒜蓉包及餐湯，蒜蓉包無咩蒜蓉粒，但有滿滿蒜蓉味及牛油香，烘烤過後依然鬆軟無比。而當日為粟米粒忌廉湯，略嫌粟米量並唔多，只係有粟米清甜味，而質感亦比較稠身。

主食上檯後，賣相就似茶餐廳出品，就似港式西餐，但味道就固然比茶記優勝。整碟主食大致上分成三等份，一角係伴碟沙律菜，一角係長通粉，另一角就係淋上白咖喱香茅汁嘅炭燒香草豬扒。豬扒肉質軟嫩，肥瘦適中，入口的確有炭燒香味同痕跡。不過，醬汁其實應該淋喺意粉或長通粉表面，因為長通粉基本上淡而無味，只係灼熟，需要自己大動作地將長通粉撈埋另一等份嘅豬扒醬汁，若醬汁再濃啲就好。

凍檸茶就不過不失，至少有兩三片檸檬，只係不失茶味。而下午茶比午餐更有趣，以星座為題，每一個星座代表一款下午茶，菜式有卡邦尼意粉、牛角包、炸雞翼、雞扒包、炸魚柳、炭燒豬扒等。不過，12星座就缺少咗天秤座，未知到底係咩原因呢？

該店出力支持減塑，包括曾推自備容器、租用餐盒、走飲管、收集多餘玻璃樽等計劃，走塑措施甚至影響價格，例如減$3；而非無形地加價，值得各商戶仿效！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 小店表明最好俾現金。

❷ 店內支持減塑，飲管最好自備，都有環保飲管，但所有垃圾用後記得自己帶走，或者掉到門外垃圾筒。

❸ 下午茶供應時後為14:30至17:30。

❹

EATWO

Miss A

元朗高水準蓬萊咖喱屋$70牛羊雞自選配搭印度黃飯、蒜蓉烤餅、芝士烤餅

2024-09-13

【#香港咖喱屋】正宗印度菜係香港地幾難搵嘅一款菜式，元朗國內20年來一直隱藏一間高水準嘅印度咖喱屋，...

全港20間分店！牛角60分鐘半自助燒肉放題似舊時邊種自助餐？

2024-09-12

新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃

2024-09-06

新即是舊定新不如舊？荃灣小商場人氣米線貴香園重新出發雲南酸辣、麻辣、酸麻辣、沙嗲湯底

2024-09-05

隱藏尖沙嘴死場！好時中心Hokahoka真日本人居酒屋午市平價海膽三色丼／特選刺身丼

【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。

2024-09-04

香港牛肉飯大混戰！自選本土牛丼御三家！牛丼家／松屋／Sukiya 3強鼎立！

【#本土牛丼御三家】「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。

2024-09-01

黃埔玻璃屋隱藏飽肚咖啡店！$150真日式套餐份量﹕鰻魚飯／蕎麥麵／前菜／咖啡｜& green

【#黃埔玻璃屋】平常想拍拖兩個人喺香港搵間Cafe，食飽後再坐吓唔容易，一係份量唔夠飽肚，一係人流客量眾多導致限時用餐，有時候難免用外地咖啡店比較。不過，香港其實一樣可以搵到能夠飽肚又可以慢慢坐嘅咖啡店，就好似近紅磡、黃埔嘅「& Green」，同其他咖啡店價格相近，但份量就正常好多！

2024-08-31

松屋8月終登港！總公司直營插旗佐敦還原牛肉飯實試3點與日本分店有別！

【#香港松屋】等候多時，香港區「松屋」千呼萬喚始出來！由日本總公司直營嘅「松屋（Matsuya）」於8月中正式登陸香港，並選址佐敦區，對視日本為鄉下嘅香港人絕對係恩物，就算情侶拍拖兩個人唔係成日可以飛去日本，都可以食到日本版嘅燒牛丼啦！即刻睇吓E.A.Two實試「松屋」香港店，雖然大致上係還原日本「松屋」，但原來都有3點係同日本分店有分別呢！

2024-08-30