【花蓮景點】入園送飲品！雲山水滿佈童趣民宿！夢幻湖x植物農場必走一隅石磚步道！

花蓮知名景點不少，湖景特別多，唔少湖景都係距離市中心有一段車程，自駕遊不妨拍拖兩個人揸車去欣賞湖景。今次E.A.Two就自駕到「雲山水」，當中有植物農場同夢幻湖，門票同其他景點差唔多，都係一張入園門票再送飲品！

無論係「雲山水植物農場」，抑或係「雲山水夢幻湖」，都係花蓮景點，IG打卡必到！呢個地方因台灣一個汽水廣告而成名，唔少人都留意到當中風景優美，背靠落羽松森林，湖面更映照湖畔森林景。

前往「雲山水」大門口，可以選擇租借自行車或電動車遊園，亦可以徒步至售票亭。如果想徒步遊園，其實毋須租單車，但若然唔想徒步遊園，則可以租單車，因為由大門口至售票亭其實唔太遠。

徒步至售票亭前，其實會經過部份餐廳，沿途亦有多間民宿，呢幾間異國風民宿設計頗有趣。大多數民宿採用歐式設計，好似童話故事入面嘅小屋一樣，滿滿童話風，例如係「有熊的森林」、「雲山水88Villa」、「綠野雅築」、「雲山水樸耕園」，比較適合親子入住。

售票處座落於「雲山水夢幻湖」入口，甫踏入園區，就會見到一間餐廳，該店同園區有合作，可以憑票換取飲品。每人只有一張TWD50折價券，換言之兩個人只可以兌換價值TWD100嘅飲品。當日連走幾個景點，每個景點都有個湖，每個湖又送飲品，所以我哋都只點選咗一杯TWD100嘅瑞穗蜜香紅茶。

「雲山水夢幻湖」位處花東縱谷，喺中央山脈同海岸山脈之間，側邊有行人路可以徒步走過，湖上映襯落羽松森林景，週邊有潺潺水聲，如果春季前往更有可能可以賞花呢！湖畔可眺望青翠山巒景色，陽光照射下更劃出一抺金色光線。雖然夢幻湖係來自人工開鑿，但環境依然清幽雅緻。

除咗湖景，唔好忘記行埋售票亭對面嘅石磚步道！穿過神秘林間，會見到有小橋流水，小橋以石磚鋪砌，橋邊甚為獨特，恍如跳石步道，比夢幻湖景免更適合打卡！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 入園費人均TWD120，包含TWD50抵用券。

❷ 欣賞落羽松最佳時間係侍年12月至1月，而欣賞鳶尾花最佳時間係3月至4月。

❸ 乘搭火車至「豐田站」，轉乘的士10分鐘可以抵達。自駕嘅話，可以將車泊喺門外，整條路搵個空位停埋一邊白線地方就ok。

❹ 園區禁止攜帶寵物。有部份路段係唔開放公眾。園內有唔少小黑蚊，最好做足防蚊措施。