【花蓮景點】花蓮港出海賞鯨魚、95%成功！向日廣場打卡南歐風彩色小屋

近月香港有直航至花蓮，除咗太魯閣、七星潭、清水斷崖，但太魯閣今年中因大地震而遭到破壞，景點可能已不復再。不過，花蓮可以前往嘅景點依然有唔少，比如係位於花蓮漁港嘅向日廣場，唔單止有被稱為台版法國村嘅彩色小屋，情侶更可以拍拖兩個人於此地出海賞鯨魚。即刻睇睇E.A.Two親身參觀嘅花蓮賞鯨團啦！

「向日廣場」座落於花蓮漁港，亦即係花蓮市中心最東面海旁，於觀景台上可以每日見到旭日東升，亦可以觀賞漁港風光同太平洋海景，海邊吹吹海風都幾清涼。由於座向正東，可望日出，所以當地就命名為「向日」廣場，有好運同希望嘅意思。「向日廣場」設有一排非常吸睛嘅彩色小屋，屋頂尖聳設計，七色設計色彩繽紛，映襯地面色彩斑爛嘅幾何圖案，中西合璧，相當悠閒，充滿南歐風格，當地更有人稱為「台版法國村」！

如果自駕遊或坐的士從「花蓮火車站」出發，15至20分鐘可直達「向日廣場」。廣場位於花蓮漁港內，週邊被太平洋包圍，而「賞鯨碼頭」就座落廣場旁邊，附近重有「花蓮漁市場」、「花蓮區漁會所」、「太平洋愛之塔」等。由於該地係出海賞鯨魚知名勝地，所以「向日廣場」內都設有大鯨魚地標，對出有一隻約10米嘅大型鯨魚雕塑，恍如藝術品，週邊人流就唔多。

彩色小屋對面就係賞鯨碼頭，事前預訂賞鯨門票後，屆時提供登船證，就可以於此地出發，等齊團友就可以出海賞鯨魚。今次我哋選擇星期六朝早嘅賞鯨團，一團人大概有約十零二十個，大部份人上船後，都會選擇下層觀鯨，因為下層感覺係比較近距離。上層人數就較少，所以相對比較清靜，視野比較廣，可以更容易同更快搵到鯨魚位置。上船後，謹記唔好隨意四圍走動，盡量唔好靠邊走，一定要扶實欄杆，以免墮海。

出發之前，負責人會先會簡介賞鯨團出海安全注意事項，又講解安全措施，例如要點穿著救生衣，確保上船安全。船隻啓航後，出到海中心，再搵到鯨魚，需時大概45分鐘，觀賞鯨魚時間基本上大概係30分鐘，然後就會直接回程，返回「賞鯨碼頭」同「向日廣場」，上船至落船時間約為2小時。

花蓮東海岸向來有豐富洄游性魚類，所以該海域依然有大量鯨豚聚集，甚至有中大型鯨類，所以花蓮賞鯨係一年四季都可以進行嘅活動。出海後，可以觀看嘅品種不少，例如係春夏季經常會出沒嘅抹香鯨、虎鯨、領航鯨，有可能會有罕見嘅大翅鯨，甚至深海嘅喙鯨；而秋冬季因為風浪較大，所以可能會偏少，但就算較少，都一樣可以見到鯨魚出沒。

除咗小抹香鯨、抹香鯨、虎鯨、偽虎鯨，重有花紋海豚、弗氏海豚、瓶鼻海豚、短吻飛旋海豚、長吻飛旋海豚、真海豚、瑞氏海豚、熱帶斑海豚等。該位置係全台灣最容易賞鯨嘅地方，成功率有95%，於風平浪靜嘅日子就更容易睇到鯨豚，如果你剛巧出海都睇唔到，算你唔好彩啦！

賞鯨之後，回程時不妨靜心欣賞一下花蓮大海風光，以發附近島嶼，更可以從海中心望向七星潭，賞鯨之外都可以順道遊船河，欣賞吓花蓮海岸風景。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 自駕定位「向日廣場」，經蘇花公路轉入193縣道，直行再轉入港濱路，就會抵達賞豚集合點。若非自駕，可以call taxi，或者乘搭花蓮客運 ( 七星潭線 )，105 車次，然後於「港口站」落車，碼頭位於花蓮商港旁邊。

❷ 碼頭有免費停車場，將車停低就可以直接去碼頭報到，坐船出發。

❸ 賞鯨最佳時間係每年嘅4月至10月，但其他日子其實都會睇到，原來只要出海，有95％都可以睇到鯨魚，如果真係2小時睇唔到，可以保留門票下次再睇，其實揸船嗰個都只係去會有鯨魚出沒嘅海中心，佢哋當日都喺度搵。

❹ 花蓮賞鯨團$376／2人，人均約$188，於kkday可以預訂﹕https://www.kkday.com/zh-hk/product/productlist/%E8%8A%B1%E8%93%AE%E8%B3%9E%E9%AF%A8%E5%9C%98