【花蓮景點】花蓮縣定古蹟吉安慶修院唯一日式修道院！停車場旁馬告香腸只此一家！

花蓮曾經歷日治時期，花蓮一帶依然保留唔少日式建築物，當中「吉安慶修院」就係知名寺院古蹟，亦係全台灣現時最完整保留嘅日式寺院，拍拖兩個人去花蓮不妨去睇一睇！逛完寺院，可以再去寺院旁嘅「馬告香腸」，連在地電視台都曾經訪問過！

「吉安慶修院」原名其實叫「真言宗吉野布教所」，來自於真言宗高野山金剛峯寺，係一所海外別院，早於1997年已被台灣政府列為古蹟。呢座寺院本身既來自日治時期，亦係移居台灣嘅日本人嘅信仰中心，亦即係一條移民村。

該寺院雖然已經變成觀光熱點，但其實仍然不失其宗教功能，園內唔單止有2米高嘅「光明真言百萬遍」石碑，亦有88尊來自日本四國嘅神像、不動明王石刻同珍貴文物。現時，既係花東地區唯一嘅日式佛寺文化資產，亦係花蓮吉安鄉內嘅歷史遺產同縣定古蹟。

寺院至今依然保留日式庭院風格，入口處有百度石同御手洗，入面亦有小橋、池塘、蒼木等。「吉安慶修院」曾經因長年累月失修而需要維修，而今年花蓮大地震後，亦需要重修。

「吉安慶修院」內依然充滿江戶時代風格，包括有日式傳統建築三法「寶形造」所建成嘅佛堂，古樸味濃。除咗可以睇佛像同庭院，入面亦有展售區，設有小食亭同日本浴衣體驗區，唔去日本都可以一嘗於日式建築前影吓相，感受當中嘅禪意。

小食亭既有鯛魚杯雪糕TWD70，亦有阿柴燒TWD30，即係鯛魚狀雪糕同柴犬狀鯛魚燒。不過，比較特別嘅反而係停車場旁邊嘅「馬告香腸」！「吉安慶修院」外嘅「馬告香腸」店連在地電視台都曾經報道過，被稱為花蓮最好食嘅「馬告香腸」。

寺院旁呢間「馬告香腸」唔單止喺香腸上面放有馬告香腸香料，另外亦附有一小包馬告同款山胡椒香料。香腸入口彈牙，爆汁又唔油膩，整條都鮮嫩多汁。呢種馬告香料為山胡椒，係原住民特色香料，同香腸融合之後，反而提升咗香腸嘅鮮味，難怪Google評分咁高！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 自駕只要定位「吉安慶修院」就得，會經過國道5號、蘇澳交流道、省道臺9線，最後至中興路。若於花蓮火車站出發，可以乘搭台灣好行303B縱谷花蓮線，然後於「慶修院站」落車。

❷ 吉安慶修院門票人均TWD30，半票TWD15，至於花蓮人、身心障礙都係免費入園。

❸ 吉安慶修院設有專用免費停車場，近慶修院馬告香腸小食亭，不過停車位唔算好多。

❹ 馬告香腸每支賣TWD50，而馬告鹹豬肉就賣TWD150，每支香腸重會附送一包馬告香料。