近年先開放參觀嘅「逍遙園」，係高雄新景點之一，隱身於高雄市中心內，該園區原為80年歷史嘅日本華族別邸，係一幢日式建築物，園區免費入場，不妨拍拖兩個人去參觀一下！
「逍遙園」於1940年建成，即係日本昭和15年間，座落高雄市新興區，係台灣在地歷史建築物，亦係高雄市內嘅日式建築。「逍遙園」曾經被用作別墅用途，只係近年先被台灣當地列為歷史建築物，並以3年時間修復，於2020年底方才正底開放公眾入場參觀。
該建築物曾經歷戰後時期，最初係日本真宗西本願寺第22代法主大谷光瑞嘅台灣別館，曾被其用作台灣發展農業、門徒教育訓練基地，佢自己都曾用作主要居所，甚至寫作嘅避暑山莊。建築設計將日式同西式風格融合，係一種和洋折衷風格。整幢建築物樓高2層，別邸大門口朝向西面，內裏甚至設有防空壕。
到底大谷光瑞係邊位呢？佢除咗係日本真宗西本願寺第22代法主，亦係一名日本宗教家同探險家，更同大正天皇有親戚關係，大正天皇嘅皇后就係大谷光瑞夫人嘅妹妹。
地下一層有「大食堂」，現時除咗有展覽空間，亦有小型咖啡店「蔦町和菓子」，但主打係和菓子，最平TWD65一件，亦有煎茶、焙茶、玄米茶、抺茶等，可以坐低飲杯嘢。毗連和菓子店嘅係大防空壕，目前入面係一個放映室，呈現「逍遙園」歷史。據了解，呢個大防空壕係可以容納180人、60人嘅家庭，真令人意外！
依樓梯上行至2樓，可以到達樓上空間，入場前必須要先除鞋。從入口起步，最先映入眼簾嘅係「小食堂」，即係用餐地方，後面就係「廣間」，即係Lobby，旁邊會有個小房間，可以回望下面剛才入口嘅地方。另一端近入口處其實重有個應接室，係一個等候區。室內都係大谷光瑞嘅起居空間，現時用作展示室，擺放其事跡。
接下來會行到「書齋」，係一個日常工作嘅地方，背後亦有個「製圖室」。穿過走廊之後，可以到達「大谷光瑞寢室浴室」，即管探視吓大屋主人嘅睡房空間！後面重有一個叫「座敷」，原來係叫做「婦人室」，字面咁解即係一個畀女性入住嘅房間。
於2樓逛一個圈之後，最後就會到達「炊事場」，呢處係屋內嘅廚房，不難發現當中嘅炊事工具，連屋頂煙囪位都能夠見到。最後就係返回「小食堂」，而「炊事場」同「小食堂」之間係有聯繫嘅，因為當中有個小窗口，大概就係將食物傳出大廳嘅通道。
據悉，「逍遙園」屋頂本來係安裝咗避雷針，係一支三叉形狀嘅避雷針，不過現時就下落不明，只係淨返一個基座。而室內建材大多都係採用台灣黃檜為主，天花就以木片、竹等編成，連間牆都有逾30cm厚，整幢建築物皆造工精緻。
E.A.Tips :
❷ 星期六及日13:00－17:00為導覽時間，每搭正就會有一場導覽，時間約為1小時。
❸ 乘搭高雄捷運至「信義國小站」，徒步約2分鐘即達。
❹ 入口位於後方錦田路。
逍遙園
高雄市新興區六合一路55巷15號
星期二至五11:00－17:00；星期日11:00－18:00；星期一休息
07-2351216
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！