密集恐懼慎入！高雄車站純白雲朵天花、空中花園即將完工？後驛商圈舊彩虹傘大道成衣批發點

高雄「美麗島站」大堂內嘅天花藝術裝置一早成為國際知名藝術作品，吸引唔少人拍拖兩個人前往打卡。而隔離「高雄車站」內亦有一系列全新雲朵式天花即將開放，來自於外國建築設計團隊，車站更有全新空中花園及行人步道，最快2024年底正底開放！

近月前往「高雄車站」發覺車站於整修當中，圓頂天花更變成一個個純白圈圈，以79支各式花柱支撐，最高有15米，大概樓高5層。翻查資料時，方才發現原來該天花板設計大有來頭。唔單止天花板，車站更會有全新行人步道同空中花園，而目前就被圍封當中。

該圓頂天花建築設計來自荷蘭團隊Mecanoo，以「高雄之心」作公共空間設計，原意將片片雲朵放上6呎高圓頂天棚，並配合潔白流線形及大量綠植設計。天花設計令室內空間就似被雲朵覆蓋，恍如抬頭望到天空雲朵一樣，反映高雄晴朗天空。

而車站屋頂就被綠植覆蓋，以大量草皮設計，既可遮蓋炙熱太陽，亦可美化車站。而空中花園、行人步道就未有開放，需要等2024年底或2025年先可以前往參觀。雖然原意係想以雲朵造型勾勒天花，但現實所見，天花只係一個個純白圈圈，抬頭望上「天空」，反而有種密集恐懼症感覺，令人毛骨悚然！

至於「高雄車站」附近嘅「後驛商圈」，幾年前有一道知名打卡點「彩虹傘大道」，但目前該裝置藝術已經消失，只係剩返原先嘅商圈。「後驛商圈」有多個十字路口，交叉設計，商舖不少，適合想要逛街嘅朋友。

「後驛商圈」主要係售賣衫褲鞋襪，就好似台北「五分埔」，都係以平價衣服為主，係一個成衣批發商圈，男裝、女裝、童裝、皮件、飾品等應有盡有，想要買衫亦可以睇吓有無適合自己呢！

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 高雄車站新設施於2024年底才開放。

❷ 後驛商圈彩虹傘只係裝置藝術高掛至2020年4月底，所以目前係無得睇。

❸ 後驛商圈門市營業時間大概係10:00－23:00。

❹

EATWO

Miss A