荃灣街坊港式西餐廳人均$100有找！雅高．33法式焗蠔／田螺焗薯蓉／紅酒燴牛尾

有時候，唔少情侶想要拍拖兩個人出街食西餐，但坊間西餐廳大部份價格都較高，要選擇真係比較困難。如果於budget上決定嘅話，不妨試吓一啲街坊港式西餐廳。荃灣有間港式西餐廳，主打係港式西餐風，內有西餐選擇，出品未如西餐廳高，但亦算合格，人均$100有找，隨時平過食間茶餐廳，都算係低budget嘅選擇。

位於荃灣一隅嘅「雅高．33」﹐距離市中心有一小段距離，但亦算靠近火鍋放題劣食聚會集中地「大鴻輝大廈」。該餐廳名稱似乎係來自於英文，因為英文係「Artco.33」，而店內則有種港式西餐廳風格﹐不過老實講就同時似新式茶餐廳設計。

如果單睇早餐餐牌，真係同港式茶餐廳無異，而午市餐牌至下午茶、晚餐餐牌，就以西式為主。午餐都係西日式混合，無加一；但晚餐就係全西式選擇，有加一。晚市套餐包含蒜蓉包、餐湯，甜品正價減$10，比如有心太軟。晚市套餐較午市西式，基本上係全西式選擇，炒意粉、豬仔髀、焗飯、意大利飯、薄餅等，更有斧頭扒、肉眼扒，都算係平民西餐廳。

而午市套餐就有7款，包括黑松露火腿奄列配鮮茄濃湯牛肉通粉$52、照燒鯖魚併吉列豬扒飯$58、伊雲士燴雞焗飯$58、香草醬鮮什菌意粉$60、意式蕃茄醬牛脷炒意粉$60、泰式紅咖喱燴雞飯$60、法式紅酒燴牛尾飯$60，可轉意粉、飯、薯菜。另外，店內有款什扒飯賣$78，豬扒、雞扒、德國香腸、雞翼、煎蛋、蔬菜、白飯、餐湯、蒜蓉包、飲品，感覺就好似西式版All Day Breakfast，有乜煮乜。

香草醬鮮什菌意粉係簡單而難以成為高水平嘅選擇，不過不失，意粉唔夠乾爽彈牙。法式紅酒燴牛尾意粉就相對比較好，或者係真係嗰種需要燴嘅西餐菜式，牛尾量適中，而呢個意粉好似乾身啲﹐只係都係偏軟身。

午市套餐同晚市唔一樣，價格雖然較低，同茶餐廳價差唔多，但就無包含餐湯同蒜蓉包。還好檸檬茶水平不俗，檸檬同茶底都有酸爽感，無苦澀味。套餐可追加6款小食，包含有法式焗蠔1隻$12、煙三文魚田園沙律$20、香煎雞翼2隻$14、法式田螺焗薯蓉$28、炸吉列大蝦2隻$18、煙肉洋蔥芝士焗大蘑菇$28，原來重有$15／隻生蠔可以選擇。

是次一嘗法式焗蠔、法式田螺焗薯蓉，焗蠔上舖滿芝士，烤成金黃色上檯；而田螺焗薯蓉就更熱焫焫上檯，上面同樣舖滿芝士。前者唔算好大隻蠔，而且缺少焗蠔嘅好朋友洋蔥同煙肉。後者一碟大概有5隻田螺，每件田螺都可以夾埋芝士同薯蓉一齊食，而墊底薯蓉基本上係無任何調味，只係單靠少少田螺同芝士味滲落去。兩者都唔係咩高水平之作，只係算不過不失。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 付款方式接受Visa、Master、現金、八達通、AE。

❷ 早餐供應時間為07:00-12:00、午餐供應時間為12:00-17:30、下午茶供應時間為14:00-18:00，晚餐供應時間為18:00後。

❸ 留意部份飲品跟餐要加$7至10，一普通啲檸茶之類就加$3，熱飲就免費。套餐來說，飲品配咖啡或茶，凍飲加$3。

❹