清境農場係著名台中近郊景點之一，景色優美，而距離清境農場不足5分鐘車程距離嘅地方，竟然隱藏咗一間頗特別嘅地道烤土雞料理嘅餐廳！拍拖兩個人一份套餐食到飽，都係250蚊有找，不過烤雞竟然只限預訂？
於Google評分有4.5分咁高嘅「好雞婆土雞城」，係在地人喜愛嘅烤土雞料理餐廳。雖然同「清境農場」只係2.1公里距離，車程僅需約4分鐘，但位置上頗為偏僻，近「博望新村」入口」，一般遊客未必會搵得到。該餐廳位於馬路之下，必須要走一條大斜路先可以抵達大門口。
進入餐廳範圍之後，會發現當中有唔同包廂，當日被帶到其中一個小屋空間，但其實有部份人會叫做巴洛完帳篷，入面只有少量檯櫈，有少少異國風感覺。隔離用餐客人為在地台灣人，原來對方係事前預訂座位，對方提到同時亦預訂埋烤土雞，E.A.Two方才發現walk in係無可能食到烤雞，因為烤雞供應有限，只提供預訂！
「好雞婆土雞城」其實係清境在地頗高人氣嘅餐廳，主打雲南擺夷料理，據了解係來自於滇緬邊疆撤退過嚟台灣嘅雲南傣族，亦即係擺夷族，所以呢一帶嘅餐廳就係以擺夷料理為主。
據悉，一隻香草烤雞售價為TWD600，而呢個價只係單點計算，而雙人套餐就賣TWD980，可以任揀4款菜式加一款湯品，如果唔係為烤雞而來，其實雙人套餐都幾化算。烤雞係一種香草甕仔雞，份量上其實唔算好大隻，但都有比翼雙飛，現場表皮的確烤得幾香，油光滿滿，只係啲長長嘅雞腳指令人有啲倒胃口。
當日只能夠點選一份雙人套餐，當中可以揀四款主菜，包括季節時蔬、香樁煎蛋、酥炸刺蔥豆腐、風味椒麻雞、日式照燒去骨雞腿、雲南燒肉、泰式檸香五花沙律。而湯品就可以任揀一款，包含有阿嬤的九尾雞、奶奶的鳳梨苦瓜雞、麻油雞、燒酒雞（半酒）。最後我哋揀咗比較特別嘅酥炸刺蔥豆腐、風味椒麻雞、日式照燒去骨雞腿、雲南燒肉，但湯品當時就揀錯麻油雞，其實前面阿嬤九尾雞、奶奶鳳梨苦瓜雞較為獨特。
酥炸刺蔥豆腐係比較少見，選青綠刺蔥為食材，係原住民嘅重要香料，而呢種要係埔里山區先會有較多嘅食材，市區就較為罕見，蔥香鮮明，配上香酥豆腐都好獨特。而風味椒麻雞都係頗正宗，入口帶有微微辛辣感，有少少似泰式，啖啖焦香香脆，雖然肉質唔算太軟腍；日式照燒去骨雞腿亦只係不過不失。至於雲南燒肉亦係雲南擺夷料理菜式之一，有啲似蜜汁燒肉。雖然未有嘗試另外兩款獨特湯品，但麻油雞一樣熱焫焫上檯，用料充足。
E.A.Tips :
❷ 烤雞係必須要預訂先會有得食。
❸ 徒步去會比較麻煩，自駕會較方便，但必須要經一條大斜路先可以下行至餐廳位置，都頗危險，所以建議將車停泊於上面較平嘅路面，然後徒步下行至餐廳。
❹ 留意該店只收現金。
好雞婆土雞城
南投縣仁愛鄉大同村博望巷36-3號(博望新村內)
11:00 - 14:00 、 17:00 - 20:00
+886 4 9280 3016
https://www.facebook.com/ncrcingjing/
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。