【台中景點】新社莊園歐洲古堡！秘密花園古羅馬式建築、置身城堡如王子公主！

要數台中最喜愛嘅景點，E.A.Two首選「新社莊園古堡」，整個空間景色絕美，令人印象難忘！莊園以羅馬式建築設計，恍如歐洲古堡，適合拍拖兩個人前往，置身其中就似童話故事中嘅王子與公主！

編輯最初接觸「新社莊園古堡」，係因為舊時台劇《放羊的星星》，劇中以此為取景地，畫面亮麗，非常吸睛。事實上，「新社莊園古堡」位於台中近郊新社區，與市中心有一段距離，交通上唔太便捷，自駕亦需要30分鐘方才抵達莊園目的地。雖然同市區有一段距離，但正正係呢段距離，令人感覺遠離繁囂，拍拖兩個人漫步其中更能放鬆身心。

「新社莊園古堡」現時亦叫「新社莊園休閒農場」，依然係台中新社風景區內嘅一個古堡花園，以綠色森林為主。整個莊園內，最標誌嘅建築物係酒莊餐廳、古堡、羅馬拱柱噴泉，重有朵拉小鋪、湖畔休憩碼頭，恍惚令人一秒置身中古世紀嘅歐洲，時空錯置。

古堡建築非常雄偉，以羅馬式建築為主，充滿中古風格，巍峨壯麗。而羅馬式拱形噴泉都別樹一格，恍如穿越中古世紀，從拱形框架可以透視莊園另一面。酒莊則以木頭、茅草搭建而成，從中可感受歐洲貴族嘅悠閒。而湖畔一端則能悠閒散步，湖面平靜，映照莊園，自然構成一幅超靚油畫，夕陽斜照下古堡風景更優美！

「新社莊園古堡」設有拱橋之餘，地面有石砌步道，亦有歐式莊園、城堡建築，週邊就似宮廷花園。園內更有噴水池、迷霧瀑布、虹橋、莊園瞭望台、六角亭餐廳、木屋餐廳等，都係打卡之地，可以逛足全日。園區內每一處都係謀殺菲林嘅好地方，唔需要跑到歐洲，都可以於莊園內感受歐洲古堡風情。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 入場費人均TWD350，包含餐飲券TWD100。停車會另收清潔費TWD50﹐以每架車計算。餐點提供時間為11:00 AM－17:00 PM，包括六角亭、酒莊餐廳。

❷ 莊園內可以拍攝婚紗，每次收費為TWD3500，可以畀6人入園，包6杯飲品同6支礦泉水。

❸ 若非自駕前往，可以乘搭豐原客運270、271、276、277 、仁友客運31，於「中興嶺站」落車，然後徒步約20至25分鐘即達。若直接乘的士或call uber前往，預算可能需要TWD500至1000。

❹ 如果從「台中火車站」出發，每日有一班車直達「新社莊園古堡」，時間只限14:05，該班次來自豐原客運。