台中景點馳名中外！101歲彩虹爺爺睡夢中離世！童趣畫作保留彩虹眷村！

「彩虹眷村」係聞名中外嘅知名景點，由在地人到外地遊客紛紛前往參觀。呢條眷村充滿童趣嘅畫作係來自一位香港人，而呢位被稱為「彩虹爺爺」嘅原創者，2024年初於睡夢中離世，享年101歲。「彩虹爺爺」為古色古香眷村添上進趣壁畫，只要拍拖兩個人走入眷村，就恍如走入一個彩虹世界，色彩繽紛，難得係當地一直保留其畫作！

距離「台中火車站」僅有21分鐘車程嘅「彩虹眷村」，以佈滿童趣壁畫嘅眷村聞名，多年來都係唔少人去台中必到嘅打卡熱點。打造呢座台中眷村嘅原創者，就係來自香港、被稱為「彩虹爺爺」嘅黃永阜先生。2024年初，消息傳出爺爺已於睡夢中離世，享年101歲，當時唔少網民群起致哀，表示不捨，一方面感謝其畫出彩虹，另一方面祝福「彩虹爺爺」於新嘅彩虹世界繼續開心生活。

「彩虹爺爺」唔單止係一位土生土長香港人，生前從來無忘記廣東話，而且係一位退伍軍人，自小習武，年輕時曾為抗日士兵，因內戰而撤退台灣，故呢條眷村係退伍軍人村莊，其於該村落已經居住幾十年。最初，只係於自家房屋嘅牆壁上留低七彩繽紛又充滿活力嘅畫作，後來因清拆問題，將畫作擴展至其他人嘅房屋，令畫滿卡通、色彩繽紛嘅「彩虹眷村」瞬間爆紅。

「彩虹眷村」唔單止受到在地人歡迎，連世界各地觀光客都慕名而至，紛紛前往打卡留念。該村獲得國際關注，既獲英國旅遊網站《Culture Trip》選為「全台十大Instagram打卡點」，亦獲得日本網民選為「最想去的拍照景點」，更獲另一知名旅遊雜誌指南《Lonely Planet／孤獨星球》選為「世界的祕密奇跡」景點，而日本漫畫貴太郎會社曾稱「彩虹爺爺為「台灣宮崎駿」。

眷村係一間間老屋，佈滿彩繪壁畫，五顏六色，畫作充滿童趣，恍如一個又一個區塊，置身其中就似闖入童話世界。單純嘅想法，鮮艷嘅色彩，每一筆塗鴉都滲透正能量。據悉，目前「彩虹眷村」已加入其他在地藝術家等參與創作，繼續打造彩繪牆，延續「彩虹爺爺」嘅藝術生命。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 彩虹眷村設有停車場。若乘搭公共交通工具，可以乘搭高鐵至「台中火車站」，轉乘台中公車617；或乘搭臺鐵至「新烏日站」，轉乘台中公車56、74、655，同樣於「彩虹眷村（嶺東南路）站」落車即達。

❷ 唔需要門票就可以免費入場參觀，每半小時收費TWD10。

❸ 眷村園區只有單一出入口，需要從彩虹藝術公園廣場入場﹐入口近嶺東南路旁。

❹ 「審計新村」有間「彩虹文創台中草悟道門市」，係唯一來自「彩虹眷村」嘅舖頭，以彩虹爺爺故事館為題，售賣畫作商品。