Sanrio迷注意！喜愛Sanrio或Hello Kitty嘅朋友，拍拖兩個人去台灣快閃遊一定要留意E.A.Two呢篇文章啦！今次我哋遊走台中4個售賣Sanrio商品嘅店舖，除咗為人熟悉嘅直營店同7-Eleven主題店，其實重有兩間鮮為人知嘅Sanrio商品店，有一間更加係超平價散貨場！即睇4間Sanrio店地址及營業時間！
Sanrio 7-ELEVEN 三中門市
如果有留意E.A.Two文章介紹嘅讀者，應該記得編輯曾經去過台灣7-Eleven嘅Sanrio主題店。除咗台北、高雄之外，台中一樣有唔止一間7－11 x Sanrio主題店，其中一間就係「Sanrio 7-ELEVEN」三中門市。
「Sanrio 7-ELEVEN」同以往台北、高雄見過嘅主題便利店無異，都係以粉紅色為主調，室內外都佈滿Sanrio公仔裝潢，天花板、牆壁、檯櫈、鏡子都有卡通公仔。7-Eleven嘅Sanrio主題便利店並非只係得Hello Kitty，亦有其他Sanrio Characters，比如係My Melody、玉桂狗、布丁狗、蛋黃哥等等，眾多角色聚集於便行店內，非常熱鬧！
主題便利店內有唔少限定商品，點心盤、證件包、散紙包、陶瓷碗、禮物盒、雨傘、手袋、cusion等等，商品款式比台北或高雄嘅主題便利店多少少，只係比較少Hello Kitty and Sanrio Characters公仔。
Sanrio 7-ELEVEN 三中門市／7-11三麗鷗主題店
台中市西區忠明路54之1號
24hours
+886 4 2314 6826
7-11.com.tw
Sanrio Gift Gate-大隆直營店
講到最為人熟悉嘅Sanrio店，必然係日本官方直營嘅「Sanrio Gift Gate」，台中直營店就位於大隆路。該店大門口可見Hello Kitty雕塑像，美中不足係好難埋去同Hello Kitty影張相，皆因係位於玻璃窗後，而雕塑像後面就比較窄同有商品櫃檯。
該Sanrio直營店雖然位於台中市區，但同一般Sanrio店無咩分別，無論商品款式，抑或係價格，都同平常見到嘅Sanrio店無異，甚至都係台中4間Sanrio店入面較高。台中店有唔少商品喺其他地方都可以買得到，只有少量係新推出，有部份商品甚至連澳門都見過。
Sanrio Gift Gate-大隆直營店
台中市西區大隆路39號1F
11:30–20:00
+886 4 2319 7035
Hello Kitty 千趣屋百貨 日本雜貨
台中有2間比較鮮為人知嘅Sanrio專門店，其中一間係以Hello Kitty為主打，亦有其他Sanrio Characters商品，但大部份商品都係Hello Kitty嚟！該店送禮自用皆宜，價格平至TWD1000左右，不過編輯略嫌呢間日本雜貨專門店大部份商品價格都係稍高。
呢間Sanrio專門店為「Hello Kitty 千趣屋百貨 日本雜貨」，座落台中市區，位置近「審計新村」、「范特喜文創聚落」。該店地方不大，但就佈滿Sanrio精品，包含可愛嘅Hello Kitty產品，亦有玉桂狗、My Melody、Snoppy等商品，無論實用生活用品，抑或公仔，皆應有盡有，唔需要去日本都可以買得到！
Hello Kitty 千趣屋百貨 日本雜貨
台中市西區向上路一段124號
11:00–21:00
+886423019000
麗嬰國際清倉中心－台中美村賣場
距離「Hello Kitty 千趣屋百貨 日本雜貨」不遠處，可以搵到另一間隱藏於台中市區嘅Sanrio及玩具特賣場。講到E.A.Two私心推薦嘅台中Sanrio商舖，必然就係呢間「麗嬰國際清倉中心」，真係一個玩具天堂！
「麗嬰國際清倉中心」唔單止座落台中美村，連台北長春、高雄光華皆有分店。所謂清倉中心，其實就係散貨場，或者特賣場。該店係唯一唔喺地面嘅商舖，唔單止門口唔晰，亦需要下行至地牢先會搵到。店內所有商品都係低價發售，幾千種玩具任揀不特止，更有TWD10起嘅日本進口扭蛋可以玩！
甫踏入大門口，就會見到有一整排扭蛋機，好多都可以以超平價任玩！而扭蛋機背後就係一行又一行玩具，例如係日本動漫角色商品、Disney商品、角落小夥伴商品、Kakao Friends商品、Minions商品等等，琳瑯滿目。該店地方偌大，最難得都係正版玩具，恍如台中玩具Outlet。
至於Sanrio商品，清倉中心內皆有售賣，一隅有一整排Sanrio卡通，無論係文具、生活用品，抑或係卡通公仔，應有盡有，前往血拼隨時逛足1至2小時。最難得係大部份比外邊更低價，最平TWD218就有一隻可愛Hello Kitty公仔，折合港幣即係大概HKD50，認真平到笑！
該店有會員優惠，只要畀TWD100成為會員，出示會員卡兼買滿TWD10000，生日月份更有8折生日優惠！Sanrio公仔買3送1、買5送2，其他TA公仔甚至買1送1、買3送5。不過，成為會員要有電話號碼，無都唔緊要，因為就算單購商品，其實都唔係好貴，做唔做會員就有讀者屆時自行決定。
麗嬰國際清倉中心／玩具outlet賣場
台北長春﹕台北市中山區長春路299號2樓
台中美村﹕台中市西區美村路一段272號B1
高雄光華﹕高雄市苓雅區光華一路148-82號B1
12:00–19:00；星期一休息
02-25018923／04-23013635／07-2237013
E.A.Tips :
❷ 麗嬰國際清倉中心台中店需要落地牢。
❸ 3間都唔需要做會員，而麗嬰國際清倉中心入會做會員就可以有優惠，但埋單就需要超過TWD10000。
❹
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！