荃灣美食餐廳眾多，拍拖兩個人由荃灣走到荃灣西，想食乜就有乜。今次E.A.Two前往香車街一帶，當中有一間來自泰國人班底嘅泰國菜餐廳，以傳統泰菜為主，價格尚算適中，菜式更以一款配菜連結返該店嘅兔仔logo。
早前，E.A.Two曾經前往香車街嘅「壹盅湯」，該店以中式燉湯同籠仔飯為主。原來於同一條街道上，重有間泰國菜餐廳，該店名稱頗為有趣同與別不同，既英且中﹐名為「Ann Mamma Thai kitchen by 張秀玲」，一望就知係主打泰國菜，不過到底邊個係張秀玲呢？
荃灣店雖然係叫「Ann Mamma Thai kitchen by 張秀玲」，有網民謠傳原店係來自於旺角女人街嘅「Ann Mama Thai Restaurant」，分別在於阿媽定阿囡，旺角店係阿囡開嘅，而荃灣店就係阿媽開，換言之張秀玲就係媽媽嘅名字。不過，實際上兩間店就係毫無關係，只係各有各做，我哋就只會選擇荃灣店，而「張秀玲」咪老闆娘個名。
呢間顧名思議就係主打泰國菜，提供午市同晚市，來自於泰國人班底，所炮製嘅都係傳統泰國菜。店內菜式包括有芒果糯米飯、菠蘿炒飯、大蝦炒金邊粉、泰式無骨滷水豬手、青咖喱雞、黃咖喱牛腩、冬蔭功、蟹肉炒飯等。而午餐價格亦算親民，有烤雞青木瓜沙律配白飯$68、泰式豬肉船麵$78、泰式豬肉乾炒河粉$78、海南雞配油飯或白飯$78等，當日留意到比較受歡迎嘅係泰式船麵、泰式乾炒河同烤雞木瓜沙律。
泰式燒豬頸肉飯$78係平常都有機會見到嘅菜式，燒豬頸肉配搭白飯，旁邊有一小碟醬汁，醬汁微辣，帶有酸甜味，內有洋蔥、香料等，除咗可以蘸豬頸肉，亦可以下飯。至於燒豬頸肉，每一塊都係厚切，表皮烤得微脆，而肉質則軟嫩，有保留肉汁。
泰式蝦頭油海鮮炒飯$88係本地比較鮮見嘅泰菜，炒飯只係簡單加入兩片青瓜做點綴，睇清楚原來係連貫返該店嘅兔仔logo，賣相頓時感覺可愛非常。炒飯驟眼睇有啲似泰式版本嘅西炒飯，炒飯質感夠乾爽鬆散，滲出淡淡獨特香味，只係蝦油唔係太濃。炒飯表面好似平平無奇，但底下收埋5隻爽口大蝦仁！
套餐可以加小食，今次加咗2串串燒$28，串燒可揀雞肉或豬肉，雞肉串燒燒成金黃，既燒得香口，調味亦入味，沙嗲醬汁入口竟然帶有少少甜味。另外，雖然特飲加$18有芒果百香果沙冰、粉紅番石榴特飲，但當日就無得提供，所以只點咗泰式咖啡、泰式奶茶，咖啡無咩苦澀味，有少少似越式咖啡，而奶茶茶底都幾香，唔算好甜。
E.A.Tips :
❷ 午市無加一服務費，但晚市就有加一服務費。
❸ 留意該店有落場，午市只營業至下晝3點，到傍晚6點先會開門。
❹ 部份菜式有機會提早售罄。
Ann Mamma Thai kitchen by 張秀玲
荃灣曹公坊11號地舖
12:00 - 15:00、18:00 - 21:00
2806 0881
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
土瓜灣零負評名物有樂燒味！老細隨時放假、開舖時間不定極有性格！乳鴿／叉燒／豉油雞／燒肉難以挑剔！
【#土瓜灣名物】今時今日，喺香港絕對好難搵到無批評嘅餐廳小店。如果拍拖兩個人真係想搵陣，可以試吓呢間土瓜灣名物港式燒味店，至少未見到有任何批評，咁耐依然可以keep住零負評！睇嚟該店生意真係唔差，老細就算係一人辦公，唔單止可以隨時放假，開舖時間亦不定，甚至講明瞓醒先開，非常有性格！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！