台南夜市大多位於市區內，而東區就有兩個夜市左右互相連結，據悉係分拆出嚟，到底兩個夜市係咪特別強呢？想要拍拖兩個人去左右相連嘅「大東夜市」、「大東東夜市」，即睇夜市營業時間、地址、2個夜市各自嘅7大小吃推薦！
台南東面有兩個相連嘅夜市，一個係「大東夜市」，另一個就係「大東東夜市」，有人會叫做「 大東東大東夜市 」。而台南夜市口訣「 大大武花大武花 」中嘅「大」，亦包含「大東夜市」同「大東東夜市」。今時今日，「大東夜市」地方不大，原來只係得本來夜市嘅三份一大小，但攤位依然有約100個，多為小吃攤。而「大東東夜市」就係由本來嘅「大東夜市」分拆出嚟嘅新夜市，佔原先夜市嘅三份二大小，入面有大約300個攤位，唔單止有小吃攤，亦有遊戲區同百貨區。兩個夜市基本上無相通路線，要走到另一個夜市，需要經大路過去，要走出一個夜市，先可以去到另一個夜市。據悉，夜市分拆係同土地經營權有關，只係目前規模感覺變得細小，較其他夜市係有啲遜色。
大東夜市
大東夜市美食（1）﹕日世界豆乳雞
「大東夜市」內美食不少，近入口就有間「日世界豆乳雞」，連「自由時報」都有報道，每支豆乳雞翅TWD25，買6送1，而一份豆乳雞就賣TWD50至150。
大東夜市美食（2）﹕春捲冰淇淋
而夜市內有款頗受歡迎嘅「春捲冰淇淋」，口味不少，有牛奶、鳳梨、芋頭、柚子、朱古力，每一份可揀1球或2球雪糕。
大東夜市美食（3）﹕延記臭豆腐
「延記臭豆腐」每份賣TWD70，唔單止呢個夜市，「花園夜市」都有得食，而TVBS、食尚玩家都有推薦報道。臭豆腐原來一份有5嚿左右，伴有泡菜，檯面有蒜蓉、辣椒醬可以配搭臭豆腐。
大東夜市美食（4）﹕小蒜一牛排
「小蒜一牛排」亦係夜市小吃之一，價格相宜，一份牛小排TWD180、鐵板麵TWD80、牛排TWD130，可以配搭蘑菇醬、黑胡椒醬或綜合醬。
大東夜市美食（5）﹕鍋巴糍粑
至於「鍋巴糍粑」，一份TWD60，當中有每日限量嘅肉桂蘋果、起司肉鬆等，招牌大四喜就含有花生芝麻黃豆黑糖，小攤前面不時有在地人排隊等候。
大東夜市美食（6）﹕法貝客可莉餅
「法貝客可莉餅」係一間有30年歷史嘅小吃，由1995年起營業至今，有甜味、起司、香蕉口味等，一份TWD45至60，都係一間頗受到在地人歡迎嘅甜點小吃店。
大東夜市美食（7）﹕造型雞蛋糕芋冰
一隅有間「造型雞蛋糕芋冰」，一份TWD50，一個價錢有齊幾款卡通公仔造型，包括叮噹、hello kitty、比卡超、my melody、青蛙、麵包超人等，一份有6件，不過略嫌上手凍晒，唔係熱焫焫，入口比較乾。
大東東夜市
大東東夜市美食（1）﹕二師兄古早味滷味
「大東東夜市」係比「大東夜市」大少少，所以小吃攤檔都係多啲。夜市內有個個夜市都人氣十足嘅「二師兄古早味滷味」，呢間於「花園夜市」都有。店內以滷味為主，可以選擇雞翅、鴨翅、雞心、鴨舌、棒棒腿、雞爪、豆干等，嚿嚿滷得焦糖色，由外面內滷得通透，滷得好入味。
大東東夜市美食（2）﹕古早味炭烤玉米
炭烤小吃向來係夜市別具人氣嘅小吃，除咗「花園夜市」、「武聖夜市」都有嘅「炭烤雄大香雞排」，每份TWD75至110；每份TWD80至150嘅「郭公館烤魷魚」，以及「德聖醬燒雞排」等，重有「古早味炭烤玉米」，都係炭烤為主，雖然未至於排隊店，但不時有人到小吃攤位購買。
大東東夜市美食（3）﹕鳳姊杏仁茶
台南人嘅古早味飲品有杏仁茶、雪淇冰，呢個夜市就有「七彩虹雪淇冰」，每杯TWD30至50，係雪淇冰配台式飲品，例如紅茶、冬瓜、焦糖鮮奶、檸檬愛玉、黑仙奶等。另外，亦有「鳳姊杏仁茶」，係一款台灣茶，主打手煮茶、職人茶，古早味濃厚，感覺係小眾喜愛嘅飲品店。
大東東夜市美食（4）﹕土耳其沙威瑪
「巨無霸串燒」、「土耳其沙威瑪」都係估唔到受歡迎嘅小吃攤檔，雖然我哋唔太明白點解在地人咁鍾意食土耳其小吃沙威瑪，因為佢只係一款將肉片夾喺麵包內嘅小吃，但的確每個夜市都見到呢種小吃係大排長龍。
大東東夜市美食（5）﹕大森鐵板燒
夜市內有間「大森鐵板燒」，可以坐低用餐，套餐TWD240至450，包含有豬、牛、羊、雞、魚、蝦，單點最平係TWD100，有菲力牛排，都係以鐵板燒方式烤製。
大東東夜市美食（6）﹕南台灣地瓜球
地瓜球向來係台灣受歡迎嘅小吃之一，夜市門口有間「南台灣地瓜球」，正正位於門口第一攤，每份為TWD30至50。驟眼睇，門口有晒排隊路線，似乎係一間排隊店。不過，地瓜球上手並唔係我哋鍾意食嘅
大東東夜市美食（7）﹕陳家阿嬤拔絲地瓜
「陳家阿嬤拔絲地瓜」，每份TWD50至100，拔絲地瓜、拔絲薯條、拔絲地瓜球、拔絲芋頭，12或24顆，新年有拔絲湯圓，不過略嫌今次呢個夜市唔夠熱。另外，同一個夜市都有「憨吉大欸拔絲地瓜」，亦有拔絲薯條，每份TWD60至100，賣嘅嘢係相似，只係無咁高人氣。
大東夜市、大東東夜市遊樂場
遊戲攤位喺兩個夜市之間，有啲人好似行捷徑咁隔硬喺中間穿過，但其實正式路段係需要先走出夜市，先可以進入另一個夜市。而遊戲攤位基本上位於「大東東夜市」，因為「大東夜市」主要得小吃攤檔。
E.A.Tips :
❷ 夜市位於東區，距離台南車站大概有7分鐘車程。
❸ 部份攤檔於其他夜市都有。
❹ 留意2個夜市均只有3日營業。
大東夜市
台南市東區林森路一段276號
星期一、二、五18:00–01:00
https://www.facebook.com/%E5%A4%A7%E6%9D%B1%E5%A4%9C%E5%B8%82-188620834487498
+88663355301
大東東夜市
台南市東區長榮路一段223號
星期一、二、五18:00–01:00
https://www.facebook.com/profile.php?id=61551560992329
+886966363751
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。