分類: 東南亞菜

【#尼泊爾餃】平常拍拖兩個人唔係食日本菜、韓國菜，就係港式、中式、西式？雖然近一年結業潮湧現，食肆紛紛閂門，但其實仍有唔少有水準又值得支持嘅小店，甚至有罕見嘅少數民族食店。今次推介一間位於西環、本地超罕見嘅尼泊爾小食店，由嫁雞隨雞嘅港媽與尼泊爾藉另一半打骰。

【#冬菇亭下】以現時嚟講，何文田都算係本地其中一個美食沙漠，良心食店少之又少，有唔少餐廳更逐漸結業，令此區美食點變得更稀少，想要拍拖兩個人搵間餐廳坐低食個飯都唔容易。相信亞皆老街一帶嘅何文田美食仍然唔難搵到三兩間，暫時不作多談，今次編輯前往何文田愛民邨一帶，找尋一間冬菇亭下嘅泰國菜餐廳。

【#巷弄pho】每個區都有個別值得拍拖兩個人去嘅餐廳美食，而鰂魚涌一道小巷內，竟然有間餐廳寫住西貢？原來呢間以越南粉Pho為主打嘅小店，確實來自西貢一間食店，貫徹以西貢店湯河作招徠。

【#香港小泰國】九龍城向來係香港聚集泰國華僑、泰國美食嘅地區，單單泰國菜館已經數之不盡，而eatwo曾經報道過，九龍城區內推介嘅泰國菜餐廳其實唔多，今回再試試衙前塱道另一邊嘅泰皇閣，一條街有兩個舖位，由泰國人主理，都係值得拍拖兩個人一試嘅餐廳。

【#大埔廣場】大埔美食點有好多，今次縮窄範圍，集中講吓大埔廣場，整個廣場內其實只有3間食店，包括有日式料理、港式車仔麵及泰式海南雞飯，而拍拖兩個人由大埔廣場前行至海濱公園野餐，腳程只係約5分鐘，非常方便。

【#平價泰菜】街市市政大廈內嘅熟食中心向來帶俾人骯髒、雜亂嘅感覺，但其實間中都會搵到好嘢食，當中旺角花園街熟食中心內就有一間屹立多年嘅泰國菜，無論係紅咖哩定青咖哩、冬蔭公定串燒，都係即叫即整，雖然係外賣，但都算拍得住九龍城著名嘅泰國菜，可以拍拖兩個人一試。

【#越南菜餐廳】相對於深水埗，長沙灣嘅美食點可能比較少，但其實識食一樣可以拍拖兩個人搵到好嘢食，當中離青山道不遠有一間越南菜，以越南Pho為主打，全港有2間分店，至每碗仍屬街坊價錢，同時亦算係良心嘅食店。