特許經營全港3間分店英雄超人主題Hero’s Friday賣漢堡包兼推本地獨創日式Pancake漢堡

漢堡包店有好多選擇，包括靠人氣男團翻身嘅連鎖式快餐店，亦有一間又一間小店，而目前特許經營嘅小店開始增加，以下呢間以英雄超人為主題嘅漢堡包店就係其一，不單售賣普通漢堡包，重有一款全港獨家首創、來自日本嘅班戟漢堡，目前有3間分店，值得拍拖兩個人一試。

以「Hero’s Friday」命名嘅漢堡包店，由2019年開業至今，從門面到招牌都明顯以英雄超人電影角色為主打，菜式則為手打牛肉漢堡，而且聲稱無添加漢堡包，以2層5oz的純牛肉、新鮮番茄，加上爽脆生菜和惹味自家醬，確實令人垂涎。翻查資料，原來呢間小店係一間特許經營嘅食店，意思即係加盟式連鎖店，等同7-Eleven。據了解，加盟特許經營台舖投資約$150,000，年期為3年，相對成本較低，而食材、質素同配套亦有保證，亦有人協助，食物都係全自家製作，重點始終係本地品牌。

菜式當中，招牌作為9層巨無霸英雄漢堡，亦有隊長漢堡、磁力漢堡，即係包含美國牛肉嘅典型漢堡包，以手打牛肉炮製漢堡扒，狀甚吸引，不過，編輯認為更特別嘅係「Panger班堡」。簡單嚟講，「Panger班堡」即係一款班戟漢堡，以Pancake取代麵包，演變成另類漢堡包。

再查之下發現，呢款班戟漢堡係來自日本，而香港方面，「Hero’s Friday」就係全港獨家首創，絕對係市場獨有。班戟漢堡有4款餡料可擇，包含豬柳、芝蛋、煙肉蛋、豬柳蛋，以豬柳蛋班堡$52 為例，餡料相當足料。加上小食甜薯薯條$10，甜番薯製成嘅薯條甚乾身，薯味足，只蘸蕃茄醬已經夠味，而且質感結實，以為份量唔多，但其實非常飽肚，甚至乎有啲飽飽滯滯。

豬柳蛋班堡底面分別有一塊班戟，兩塊都夠厚身，啖啖入口鬆軟，如同麵包蛋糕，相對甜薯比較濕潤，色澤呈鮮黃色至淡黃色之間。而事實上，呢款班戟漢堡係來自全日本麥當勞早於2007年推出嘅早餐嘅鬆餅漢堡「McGriddles（マックグリドル）」，而呢款豬柳蛋班堡上下層班戟夾住中間豬柳、滑蛋、芝士，豬柳偏薄身，芝士微溶，炒滑蛋比較碎，但滑蛋令漢堡好厚，蛋味極香濃，甚至帶有奶香味，整體一啖入口鹹中帶甜，只係美中不足係缺少楓糖漿。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 用手機App會員價更抵，有折扣優惠。

❷ 現時分店位於紅磡船塢街99號黃埔新邨遠富樓地下4M號舖、深水埗福華街157號地下D號舖、荔枝角青山道489號香港工業中心A座地下A5C號舖，至於中環威靈頓街71號地舖、荃灣昌泰街2-8號昌泰大樓地下4A號舖則已結業。

❸ 其他加配小食有炸洋蔥圈、薯角、英雄炸雞粒。

❹ 打電話預先落Order會比較快，最好早10至15分鐘落Order。