台北市設有無數個觀景台，喜愛拍拖兩個人到台北自由行嘅你必定要到編輯以下私心推薦嘅市區觀景平台！該景點於2023年初先至設立，觀景台為一個純白鏤空設計嘅巨形球體，有如白色波波，可以180度賞景，絕對係打卡必到嘅全新景點！
「士林夜市」係自由行旅客經常到訪嘅台北夜市，但其實士林區重有好多值得逛逛嘅景點。其中，2023年方才開放嘅「微風平台／北眼平台」就係重點推介，於「士林夜市」入口抬頭一望，可見一個建築設計獨特嘅純白觀景台矗立「劍潭山」上。
從捷運「劍潭站」出發，2號出口可達曾獲得《時代》雜誌及《CNN》推薦為「全球最佳百大景點」及入圍「8大建築」嘅「台北表演藝術中心」。走到捷運站另一端，依循「劍潭山親山步道」指示牌走，一直向山路入口前行，沿途可見保齡球館「圓山育樂中心」，該路線同時可前往知名酒店及地標「圓山大飯店」。
沿「劍潭山親山步道」走，穿過林蔭大道，大概30分鐘步程之後，即達「圓山風景區」內全新景點「北眼平台」，亦叫「微風平台」，路線亦可達「圓山水神社」。事實上，走「劍潭山親山步道」難度不高，只係一道如同晨運徑嘅行山路線，穿過小森林就可以觀賞山下風景。即使係行山新手，都能夠輕鬆駕馭。
走到全新觀景台之前，會先到達「劍潭山」本身嘅舊觀景台。「劍潭山」其實只有海拔153米高，被稱為「台灣小百岳」，原先其實只係軍事管制區，亦係保安林地，後來發展成行山徑。該山上舊有觀景台嘅景觀同「微風平台」景觀截然不同，皆因可放眼「松山機場」、「台北101」、「新光大樓」方向景緻，甚至台北盆地，景觀遼闊，視野震憾！
「微風平台」為一個戶外伸展台，於山邊向外延伸，位處紅色電塔「中央廣播電台圓山微波站」附近。站於其中，恍如站於凌空設計嘅瞭望台之上，懸空漂浮著。而「微風平台」以全白色設計，純純觀景台以鏤空作裝飾，風格獨特，打卡必到！
站於「微風平台」，既可180度飽覽台北市繁華美景全貌，包括淡水河、基隆河，亦可以下瞰入口處嘅「士林夜市」及「台北表演藝術中心」，城市美景一覽無遺，風景絕美，CP值極高！夜晚時，相信萬家燈火更會映入眼簾。全新觀景平台既係步道中打卡熱點，亦係士林區一帶最美賞景地！
E.A.Tips :
❷ 劍潭山親山步道入口近劍潭公園，後面係圓山大飯店。
❸ 若然想要去洗手間，可以於捷運「劍潭站」方便，或者「福正宮」旁邊都有公廁。
❹
劍潭山親山步道（圓山風景區）
台灣台北市中山區中山北路四段71巷2弄69號
24hours
臺北市工務局大地處：02-2759- 3001
劍潭山微風平台／北眼平台
臺灣台北市中山區中山北路四段1號
24hours
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！