【曼谷景點】一條路線遊走大皇宮／玉佛寺／臥佛寺／大鞦韆必去隱藏「金屬城堡」王孫寺｜附入場費及交通方法

去曼谷自由行，有幾個熱門景點必然拍拖兩個人朝聖嘅地方，毗鄰昭耶河畔嘅曼谷大皇宮、玉佛寺、臥佛寺等，都係知名曼谷景點，亦係莊嚴而金碧輝煙嘅佛教勝地。除咗上述幾個景點，重有一個有如金屬城堡嘅隱藏寺廟，今次E.A.Two就帶大家一個路線走勻幾個主要景點，探索埋呢座金色尖頂城堡！

曼谷大皇宮／Grand Palace

曼谷大皇宮毗連Tha Maharaj碼頭及昭披耶河，係曼谷重要地標，亦係入場費最高嘅寺廟。不過，一張曼谷大皇宮嘅門票同時包含進入玉佛寺、柚木宮及錢幣鑄造館，必睇嘅係大雄寶殿中嘅鎮國之寶翡翠玉佛。

講到曼谷大皇宮歷史，可以追塑至18世紀至20世紀，於1785年建成，一度係暹羅王國嘅皇宮，係泰國王室入住嘅皇宮。直到1946年，由泰國國王拉碼一世住到八世，最後八世駕崩，王室已搬離大皇宮，目前並無皇室居住，反而成為旅客景點。大皇宮有摩天宮殿，由3座主宮組成，包含陀羅殿，最初係用作舉行國王典禮，後來變成皇室居所。不過，目前不時依舊會有各項慶祝儀式或典禮於大皇宮舉行。

從MRT站出發，徒步15分鐘即可抵達大皇宮，週邊有高聳圍牆，連綿有1900米，四方八面包圍住大皇宮。而大皇宮地方偌大，合共有超過20平方米，當中有28座，整個建築群金碧輝煌，璀燦奪目，莊嚴宏偉。大皇宮內，大部份地方都開放公眾參觀，只有主要建築一直並無開放，而且更有人把守。

除咗陀羅殿，亦有大雄寶殿，大皇宮內更有錫蘭式金色舍利佛塔、皇室宗廟、泰式藏經閣、武隆碧曼宮、節基殿、兜率殿、高棉式碧隆天神殿、玉佛寺畫廊等。其中，節基殿係最大嘅大座，來自第五世，而且係英國設計師手筆，擁有維多利亞時代風格，將英國風及泰國方形尖頂融合，藝術與莊嚴、建築美兼備。

玉佛寺

而玉佛寺係位於大皇宮內，同樣係歷史悠久嘅建築物。玉佛寺與大皇宮一樣，都係來自於拉碼一世，但就係1782年建成，比大皇宮更早。玉佛寺內一直供奉住泰國國寶玉佛像，個個玉佛像都係翡翠雕製而成，當中亦有一排8座彩瓷佛塔，構成一直線，合並有8種顏色，象徵佛教中唔同元素，非常吸睛。

屬於開朝建築嘅玉佛寺，一直處於昭披耶河畔，不時有重家儀式，與大皇宮一樣係泰國重要宗教勝地。而玉佛寺面積不大，只有整座大皇宮嘅四份之一，位於大皇宮嘅東北面。

玉佛寺最大特色係加高後嘅白色大理石基座，以及週邊璀燦鑲嵌裝飾，寺外圍牆同樣係以白色為主，相當簡潔，門口亦有5米高嘅守門神雕像。圍牆上亦有178幅壁畫，而壁畫來自泰國神話場景，需要順時針方向欣賞。

臥佛寺

至於臥佛寺，則並非位於曼谷大皇宮內，但就鄰近大皇宮，入場費亦比大皇宮平。而事實上，臥佛寺係曼谷中最古老嘅寺廟，當中有巨型金色臥佛像﹐以及1000尊佛像，值得參觀一下。

臥佛寺既靠近大皇宮，亦近Tha Maharaj碼頭，距離MRT站只係5分鐘步程。臥佛寺比大皇宮及玉佛寺遲幾年建成，建於1788年，有超過220年歷史。正殿中有釋迦牟尼臥佛像，高約15米，長約46米，係全泰國3大釋迦牟尼臥佛像之一，金光閃閃，相當雄偉。另外，亦有4座國王專屬大佛塔，分別為黃、白、藍、綠色，來自拉碼一至四世，寶塔鑲滿陶瓦裝飾，設計甚為有趣。

呢座釋迦牟尼臥佛像樣子平靜，係涅槃及修成正果時嘅姿態，金色臥佛像採用磚石鑄身，上面加上金箔，再加上寶石。臥佛寺兩端更有整排彩繪巨柱，屹立寺中。如果想祈福，可以參考當地善信，將20泰銖唱成一角硬幣，然後於佛像後通道整排缽中，向108個缽投入硬幣，許願祈求吉祥、平安、心想事成。

大鞦韆／The Giant Swing

曼谷舊城區內，寺廟眾多，亦有考山路夜市，而曼谷大鞦韆亦係重要地標之一。不過，大鞦韆其實只係處於空蕩蕩迴旋處嘅一個紅色巨型鞦韆，狀似日本神社內嘅鳥居，只係適合簡單打個卡，無需要逗留太耐。

事實上，大鞦韆位於曼谷善見寺前面，係1784年拉碼一世時期建成，原意只屬舉行婆羅門教鞦韆儀式而建，用作迎接濕婆神（Shiva）。不過，該儀式於1935年已經停辦。

大鞦韆造型巨大，高逾3米，周長亦有超過3.5米，呈大紅色。大鞦韆柱子代表山，而底座為圓形，則代表住地球及海洋，大鞦韆門為其中一個曼谷象徵地標。

王孫寺／Loha Prasart／Wat Ratchanatdaram Worawihan

前往曼谷旅遊，好多人都只會諗到大皇宮、玉佛寺、鄭王廟等著名地標，今次編輯帶大家前往另一個比較鮮為人知嘅寺廟。呢座曼谷寺廟有如一座金屬城堡，造型獨特，非常吸睛。

金屬城堡名為王孫寺，緊鄰考山路，同時距離大鞦韆不遠，正好一條路線直達。王孫寺建於1846年，經歷三世至五世皇朝，先至由一片果樹林變成宏偉金屬殿。王孫寺比上述幾座寺廟年期較淺，係拉碼三世先至建造。

王孫寺係一座三等皇家寺院，相對大皇宮係無咁受到關注，不過建築結構上同樣係值得欣賞。寺中有37座金色尖塔，放眼仰望可見樓高3層嘅金字塔式金屬宮殿。呢座金屬殿高有38米，設計源自斯里蘭卡，每層有多個尖頂，層層延伸，大殿內更有螺旋形樓梯。而寺廟週邊有彩色玻璃鑲嵌壁畫，內堂更有釋迦牟尼佛像及佛祖像。

寺中有戒堂、精舍、講經堂，亦有傳統佛塔，屋檐上有金漆，顯得更金碧輝煌。不過，據悉王孫寺本來係以黑色尖塔為主要設計，只不過於2015年先至髹上金色，似乎屬後期改建。若走上寺廟頂端，更可以360度賞景！

值得一提，王孫寺為金屬殿設計，3座式樣不一，有2座係源自斯里蘭卡及印度，其實係世界僅存嘅建築，風格突出，名副其實係唯一嘅金屬城堡。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭BTS至「Sanam Chai 站」，於1號出口徒步約10分鐘即達曼谷大皇宮；曼谷大鞦韆則與大皇宮距離約15分鐘步程。乘搭MRT至「Sam Yot 站」會比較接近王孫寺，徒步15分鐘即達。不過如果一條路線走，可以從大鞦韆出發，徒步9分鐘可達王孫寺。

❷ 大皇宮範圍嚴禁使用無人機。

❸ 大皇宮、玉佛寺內有洗手間。

❹ 留意參觀時要穿著長褲或長裙，切勿穿著無袖上衣或露腰裝等性感衣服。寺廟門口有得租借衣服，多數50至100泰銖左右就有一件。