【聖誕好去處2023】美麗華廣場隱藏趣味聖誕樂園尋找12星座聖誕老人／7米高玻璃屋／戶外巨型紅帽子

尖沙嘴一帶即將有好多聖誕活動，展覽設計上要搶Fo就要多花心思，其中Mira Place今次就以星座為主題，最特別之處係將聖誕老人化成12星座，拍拖兩個人搵聖誕裝飾打卡時，記得搵埋屬於自己嘅星座老人啦！

今次尖沙嘴美麗華廣場聖誕活動以「Find Your Santa Zo-mate」為主題，其中「Zo-mate」為諧音「Soulmate」，意指「靈魂伴侶。展覽隱藏於地庫內，位置人流唔多，但竟然有啲驚喜。

走到尖沙嘴金巴利道，抬頭即會見到有一個巨型紅帽子聖誕老人空降行人天橋之上。一個吹氣紅帽子與墨鏡營造至潮聖誕老人感覺。而諾士佛臺旁邊嘅Mira Steps，亦有極光階梯及聖誕裝飾。

設計上既包含北歐聖誕元素，同時融合12星座元素，將聖誕老人幻化成12星座聖誕老人，每一個聖誕老人都代表住一個星座，絕對IG-able！部份設於大門口，部份設於地牢，亦有部份設於7米高幻彩玻璃屋內，室內佈置有如置身北歐聖誕客廳，一於來個12星座聖誕老人集郵打卡。

甫踏入商場，即會見到燒烤中嘅射手座聖誕老人及山羊座聖誕老人，另一邊剷雪中嘅係天蠍座聖誕老人。扶手電梯底第一個見到嘅就係雪橇車上嘅獅子座聖誕老人，旁邊為雙魚座聖誕老人及雙子座聖誕老人。7米高幻彩玻璃屋大門口由摩羯座聖誕老人與金牛座聖誕老人守住。玻璃屋內嘅就係巨蟹座聖誕老人及水瓶座聖誕老人，而玻璃屋大後方則為天秤座聖誕老人，側邊就係處女座聖誕老人。不過﹐似乎欠缺嘅係白羊座聖誕老人同人馬座聖誕老人，未清楚正確位置。

現場既有互動星座遊戲，助途人找尋「Zo-mate」，由專家分析星座運勢及開運貼士，商場內唔少商戶更同時以Zodiac（星座）為主題，特別推出一系列「Zo-happy」商品及優惠。

展覽更加入大熱嘅AI裝置，帶上聖誕星座極光音樂匯演，於室內展現星空，將星座元素融合AI，等途人找尋專屬Zo-mate。當中有200個AI「星」降球展示聖誕星空效果，每15分鐘就會有一組星座圖案，想要睇自己嘅星座圖案，就要留意下方eatips鎖定時間啦！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ Mira Place 中庭於2023年12月3、9、16、23、24及25日 17:00 19:00 會有「Mira Place Santa Zo-mate大派禮物見面會」。

❷ 每日Mira Place 中庭上空都會有Santa Zo-mate 圖案AI星空音樂匯演，每一節有幾個星座。每逢00分會展示水瓶座、雙魚座、白羊座；每逢15分會展示金牛座、雙子座、巨蟹座；每逢30分會展示獅子座、處女座、天秤座；每逢45分會展示天蠍座、人馬座、山羊座。最好於中庭幻彩玻璃屋內觀賞，又或者身處Mira Place大堂都得。

❸ 展覽期間亦有Find Your Santa Zo-mate互動星座遊戲，中庭Santa Zo-mate小木屋可以玩到，玩法係由AI為你配對專屬聖誕 Zo-mate，然後拍照、領取占星達人香香子星座運勢分析及開運貼士。憑HK$100或以上即日商場電子消費單據，更可即場打印與Zo-mate的合照留念。不過，前題係需先成為Mira Place會員，而每會員每日只限參與遊戲乙次。

❹ 聖誕活動期間Mira Place會員於場內以電子消費滿HK$500，即可獲贈容易配搭不同造型的Mira Place Zo-green環保袋乙個。Mira Pine 會員於場內以電子消費滿 HK$100即可免費預約參與motto carpe diem 星座愛情鎖工作坊體驗，製作個人化、精緻又富品味的星座愛情鎖，寓意跟您的Zo-mate緊緊相扣。