海景行山路線2023｜有時候想出外走走，呼吸新鮮空氣，想要望海景，又唔想行山，可以拍拖兩個人行去邊度呢？今次編輯為大家整合香港24條行山路線，每一條路線都只係於海邊走走，既可浪漫欣賞無敵海景，亦唔需要走山路，路線同時係暢通易達及BB車路線！
港島
沙灣徑
憑一個韆鞦架成為熱門打卡位嘅「沙灣徑」，係南區一帶海旁步道之一，沿途路線全為海旁，無敵海景盡收眼底，不過就只有小巴路線可以到達。
瀑布灣公園
距離「沙灣徑」、「華富邨」不遠處嘅「瀑布灣公園」，沿途為「南區海濱長廊」。盡頭公園以「雞蛋仔」石頭及小型瀑布聞名，經過超多颱風後，瀑布水流比以往更澎湃，而走到背後小山徑，更可從高空俯視瀑布灣公園。
舂坎角
而「舂坎角」亦係海旁散步路線，盡頭可前往「舂坎角炮台」，人流較少，環境清靜，炮台更有如海景大電視一樣，都係知名打卡位。
鶴咀
通往「鶴咀半島」嘅路線，都係一道海旁步道，背靠龍脊，前臨赤柱、石澳，甚至可遠眺東龍島，大海風景一覽無遺，環境令人放鬆。
苗鍾徑
位於黃竹坑嘅「苗鍾徑」，只係一道超短程嘅海邊小徑，海景步道起步點鄰近深水灣，整條步道可以超近距離飽覽港島南區海景，更可遠眺海洋公園機動遊戲。
新界
上白泥稔灣路海堤
白泥嘅落日餘暉，係著名賞夕陽勝地，而上白泥鴨仔坑旁邊，其實重有一道「稔灣路海堤」，只限行人逗留，位置卻極少人，可以清靜地觀賞黃昏夕陽景色。
鹿頸、鳳坑村、谷埔
位於沙頭角邊境嘅「鹿頸」、「鳳坑村」、「谷埔」，連成一道邊起海旁步道，遊走其中，沿途可望北區最偏遠嘅海旁景色，亦可觀賞紅樹林及蘆葦花田。
元洲仔公園
「元洲仔公園」處於大埔一個神秘海岸，只有一路連接小島，當中既有古蹟，亦有紅樹林生態，公園更前臨吐露港，海邊步道將大埔吐露港風景盡收眼底。
青尚路防坡堤
青衣盡頭嘅「青尚路防坡堤」隱藏於市區一隅，徒步而至比較偏遠，海邊堤壩位於昂船洲大橋之下，可瞰無敵藍巴勒海峽海景，景色醉人。
流浮山海鮮街
而「流浮山海鮮街」既係購買海產嘅地方，亦係賞景之地，海鮮街臨海而建，盡頭設有賞景平台，可眺望北區風景，港珠澳大橋及對岸風景一覽無遺。
企嶺下新圍
榕樹澳漁排附近為「企嶺下」，而「企嶺下」又分成「企嶺下新圍」及「企嶺下老圍」，其中「企嶺下新圍」既可租借獨木舟，亦可以走沿海步道，再攀上小堤壩賞景。
三杯酒一嚿飯
馬鞍山一帶以心形沙灘聞名，但其實繼續前行就係另一道海旁步道「三杯酒一嚿飯」，海邊景觀遼闊，對岸小島風景清晰，沿途全為平路，輕鬆易走。
沙橋村海傍
尖鼻咀係比較少人前往嘅路線，而附近則可連接「沙橋村海傍」，沿海路線都可以飽覽北區海景，而「沙橋村海傍」更加係賞景目的地。
離島
迪士尼海濱長廊
迪士尼係大人及小朋友都喜愛去嘅大型遊樂場，但其實迪士尼對出都有一個免費好去處，皆因外面係一道「迪士尼海濱長廊」，恍如一個海邊小鎮，包括一個已經停止運作嘅碼頭及復古味濃厚嘅舊式燈塔。
欣澳海濱長廊
一度係熱門car camping勝地嘅「欣澳海濱長廊」，現時禁上車輛進入，但徒步仍然可以走過，沿海旁走，水面平靜，依舊風光明媚。
大貴灣公園
由長洲市中心走至北端「大貴灣公園」，亦係一道沿海步道，可望長洲近北面嘅風景，再上行至北眺亭，亦可從高空俯視長洲北端風景。
坪洲家樂徑
至於「坪洲家樂徑」，全程大多為平路設計，有如晨運徑，路線輕鬆易行，而且海旁步道滿佈沙灘，而沙灘中又包含心形石灘，多個空間人流極少，似足天涯海角。
長洲家樂徑
「長洲家樂徑」性質與「坪洲家樂徑」相似，都係大致上係平路，只有少量階梯，輕鬆易走，景觀遼闊，路線沿途都能飽覽無敵海景。
北角咀／南丫島家樂徑
北角咀碼頭重開不久，走到北端盡頭，或走「南丫島家樂徑」，都可依循海旁而走，與「長洲家樂徑」、「坪洲家樂徑」相似﹐都可瞰海邊風景。
索罟灣
而南丫島「索罟灣」都有海旁步道，延伸至天后廟一帶，景觀遼闊，路線既可前行至蘆鬚城沙灘，亦可以上行至「南丫島家樂徑」，穿過山頂觀景台，就可以折返榕樹澳。
大嶺頭
馬灣既以舊村聞名，而另一端「大嶺頭」亦係一道海邊路線，沿路上山可俯視3橋景色，沿途景觀遼闊，即使唔上山，都可以到步道盡頭望海景。
東龍島
「東龍島」為香港外島之一，由碼頭起步，可依循沿海步道走，直至到達「東龍島營地」，全程都係臨近海旁，走過東龍島，涼風輕吹更舒暢。
吉澳／鴨洲
無論係「吉澳」，抑或係「鴨洲」，只要環島一圈，都係海邊步道，圍繞海景而走，風景優美，而且路線難度極低，簡單易行，都算係五星級海旁步道。
東平洲
至於「東平洲」，同樣係一道五星級海景步道，皆因全程可以圍繞海邊石灘環島遊而走，沿途遍佈景點，皆因「東平洲」為一個著名地質公園，充滿嶙峋岩石。
E.A.Tips :
❷ 行山謹記帶備足夠糧水，穿著合適鞋子。
❸ 山野不留痕，自己垃圾要自己帶走。
❹ 行山要量力而為。
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。