全港淨2分店！香港老牌快餐店大大隻德國熱狗幾時再有芫荽熱狗？

若提到本地熱狗，大家拍拖兩個人會諗起邊間，又會選擇邊間呢？相信大多數人會第一時間諗起分店眾多嘅「齊柏林熱狗店」，又或者已經結業嘅「Bull Dog Hotdog」，但其實重有一間老牌熱狗專門店隱藏於何文田一帶，該店為「德國熱狗」，原來目前只係淨返兩間分店！

「德國熱狗 Hot Dog Link」目前已有超過30年歷史，由德國人創立，一方面自設德腸工場，另一方面亦為香港製造熱狗，屬本地一間老牌熱狗快餐店。現時有兩間分店，已傳到第三代負責人，一間一直屹立於何文田勝利道，另一間則位於沙田秦石街市內，同樣並非位處鬧市一帶，交通上不算便利。

店內固然以熱狗為主打，包括有16款店主推介熱狗、17款傳統熱狗，以及各款限定之作，係3間本土熱狗店中最多腸選擇嘅一間。購買熱狗後，只要加$18，即可配搭套餐，含扭曲薯條或三角薯餅，以及罐裝汽水，甚抵食。由於價格相宜，故該店尤其吸引唔少學生客。

其中有馳名港狗$48，內含8吋長脆皮煙肉火腿腸、煙肉、車打芝士、滑蛋、自家製沙律醬。整隻熱狗大大隻，有8至9吋長，甫上檯已香氣四溢，熱狗餡料爆滿，份量十足。除咗十幾款傳統及招牌熱狗外，原來重有一款芫荽熱狗$42、芫荽肉丸$25/4粒，皆為芫荽系列，不過暫時就未有，幾時再有就要留意官方公佈啦。

呢隻馳名港狗內，表面擠滿沙律醬，沙律醬下係一條長熱狗腸，該腸為脆皮火腿腸。而熱狗腸下原來重有一層車打芝士、一層蛋餅、一層煙肉，一啖入口層次豐富。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 關店前半小時最後落單，熱狗則售完即止。

❷ 付款方式只接受現金、八達通。

❸ 德國熱狗目前尖沙嘴店已經結業，只係剩返何文田及沙田店，地址分別為﹕窩打老道67D號勝利樓地下C號舖、盛田街1號秦石街市地下6號舖。

❹ 配料加配另加$10，套餐再升級其他飲品約加$3至$4。

EATWO

Miss A