香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年尖沙嘴區尚存嘅餐廳小店，即睇該區隱藏美食介紹！
Cafe
婆婆珈琲屋
「婆婆珈琲屋」係尖沙嘴區內一間知名打卡咖啡店，特別以日本富士山及香港獅子山為主題，各菜式及飲品都係採上述兩地嘅地標設計，賣相精緻。
梔子 Zi
而「梔子 Zi」為一間開業稍長時間嘅Cafe，室內外都係以當年嘅文青感咖啡店為主，菜式及飲品都不過不失，屬一間典型咖啡店，最大優點係地理位置優越，皆因位於山林道一帶。
shh Cafe
同樣位處尖沙嘴鬧市嘅「shh Cafe」，原先係一間樓上Cafe，現時為地舖。該店以乾花為主題，菜式包含有手打牛漢堡、意粉、咖啡等，目前咖啡店側更有一間同系列按摩店，一條龍服務。
Mamaday
如果要講尖沙嘴區內最具玩味嘅咖啡店或餐廳，必然要選「Mamaday」。該Cafe由室內裝潢到餐牌，以至上檯菜式，款款擁有趣味中心，盞鬼搞笑。
sensory ZERO
至於「sensory ZERO」，則為一間連鎖咖啡店，尖沙嘴店就位於廣東道，交通方便。不過，呢間Cafe於價格上就較其他同類咖啡店稍高。
牧羊少年咖啡館
而「牧羊少年咖啡館」亦係另一間連鎖咖啡店，同樣分店不少。尖沙嘴店位於K11購物藝術館內，價格上比「sensory ZERO」低少少。
台灣菜
六両三
於尖沙嘴開業多年嘅「六両三」，屬區內比較穩定營業嘅台灣菜餐廳，推介菜式有滷肉飯及牛筋麵等，價格合理，而位置亦甚方便。
小黑糖
位於尖沙嘴厚福街嘅「小黑糖」，目前全港只係剩低4間分店，包含有屯門、葵芳、尖沙嘴及荔枝角，店內以黑糖珍珠奶茶為主打。
延伸閱讀﹕尖沙嘴台式黑糖珍珠厚鮮奶 嗌少甜啱啱好
ET鹽水雞
而本地台灣菜中，九成分店都只有外賣提供嘅「ET鹽水雞」算係其中一間為人熟悉嘅小店，雖然大多質素平平，但優點就係價格相宜。
春陽茶事
而「春陽茶事」則為另一間本地嘅台式手搖飲品店，主打台式茶飲，多年來大多數選擇都係以漸層式飲品為主，尖沙嘴店就位於樂道一帶。
延伸閱讀﹕中環文青手搖飲新品 漸層茶飲IG打卡超靚
茶星人
台式茶飲店當中，「茶星人」為其中一間為人熟悉嘅連鎖店，尖沙嘴店位處漆咸道南，近金馬倫中心一帶。雖然該店一直質素平平，但依然吸引唔少學生哥幫襯。
花斑茶社
至於「花斑茶社」，同樣係本地一間為人熟悉嘅台式手搖飲品台之一，該店除咗茶飲之外，受歡迎嘅原因係經常係明星應援嘅集中地。
延伸閱讀﹕新蒲崗茶飲本土味濃 厚鮮奶配抺茶勁甘香
迷客夏
尖沙嘴區內有好多台式手搖飲品台，「迷客夏」亦係其中之一。該店既以茶飲為主，但同其英文名「Milksha」一樣，重點係在於鮮奶系列。
日本菜
麺処一家
尖沙嘴厚福街一帶美食選擇眾多，編輯推介嘅只有幾間，其中一間係以日式拉麵為主打嘅「麺処一家」，該店只有2款拉麵可擇，湯頭為濃厚豚骨魚介醬油湯底。
Peek-A-Poke
想要食得健康嘅話，不妨選擇清新嘅日式飯盒，呢間小店「Peek-A-Poke」以夏威夷魚生飯為主，主打係Poke Bowl，基本上係一盒盒沙律模樣嘅飯盒。不過，呢間並唔係100%素食店，只不過係一間無紅肉嘅小店。
韓國菜
Hungry Korean
至於韓國菜，可以選擇「Hungry Korean」，該店分店不少，基本上係一間韓式快餐店，包含有石頭鍋飯、泡菜湯等等。
燒肉放題
燒魂一
提到燒肉放題，「燒魂一」絕對係不得不試嘅一間小店。該店位於尖沙嘴鬧市一帶，人氣十足，不時需要排隊進入，可同時享受燒肉及刺身放題。
素食
雅 ‧悠蔬食
想要喺尖沙嘴區內找尋素食店，可以去一間樓上舖「雅 ‧悠蔬食」，該店以新派素食為主，多數係以素食扮成葷食，令大家食素都有如食肉一樣。不過，該店大多係需要點套餐，散叫重貴。
中式
烏蠅館
以本地罕見嘅四川冒菜為主打嘅「烏蠅館」，於其他地區都有分店，尖沙嘴店位處亞士厘道範圍內，市中心交通便捷，價格適中。
陳師傅點心專門店
原先位於新蒲崗嘅「陳師傅點心專門店」，地方狹窄，隨時碰到隔離位。但搬到尖沙嘴鬧市後，室內座位則較寬闊舒適。
616牛肉火鍋專門店
至於「616牛肉火鍋專門店」，於本地有多間分店，尖沙嘴台位處赫德道樓上舖，亦算交通方便，該店同深圳嘅「八合里牛肉火鍋」無異，若然扣除北上車費及時間成本，其實無咩分別。
呦呦鹿鳴布丁燒
而「呦呦鹿鳴布丁燒」原先係位於葵芳葵涌廣場，目前於多區都有分店或pop up store，尖沙嘴店就位處尖東一帶，只售賣布丁燒甜品。
延伸閱讀﹕葵廣必食9種口味布丁燒 推介椰青味
嘉寶漢堡
四喜麵包西餅
於麵包店界別中，「四喜麵包西餅」係一間甚受歡迎及為人熟悉嘅小店，尖沙嘴店基本上靠近柯士甸道一帶，店內麵包價格相宜，水準平穩。
酒吧
JUST'er Bar & Restaurant
如果想喺尖沙嘴搵間酒吧嘅話，可以前往山林道嘅「JUST’er Bar & Restaurant」，該店係一間迷係西餐廳，同時有提供酒品，多款菜式都係佐酒之選，最特別嘅應該係大大隻龍蝦餐。
Hooman by the Sea
而「Hooman by the Sea」則為尖沙嘴區內另一間酒吧模式嘅餐廳，該店位置近西九龍一帶。簡單來說，就係西九文化區，但就只有星期一至六營業。
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。