【路環新景點】澳門造船工業遺址蛻變荔枝碗船廠片區位置隱蔽、毗鄰漢記手打咖啡

路環係近年甚受歡迎嘅澳門快閃遊勝地，整個島位處最南端，環境舒適，有如與世隔絕。路環市區絕對係最具人氣嘅目的地，但最近路環有個新景點，距離市區只有不足10分鐘步程。路環一隅有個小村落，有個造船廠工業遺址，近月卻活化成一個船廠片區，以澳門保育程度嚟講，係值得情侶拍拖兩個人逛一逛。

「荔枝碗村」同路環市區只有約10分鐘距離，而碼頭亦只有5分鐘步程。從「路環碼頭」走到呢條村民極少又與世隔絕嘅小村落，中途可見一間又一間舊船廠。一直依「荔枝碗馬路」前行，轉瞬間就會見到一個官方全新景點！

呢個澳門路環新景點係「澳門荔枝碗船廠片區」，行多50米可以到達「漢記手打咖啡」。而「澳門荔枝碗船廠片區」本身其實就係路環舊村「荔枝碗村」所在地，只係週邊全為廢棄造船廠，現時已經變成造船工業遺址。呢個地方因澳門政府嘅「荔枝碗船廠片區活化計劃」變成展覽館，營造歷史場景，加上各式藝術表演融合，保留返歷史文化記憶，而唔會將整個地方拆走。

事實上，澳門荔枝碗船廠於90年代已經停運，「荔枝碗船廠片區」佔地依然有3000平方米，係目前澳門僅存最大嘅船廠片區。船廠本身係設於50年代，其後就係造船工藝繁盛嘅時候，「荔枝碗村」亦因造船業而變得更有脈絡。呢個船廠片區設有專題展覽之集，亦有各式藝術體驗、市集、表演，等大家可以了解該村同昔日造船業嘅變化。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「歲月印記──荔枝碗村的故事」展覽有三個展區，分別為「船說故事」、「匠人船藝」、「記憶船承」。

❷ 一端設有洗手間，休憩區則擺放有多張沙灘櫈。

❸ 展覽設有駐場導賞，有粵語可擇，但只限星期六15:00－16:00、16:00－17:00。

❹ 乘搭巴士路線25、26、50、N3至「路環市區站」，或15、21A、26A至「路環街市站」，徒步約10分鐘即達「澳門荔枝碗船廠片區」，而「路環漢記咖啡」則位於前方50米左右。