【氹仔舊景點】新世紀酒店仿古希臘神話於20XX年結業變廢墟？舊賭場曾為澳門必到旅遊點

澳門一直以來以賭場最為遊客熟悉，唔少人去過大海都會拍拖兩個人逛一逛或玩返兩手。澳門賭場、酒店娛樂場數量頗多，你會去邊間呢？你又記唔記得以往存在過嘅零星賭場？今次E.A.Two路過澳門氹仔北端位置，發覺當中有一個已經淪為廢墟嘅「新世紀賭場」，其實以前真係風靡一時㗎！

現時建築物依然存在嘅「北京王府大飯店」，前身就係「新世紀酒店」，本身係五星級酒店，內有554間房間，不過就算轉老闆又轉名，都已停業。而「新世紀酒店」以往附設「新世紀娛樂場」，曾經於澳門風靡一時，連隔離無賭場嘅氹仔「新濠鋒酒店」住客都會去「新世紀賭場」玩吓。但「新世紀賭場」結業後，附近酒店人流亦大幅減少，「新濠鋒酒店」、前身「澳門凱悅酒店」嘅「麗景灣藝術酒店」雖然仍尚存，但住客數量已不復當年。

「新世紀賭場」又叫「新世紀娛樂場」，建於1992年，地方偌大，面積有超過30000呎，座落氹仔島以北。由於以仿希臘神話人物為主題，所以當年又叫「希臘神話娛樂場（Greek Mythology）」。賭場門口有宙斯神像，內裏唔單止有海神瀑布、噴水池、飛馬、仙女等，亦有紅磨坊歌舞表演，例如鋼管舞。餐廳數量不少，而且設有228張賭檯，甚至設有夜總會、桑拿、酒吧及兒童遊樂設施。呢座賭場曾經無人不知，無人不曉，好多人更會專程前往朝聖。

據了解，有90年代入過賭場嘅朋友提到，雖然賭場只得地下一層，但以前係坐無虛席。唔知買三、四千泥碼左右，就會送免費來回船飛、一晚酒店﹐甚至加送自助餐券，更有機會有免費夜總會桑拿、足浴，而自助餐廳食物選擇亦不少，水平頗高。

最終「新世紀賭場」於2015年底宣佈結業，原先由被叫「街市偉」嘅澳門商人吳文新名下銀信控股有限公司收購，同澳門博彩業牌照持有者澳門旅遊娛樂有限公司（STDM）合作辦酒店附設嘅賭場，而「街市偉」本身就係澳門「崩牙駒」尹國駒助手。「新世紀賭場於2012年起出現股權、租務糾紛，一度影響酒店、賭場運作。直到2014年被太陽城集團收購，酒店改名「北京王府大飯店」。

不過，一度係澳門神話嘅「希臘神話娛樂場」，於2015年底卒之以「內部裝修工程」而暫停營業，後來更有指因詐騙事件而被澳門旅遊局封閉半年，後來連酒店牌照都要交還。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 希臘神話娛樂場前身為新世紀娛樂場，位於北京王府大飯店／新世紀酒店內，目前已結業。

❷ 本身該酒店設有「發財車」穿梭巴士，但隨酒店結業已經終止服務。來往該舊酒店巴士路線有11、35、37、39、72、N2，於「宋玉生博士圓形地」落車，徒步1分鐘即達。

❸ 目前該酒店及娛樂場已經淪為廢墟，禁止進入，只可從外面觀察。

❹