【澳門景點】3大最高點打卡哥德式主教山小堂！西望洋山頂270度瞰旅遊塔／氹仔島

情侶拍拖兩個人遊澳門，想要上山睇風景，應該去邊呢？上次E.A.Two就提過座落澳門半島東面嘅「東望洋山」，今次就去埋位於半島西面嘅「西望洋山」，東面小山有92米高，而西面小山就只有約62.7米高，同樣可以居高臨下環瞰澳門風景！

事實上，「西望洋山」係澳門半島暇高3大山崗之一，雖然海拔只係得62.7米，但山頂前臨南灣，西接媽閣山，可270度觀景。由於「西望洋山」山頂處有一座教堂，而該教堂叫「主教山小堂」或「西望洋聖堂」，所以該山崗又叫「主教山」。

「主教山小堂」為天主教澳門教區的主教府邸，設於1622年，毗連炮台。據悉，當年荷蘭侵戰時由一班葡萄牙水手合力建成，為祈求能平安渡過航程。教堂設有尖塔式鐘樓，尖頂以哥德式風格設計，帶有古典折衷主義，被列為「澳門具建築藝術價值之建築物」，恍如一種新哥德式聖殿。

教堂中間有高聳入雲嘅鐘樓，內裏則擺放有大理石雕刻聖母像，聖母雙手合十，眼神慈祥，畫面平靜而安祥。同時，亦有彩繪玻璃及高台，更有路德聖母岩洞，來自於以前法國路德城內嘅聖母，秀麗優美而不失莊嚴肅穋。

走出教堂，可以從教堂外瞭望台俯瞰澳門南灣風景，面臨大海，視野良好。於山頂上唔單止能觀賞「南灣湖」、「澳氹大橋」風景，可以眺望「新葡京酒店」、「永利酒店」等澳門繁華風光，相信夜景更加五光十色。

兩個人旅吓行

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

❶ 乘搭巴士路線6B、9、16、28B，落車後經衣灣斜巷或西坑街即達。經鮑公馬路或西望洋斜巷都可以直上教堂。

❷ 留意教堂開放時間。

❸ 教堂出面無遮蔭位，記得做好防曬，帶備充足食水。

❹ 呢間教堂唔可以戴帽，需要除帽先可以進入。

EATWO

Miss A