太和全新咖啡店朝啡晚酒！獨特64%Mocha／焙茶味鴛鴦咖啡／聯乘本土釀造Tonic｜大埔Giraffe Coffee

香港咖啡店有好多，想要週末拍拖兩個人去正經飲杯咖啡chill吓，E.A.Two誠意推介近幾個禮拜先開業嘅小店「Giraffe Coffee」。該店位置靠近「三多」前身、知名炸雞髀小店「良髀」，來自於一間大埔酒館，合作經營方式就係「朝啡晚酒」！

以「Giraffe Coffee」命名嘅全新大埔咖啡店，於6月尾至7月先正式開業，得到原址嘅「Hoper」支持，該酒館曾表示「每一個鍾意品酒嘅人都鐘意飲咖啡」，故實行朝啡晚酒模式，等大埔人可以「朝早飲啡夜晚飲啤」。呢間咖啡店係一間香港人咖啡店，由一位曾經受苦3年嘅年輕少女主理，今日於大埔重新出發。

雖然店名直譯係長頸鹿咖啡店，但小店整體環境並非同長頸鹿有關，只係簡單喺小餐牌上有長頸鹿圖案highlight。甫踏入店內，會發現咖啡店與一般港式咖啡店稍有不同。平常港式咖啡店都係女人多過男人，打卡重要過飲咖啡；今次反而係男人特別多，腦海中有一秒曾經諗到係咪咖啡師好靚女，實際上多數男人係較重視咖啡水準。不過坐低之後，留意到踏入店內嘅大多數都係附近街坊，只係目前好似我哋跨區前往嘅人並唔多。

店內黑白咖啡都係正常價$30起，亦有少量non-coffee選擇，比如焙茶、伯爵茶、茉莉花茶，重有無咖啡豆嘅64%朱古力。編輯覺得最特別嘅係64% Chocolate Mocha $40，有別於平常嘅Mocha，甜度唔會好重，反而確實能夠品嘗到朱古力味，難怪男人更喜歡。朱古力與咖啡融合，Espresso既唔會帶苦澀味，朱古力只係略略添上甜味，質感絲滑，就似朱古力瀑布般流入口腔。

店內有3款Signiture，包括黑糖薑Latte、鴛鴦，重有聯乘來自本土出口釀造嘅Espresso Tonic，由$44至$56不等。喺咖啡店飲鴛鴦，有別於平常港式茶餐廳嘅鴛鴦，唔係咖啡、奶茶兩樣溝埋一齊吖笨。鴛鴦$44至$48，熱飲一樣有綿密奶泡拉花，飲到大半都未散開。呢杯咖啡即係一杯照舊有奶嘅咖啡，但就加入咗焙茶，表面重有少少砂糖顆粒感及甜味。高溫烘焙過嘅焙茶，咖啡因含量較低，為咖啡帶上茶香，與咖啡混合後揮發，茶味溫和，入口香醇，而且唔會有任何苦澀味。

主要得牛角包、芝士蛋糕、鬆餅等輕食。芝士蛋糕都有3款口味，其中有Apple Crumble Cheese Cake $48。芝士蛋糕夾層加入蘋果金寶，將另一款知名甜品同芝士蛋糕二合為一，芝士蛋糕軟綿綿，芝士味唔係太濃，甜度唔高，配合咖啡亦唔會太搶，而粒粒蘋果有顆粒感，蛋糕有少量肉桂粉香。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 最好俾現金，未有八達通機，但都可以payme、credit card。

❷ 小店距離良髀不遠，建議先去良髀，再去呢間長頸鹿咖啡；vice versa。

❸ 呢間咖啡店收16:30，然後就會交場俾合作嘅小店Hoper，夜晚一直係一間小型酒吧。

❹ 店內有咖啡豆售賣，每150g大概$88、$118。