火炭玻璃屋咖啡店外望園景橙皮咖啡來自大埔？印式pizza／意粉有新意

以往去旅行，台灣、泰國都有唔少玻璃屋咖啡店，吸引唔少情侶拍拖兩個人去打卡，香港則少之又少。於Google Map內，火炭區竟然有一間寫住「玻璃屋」咖啡店，即管去試一試！

以「橙皮咖啡」命名嘅Cafe，原先位於大埔區，店內都有為大埔貓貓籌款嘅捐獻箱，讓客人可以自由捐錢。而點解該店會被稱為「玻璃屋」呢？本來以為係一間座落地舖嘅咖啡店，卻竟然處於商業中心內！該店一端有一大面偌大玻璃窗，窗外正對火炭街景，俯視可望園景，雖然同其他玻璃屋有啲唔同，但亦可算成玻璃屋啩？

店內同一般香港Cafe無異，都係主打西式菜式，包含有意粉、Pizza、咖啡、漢堡、三文治等等。其中，蟹香忌廉蜆肉意粉 $78 味道不俗，意粉只係得啖啖蟹香、忌廉，味道唔重，但亦無膩感，蜆肉數量唔算多，意粉剛順滑彈牙。值得一提，店內全使用紙杯、紙杯、紙餐具，非常環保！

比較特別嘅菜式係7吋印式香料雞肉Pizza $58，雖然唔係正宗pizza模式，皆因pizza餅底係呈麵包狀。不過，pizza餡料係以印度材料配雞肉，風味獨特，香口惹味。

挑選主食後，飲品需加$14、$19、$22，店內主打固然係橙皮咖啡，其中有橙皮朱古力咖啡$36至$40、橙皮咖啡梳打$40。不過，當日為星期六，估計咖啡師唔在場，所以未有任何咖啡提供，只有各式果茶可以選擇，所以我哋只點咗白桃綠茶$27、玫瑰花果茶$19，分別加$19及$14。想飲咖啡，最好趁星期一至五去，畢竟火炭呢一帶以工業區為主，大多數都係做工廠生意，平日就比較肯定有咖啡。茶類其實只係將茶包沖泡﹐果茶都係簡單調配，所以無乜特別。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 「橙皮咖啡」原店位於大埔。

❷ 付款方式只限現金、八達通。

❸ 店內可以向貓貓組織捐款。

❹ 該店位於沙田商業中心內，上電梯後轉右直行就到。

EATWO

Miss A

元朗高水準蓬萊咖喱屋$70牛羊雞自選配搭印度黃飯、蒜蓉烤餅、芝士烤餅

2024-09-13

【#香港咖喱屋】正宗印度菜係香港地幾難搵嘅一款菜式，元朗國內20年來一直隱藏一間高水準嘅印度咖喱屋，...

全港20間分店！牛角60分鐘半自助燒肉放題似舊時邊種自助餐？

2024-09-12

新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃

2024-09-06

新即是舊定新不如舊？荃灣小商場人氣米線貴香園重新出發雲南酸辣、麻辣、酸麻辣、沙嗲湯底

2024-09-05

隱藏尖沙嘴死場！好時中心Hokahoka真日本人居酒屋午市平價海膽三色丼／特選刺身丼

【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。

2024-09-04

香港牛肉飯大混戰！自選本土牛丼御三家！牛丼家／松屋／Sukiya 3強鼎立！

【#本土牛丼御三家】「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。

2024-09-01

黃埔玻璃屋隱藏飽肚咖啡店！$150真日式套餐份量﹕鰻魚飯／蕎麥麵／前菜／咖啡｜& green

【#黃埔玻璃屋】平常想拍拖兩個人喺香港搵間Cafe，食飽後再坐吓唔容易，一係份量唔夠飽肚，一係人流客量眾多導致限時用餐，有時候難免用外地咖啡店比較。不過，香港其實一樣可以搵到能夠飽肚又可以慢慢坐嘅咖啡店，就好似近紅磡、黃埔嘅「& Green」，同其他咖啡店價格相近，但份量就正常好多！

2024-08-31

松屋8月終登港！總公司直營插旗佐敦還原牛肉飯實試3點與日本分店有別！

【#香港松屋】等候多時，香港區「松屋」千呼萬喚始出來！由日本總公司直營嘅「松屋（Matsuya）」於8月中正式登陸香港，並選址佐敦區，對視日本為鄉下嘅香港人絕對係恩物，就算情侶拍拖兩個人唔係成日可以飛去日本，都可以食到日本版嘅燒牛丼啦！即刻睇吓E.A.Two實試「松屋」香港店，雖然大致上係還原日本「松屋」，但原來都有3點係同日本分店有分別呢！

2024-08-30