【台北夜貓】在地經營逾60年、近紅樓！西門町24小時隱密麵店！首推銷魂豬腳飯／極脆涼麵／蛋包魯肉飯

西門町美食餐廳眾多，但夜晚凌晨時份想食宵夜選擇就比較少，其實西門町有間24小時營業嘅麵店，可以隨時去拍拖兩個人醫吓肚，唔單止係一間老字號麵店，出品亦有水準，其中一款不得不試嘅係滷豬腳！

座落西門町一隅嘅「西門麵店」，距離知名景點「紅樓」並不遠，從捷運站徒步約5分鐘，抬頭就會見到「西門麵店」招牌，店內外都有古色古香感覺，入面更有舊電影poster，似乎都係走懷舊風格，復古味濃。

「西門麵店」於西門町已有超過60年歷史，係台北萬華區一間老字號食店，難得係至今依然維持24小時營業。以前就係7日無休，但目前營業時間並非24／7。不過﹐該店一個禮拜有超過一半日數都係24小時營業，適合一眾夜貓搵食！雖然麵店有好幾日都係24小時營業，但門外依然不時有人大排長龍等候入座。

室內有一個牌匾寫住「極脆涼麵」，似乎涼麵就係本來嘅招牌作，一份涼麵TWD50至60，size分大同小。涼麵以細白麵條製作，入口爽滑彈牙，而且離奇在果然帶有微脆感，甚至滲出檸檬香，加上醬汁，撈勻後令人清醒開胃，適宜配搭味道較濃嘅滷豬腳食用。

而蛋包魯肉飯TWD65 就係比較多民眾喜愛嘅選擇，但似乎本身並非該店嘅招牌，或者係夠飽肚啦。不過，該魯肉飯並非單純普通魯肉飯，旁邊有青瓜片、酸菜，既能減低油膩感，亦能增加層次感。呢碗魯肉飯反而似係一碗迷你版銷魂豬腳飯，因為白飯上面嘅粒粒大小相近嘅魯肉就係半筋半肉﹐變成肥瘦均勻嘅魯肉，加上半生熟雞蛋，蛋汁加魯肉再撈飯食甚滋味。

招牌湯TWD100 其實即係一碗乜都有嘅清湯，內有魚蛋、雲吞、牛丸肗貢丸等，加上菜底。簡單嚟講，就好似一碗雲吞湯，入口清甜，無乜多餘味道。

進入室內之前，不難發現門口有大量油光滿滿嘅滷豬腳，豆腐、滷豬腳同時於熱鍋中翻滾，亮麗得令人垂涎，真係比涼麵更懂得誘惑人嘅味蕾。一碗銷魂豬腳飯TWD110，內含限量豆腐，可選筋或肉，亦可以單點滷豬腳TWD80、150、200，分筋同肉，唔需要一定配上飯底。今次E.A.Two選擇筋比較多嘅滷豬腳，因為骨膠原更豐富，以TWD80一碟計算，就有3嚿滷豬腳。醬汁鹹甜適中，唔會只有死鹹味，豬腳滷得入味，筋肉膠質滿滿，入口軟嫩。