台中港三井摩天輪近Outlet！一隅旅客服務中心隱藏海港觀景台、打卡地上3D壁畫

三井集團唔單止於日本設下多個Outlet，包括地方最大嘅東京木更津三井Outlet Park，連台灣都有三井Outlet。其中，近年台中港就設有一個三井Mitsui Outlet Park，更有一座60米高摩天輪打卡。而距離Outlet Park不遠處則設有一個隱蔽嘅遊客中心，頂樓更設有觀景台，可以拍拖兩個人環瞰台中港景色，現場更有3D彩繪地面壁畫供打卡！

三井「Mitsui Outlet Park」座落於台中悟悽區一帶，建議同日遊覽「悟悽漁港」、「高美濕地」。整個Outlet位於台中港海旁，係全台首座海港式購物商場，內有超過200間商舖，購物狂必到！此外，商場內唔單止有地下美食廣場，樓上亦有多間日本知名食肆，例如知名迴轉壽司「Muten Kura-sushiくら寿司」、鐮倉cafe「紅葉茶屋」、東京拉麵店「銀座篝」、東京燒肉店「和牛ステーキ麻布十番祭亭」、北海道冬甩店「Lil’ Donuts & Crepe」等。

整個商場最搶眼嘅地方莫過於人氣打卡地標「台中之星」摩天輪，整座摩天輪有60米高，而且設有36個車廂。當中，部份車視為透明設計，每個車廂又可以容納4位乘客，每次轉動可以坐足12分鐘左右。於摩天輪車廂內，可以從高空俯瞰台中港日夜風景。

走到Outlet另一端，係一個比較偏僻嘅地方，小路既可以通往公車站，亦可以前往遊客中心。而遊客中心內更隱藏一座觀景台，只要乘搭電梯上行至天台，即達觀景台位置。從觀景台俯視，可以環瞰台中港景色，一艘又一艘輪船一覽無遺，左邊更可回望三井Outlet同巨型摩天輪！

觀景台就似一個海景瞭望台，內裏表面上雖然空空如也，感覺只係一個普通大廈嘅天台，但有關當局於此處特別設計嘅藝術造景，而呢啲壁畫並非設於牆壁上，反而係喺腳底下！因為壁畫係畫喺地面，多幅藝術壁畫就似一個模擬場景，相對放於牆壁上係較為有趣。

呢座遊客中心就係「台中港旅客服務中心」，大樓有近100米高，闊約47米，只有登上3樓就會抵達觀景台位置，任何人都可以免費進入參觀。觀景台內設有3D立體彩繪圖案壁畫，大多以海洋元素為主，例如係白海豚，以度假遊輪等等。

地面壁畫設計都係配合返台中港呢個地方嘅歷史背景，因為台中港主要係用作進出口港及油品儲運中心，亦係郵輪灣靠港口，以及貨船停泊海港，甚至係近洋航線貨橫港、臨海工業發展基地。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 三井Mitsui Outlet Park設有免費停車場，一般小客車可於10 : 00 - 23 : 00使用；商場亦設有連續假日行駛嘅免費接駁車，詳情請參考﹕https://www.mop.com.tw/tc2018/assets/pdf/shuttle_bus.pdf。

❷ 台中之星摩天輪人均TWD170，週末假期則為TWD220，摩天輪設於1樓戶外區，門票就要於2樓購買，乘坐摩天輪每次約為12分鐘。

❸ 於「台中火車站」乘搭台鐵至「沙路火車站」，轉乘306號至「安仁里站」即達；或者直接於「台中高鐵站」乘搭中鹿客運617號，於「梧棲國小」徒步約15分鐘即達。如果從「高美濕地」或「悟悽漁港」前往都好方便，可以call uber，交通方便。

❹ 臺中港旅客服務中心位於商場另一邊，近公車站，搭電梯到3樓即達觀景台，為戶外區域，要注意風大同安全。