【高雄景點2025】Chiikawa快閃高雄愛河灣最後4日！海上巨型吉伊卡哇萌爆！

日本人氣IP「Chiikawa」最近風靡亞洲地區，台灣人稱為「吉伊卡哇」，近月高雄特別邀得該人氣卡通角色現身知名景點「愛河灣」，快閃行程只係短短23日，吸引唔少人拍拖兩個人去朝聖。E.A.Two剛好於呢段時間抵達高雄，於是都湊湊熱鬧一睹大明星風采！目前，「Chiikawa」海上展覽僅餘4天，剛好去台灣又經過高雄，想要去打卡就要留意啦！

剛剛踏入2025年，高雄市政府觀光局就邀得人氣十足嘅「Chiikawa」來臨，並登陸高雄，活動為「2025 Kaohsiung Wonderland 冬日遊樂園」，限定燈會及展覽只限1月25日至2月16日期間舉行。高雄「愛河灣」獲劃出一個「Chiikawa」主要展區，加上週邊遊樂園活動，比如可以於碼頭排隊取得小提燈等，又真係吸引一眾「Chiikawa」迷朝聖打卡！

高雄「愛河灣」就好似香港「維多利亞港」一樣，係該地知名地標，亦不時有海上展覽，例如大大隻18米高嘅「黃色小鴨」就曾經到訪兩地。而今次「Chiikawa」就只係到訪高雄「愛河灣」，到底係咪因為高雄魅力非凡，比較吸引佢前往呢？

想要前往「愛河灣」打卡「Chiikawa」，最好都係從「光榮碼頭」進入，先打卡完純白色嘅主角Chiikawa。然後經「苓雅寮鐵橋」穿梭至對岸，就可以打卡埋「高雄流行音樂中心」音浪塔對出、藍色頭嘅小八貓！兩隻巨型卡通充氣公仔分別位於兩邊碼頭，影一隻正面就只能影到另一隻背面。

今次只係E.A.Two見到「Chiikawa」兩個角色嘅巨型公仔躺平於高雄「愛河灣」海面上，據悉除咗有15米高嘅Chiikawa同16米高嘅小八貓，其實重有7米高嘅兔兔，唔同角色分別放置於海風廣場、珊瑚礁群、16號碼頭一帶。

至於「2025 Kaohsiung Wonderland 冬日遊樂園」，原來係需要乘搭輕軌至「旅運中心站」，先可以抵達高雄港17號碼頭至19號碼頭之間嘅活動目的地，不妨同日前往！

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 比較方便係從真愛碼頭進入，因為光榮碼頭需要走一段路先會到達。

❷ 一隻面向光榮頭碼岸邊，另一隻就面向真愛碼頭岸邊，只要徒步穿過一道「苓雅寮鐵橋」就可以穿梭兩邊，中途會經過輕軌「真愛碼頭站」。

❸ 建議去程從「光榮碼頭」進入，回程到「真愛碼頭站」乘搭輕軌折返「光榮碼頭站」，會比較方便，影得晒又行少啲。

❹ 冬日遊樂園位於輕軌「旅運中心站」一帶，雖然免費入場，但就需要先領遊園券。該遊園券可於前1小時於現場自取，比如15:00進入園區，就需要於14:00取券，分日頭同夜晚票券，夜晚就要於17:00取券，於18:00入場，同樣可以入場玩3小時。