【桃園交通】桃園市區5種交通方法來往火車站／機場！實試桃園公車、捷運、台鐵、uber、的士邊個最user-friendly？

桃園機場捷運係旅客來往台北市區嘅重要交通工具，大多數人都會向台北車站走，其實桃園本身都有唔少值得拍拖兩個人前往嘅好去處。從桃園機場前往高鐵桃園站或火車站，大概20至30分鐘就可以抵達，亦可以以公車代步，甚至直截了當乘搭的士。而Uber又可唔可以使用呢？今次E.A.Two到桃園一日遊，實測桃園5大交通方法，到底邊個最user-friendly呢？

桃園交通方法（1）﹕捷運

臺灣桃園國際機場第一、第二航廈都有機場捷運連接，可以直達台北車站，乘搭機場捷運大概30至45分鐘就會抵達台北市區，分紫色直達車、藍色普通車，一端總站都係「台北車站」。直達車另一端盡頭就係機場，而普通車盡頭就係中壢區老街溪站，多數7至8分鐘就會有一班車。如果想前往高鐵「桃園站」來往其他台灣地區，可以乘搭機場捷運普通車，約15至20分鐘就會到達。前往捷運「老街溪站」，徒步約15分鐘可以轉乘台鐵「中壢車站」。從機場到「老街溪站」，人均車費需TWD160，可以用悠遊卡支付。

桃園交通方法（2）﹕台鐵

台鐵係捷運以外另一個台灣主要交通工具，由台鐵「中壢車站」到「桃園火車站」，車程大概只係10分鐘，可以用悠遊卡支付。如果由「台北車站」經台鐵到「桃園火車站」，車程就大概要35分鐘。不過如果由機場起步，經台鐵去「桃園火車站」就比較迂迴，想去該站桃園週邊景點，其實台鐵唔太便利，除非由「台北車站」出發。

桃園交通方法（3）﹕公車

雖然乘搭客運由台北市區前往桃園國際機場需要約1小時，但事實上由桃園機場起步，最便宜又最方便嘅係以公車代步！由桃園國際機場前往「桃園火車站」，車程大概需40分鐘，8個站就會直達火車站，但就係一程過，點對點兼唔需要轉車，可以用悠遊卡支付。

無論桃園機場第一航廈定第二航廈，都有客運巴士車站，第一航廈巴士站位於B1樓層，而第二航廈巴士車站就位於1樓。今次E.A.Two於第二航廈出發，穿過伴手禮大街，就可以去到乘車地點。要前往「桃園火車站」，只要轉乘公車路線706號，就能夠直達桃園市區，該公車路線發車時間由05:55至23:15，平日比假日會較多車。706號會先於第一航廈15號月台發車，然後經過第二航廈04號月台；前者人均TWD48，而後者人均則只需TWD44。

如果要前往「桃園火車站」，8個站就到；但若然要去其他景點，例如係「桃園神社」，更方便嘅係搭多1個站，於「桃花園飯店」落車，可以直接轉乘另一架公車路線213號，該路線可以來往長庚醫院。要去桃園知名景點「桃園神社」，可以於「忠烈祠站」落車。桃園公車同其他公車一樣，有指定時刻表，打開app就會見到發車時間。於台灣乘搭公車，唔單止要上車拍卡，落車都要拍卡，想要落車嘅話，撳鐘提示司機就可以。

桃園交通方法（4）﹕的士

無論台北定桃園，交通一樣係四通八達。相信唔少人都好了解於台灣乘搭的士，因為於台北桃園乘搭的士，基本上同香港搭的士無異，可以伸手截車，亦可以使用Line Taxi或呼叫小黃等app。桃園的士都係按錶收費，由1.25公里TWD85起錶，其後每200米跳錶一次，另外延滯收費則為每60秒TWD5，以每小時5公里以下。由機場去「桃園火車站」，乘搭的士就可以直達目的地。

雖然E.A.Two選擇以Uber App call車，但該車同時為一架的士，所以可以睇到的士錶價。以「桃園神社」折返「桃園火車站」計，起錶價為TWD85，距離大概係2.8公里，以的士價最後收費為TWD135。

桃園交通方法（5）﹕Uber

講到桃園最便行嘅交通方法，Uber App全球應用，台灣桃園都可以隨便使用，大多數司機都係台灣人，而且好多司機本身都係揸的士。以上述「桃園神社」至「桃園火車站」一段為例，用Uber call車收費為TWD165，折合為HKD39.74。雖然Uber App比直接截車係高少少，但就比較方便，直接撳點對點就可以企定定等車，而桃園市區車輛數量亦唔少。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 其實的士同uber差唔多，由於全球uber app可以於桃園使用，對旅客嚟講絕對係更加方便。

❷ 如果要搭公車，記得下載桃園公車app或台灣公車app，可以睇到時刻表同車站，亦睇到架車幾時到達。

❸ 桃園機場搭捷運只可以到高鐵桃園站，但唔可以到桃園火車站，得公車先可以直達桃園火車站，而且係最平。

❹