【高雄景點】高雄紅線橋頭糖廠站驚現貓站長！車站滿佈貓貓、入閘任打卡！

貓，往往都係流量密碼。高雄有一個車站就以貓為主題，甫抵達車站月台，入閘就會見到車站內滿佈貓貓，位置毗連一個藝術村同糖廠博物館，適宜拍拖兩個人順遊高雄一日遊路線！即睇車站位置、貓站長！

由高雄機場出發，喺「高雄國際機場站」起步，高雄捷運紅線終點站為「岡山車站」，今次E.A.Two路線需要乘搭至終點站前兩個站，即係「橋頭糖廠站」。由機場到「橋頭糖廠站」，車程大概需要40分鐘，如果打算去台南嘅話，可以順道到呢個車站遊覽。若然只係想遊高雄，可以於「高雄車站」或「美麗島站」，甚至近「瑞豐夜市」嘅「巨蛋站」出發，路線會比較短，車程亦無咁耐。

「橋頭糖廠站」顧名思議就係來自於「橋頭糖廠」，係橋頭區一帶知名景點，係該區古蹟景點。而車站整體建築設計亦貫徹相近風格，以紅磚灰瓦打造，古色古香。該車站基本上有3個出口，其中2號出口方向就係打卡必到嘅目的地。

抵達「橋頭糖廠站」、出站之前，會發現呢個位置滿佈貓貓，原來車站內隱藏有個貓站長！於該車站內，可以隨便同貓貓打卡，據悉呢位貓站長叫「蜜柑」，係一隻被領養嘅流浪貓，目前企喺車站服務台執勤中，值班日為大家服務。卡通貓站長恍如一嚿蜷縮嘅橙，Q版公仔造型萌爆！

其中，電梯口四面八方就有貓咪牆，到處都係貓貓壁畫，打卡必到！週邊更有「蜜柑」站長嘅專賣店，亦有限定紀念幣售賣機，以及各式產品。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 乘搭捷運紅線至「橋頭糖廠站」，2號出口方向就係打卡貓站長嘅地方。

❷ 該站出口直接可以前往「橋頭糖廠藝術村」同「台灣糖業博物館」，建議一併前往。

❸ 從機場出發，依捷運紅線「高雄國際機場站」至「橋頭糖廠站」，車程大概係40分鐘。而由「美麗島站」前往，大概就係30分鐘。

❹ 打卡還打卡，記得唔會成個人坐上去，上面亦寫明唔可以坐。