【河口湖景點】東京巴士、JR直達！河口湖車站／大橋打卡富士山！一步預知富士山清晰度！

東京旅遊近郊路線中，「河口湖」係最為人熟悉嘅景點，JR或巴士都可以於2小時直達「河口湖」車站，甫落車就可以拍拖兩個人打卡車站上嘅「富士山」，而「河口湖」大橋上亦可以睇到「富士山」。原來要睇到「富士山」並唔係咁容易，因為好多時候能見度都唔係好高，到底點樣可以確保見到最清晰嘅「富士山」呢？

「河口湖」係富士隱行河口湖線嘅車站，位置海拔有857米高，無論搭巴士定JR，都可以直達「河口湖」車站。「富士山」早於2013年已經被列為世界遺產，車站背後就有「富士山」靚景。而車站對出就有座鳥居紀念碑，聽聞係來自金取居門，係靈山富士山嘅鳥居。而旁邊就有架Mo1型列車，來自於富士山麓電鐵，即富士急行前身。

車站內基本上係售賣紀念品同地道富士山手信嘅地方，隔離就有「富士河口湖觀光綜合案內所」，亦有交通票券售票處，更有個足浴場。而車站外就係巴士站，外面有好幾條巴士線，要留意當中幾多號先係自己想要搭嘅巴士路線，比如6號就係去「御殿場」。

觀望「富士山」嘅位置唔少，比如車站對面，重有車站旁邊嘅列車同鳥居裝飾。「富士五湖」就係「富士山」下嘅五個湖泊，包括「河口湖」、「山中湖」、「西湖」、「精進湖」、「本栖湖」。車站內主要有6至7條巴士路線，而10號站牌通常係酒店接駁車用。7號站牌可以來往富士山五合目，6號站牌就可以來往山中湖、御殿場、忍野八海，5號站牌則可以來往天下茶屋，4號站牌就可以去西湖、本栖湖、富士山站，3號站牌可以來往新宿，而2號站牌就係東往東京、涉谷、博多、大阪、成田空港、羽田空港等高速巴士。

「河口湖」一直都係「逆富士」打卡嘅景點，係日本風景明信片常見嘅畫面，絕對係打卡必到！除咗河口湖週邊景點，「河口湖大橋」都係可以觀類「富士山」嘅地方，而呢個位置就係車路嚟，向「河口湖」車站方向走，就可以正面望到「富士山」，而向「大石公園」方向走就會見到「富士山」喺背後。而「河口湖大橋」其實於1987年已經被列為日本百佳道路之一，同富士斯巴魯線並列。

要點樣確保旅途邊一日去睇「富士山」最好呢？事實上，要睇世界遺產靚景，事前就要登入一個網站，上面可以即時睇到「富士山」嘅能見度指數，該網站係根據氣象數據而得知山腳嘅清晰度。網站會預計7日內嘅「富士山」能見度，即係睇到嘅可能性，預測準確率，而每日下晝4點左右會更新一次。留意「富士山」能見度指數係會顯示1到10嘅數字，指數愈大就代表當日睇嘅「富士山」愈清晰，相反數字愈細就模糊。

換言之，數字「1」就係「富士山」最唔清晰嘅時候，而「10」就係「富士山」最清晰嘅日子！據悉，大部份日子其實都係「2」至「3」，甚至係中間嘅數字，要睇到最清晰嘅「富士山」，真係要靠運氣！