近月，漁護署41個官方營地正式重開，唔少人已經急不及待拍拖兩個人到營地露營，其中梅窩南山營地被稱為人滿為患嘅營地之一，今次編輯就從梅窩出發，帶同良心店餐點去野餐，經南山古道前往南山營地，直擊現時周末營地實況，大概30分鐘即達南山營地，到底星期一至日真實情況係如何呢？
從梅窩碼頭出發，先到碼頭旁邊嘅良心店「Caffe Paradiso」買少少餐點去野餐，小店以外國客人為主，老闆亦為居港外國人，曾接受BBC訪問。小店多為戶外座位，室內只有一至兩個座位，戶外座位正對海旁，可以享受海邊Cafe嘅感覺。餐點當中，有Hot Breakfast Bread Rolls、Italian Panini，前者係蘇格蘭白軟包，後者則為意式香脆夾包，雖然小店現時交由本地年輕店員製作，但依舊保持水準。
折返梅窩碼頭，向迴旋處方向走至嶼南道，迴旋處左邊係通往鳳凰徑南山，整道嶼南道即鳳凰徑第一段，全程係走瀝青路，即係馬路。而迴旋處右邊方向就係向銀礦灣沙灘、銀礦瀑布、銀礦洞方向，只需要前往袁氏大屋，經過銀灣邨，轉向銀樹街，接連穿過2道小橋，然後走鹿地塘村小徑，一直會有指示牌指向南山古道。
鹿地塘村位處梅窩地塘仔郊遊徑，穿過鹿地塘村，由袁氏大屋起步，步行約15分鐘，就會到達南山古道入口，沿銀礦瀑布方向走，鹿地塘村中途就會見到山路入口，路段有少量指示牌。南山古道近南大嶼郊遊徑，而南大嶼郊遊徑基本上有約10公里長，但南山古道就只係30分鐘步程。當穿過鹿地塘村時，必須小心分岔路口，
簡單嚟講，穿過小橋後直行至涼亭，再向前走到末端轉左，再轉右，直行至南山古道指示牌轉右，一直前行就會搵到南山古道山路入口，注意中段有部份指示牌係將「南山古道」寫成「鄉村古道」。
南山古道全程走石砌梯級，風景稀少，只有中後段有少量空隙可回望梅窩一帶。整道古道皆為石砌梯級，感覺非常古舊，沿途滿佈樹蔭，古樸味濃，綠意盎然，果然係鄉村古道，缺點就只在於無乜風景可言，抬頭就係大東山林地。不過，此古道係連接梅窩至嶼南道嘅捷徑，而且比較少人步行，而若反方向從嶼南道下行至梅窩鹿地塘村，情況就會變得更為簡單。
據悉，南山古道有逾400年歷史，亦叫磨刀山道，因為古道內嘅石係可以用作磨刀，但目前唔算好平滑，唔平整之餘亦有啲崎嶇，但都算適合步行。古道本來並非只有30分鐘步程咁短，而係連接石壁水塘方向，只不過水塘工程令古道毀掉，以前其實係大嶼山長沙、塘福、水口、貝澳一帶居民來往梅窩嘅主要幹道。
南山古道盡頭係南山坳頂1號燒烤場，位處大嶼山郊野公園範圍內，地方偌大，綠草如茵，既可BBQ，亦可野餐。路段連接山路，可以前往二東山、大東山、伯公坳方向，當然想上大東山嘅話，直接從伯公坳起步會較方便快捷。
於燒烤場野餐後，前行一小段路就可以見到對面為營地入口。同一個燒烤場，左邊可上行至白富田營地，而右邊則可下行至南山營地。
如果大家發現南山營地人流太多，可以前往附近嘅白富田營地，雖然由入口至白富田營地約為30分鐘步程，來回就需要1小時，而且需要稍為上行，靠近鳳凰徑。缺點既在於需要步行，補給點亦需要先下行30分鐘，再步行或搭車折返梅窩，而且只有旱廁、燒烤爐、枱櫈等，取水都要折返南山營地；但優點就係位處深山之間，人患唔明顯，地方唔大，只有約20個營位。相反，下行至南山營地，不難發現營地滿滿帳篷，當日氣溫較低，故少咗啲人。
南山營地最大優點在於落車即達，入口離大嶼山巴士站只係1至2分鐘步程，但嶼南道無街燈，夜晚入營地就需要自備頭燈。營地有50至60個營位，空間廣闊，內有洗手間、燒烤爐、枱櫈、污水穴、晾衫架、水喉、浴室等，非常方便。想要補給點嘅話，步行或搭車折返梅窩亦唔困難。不過，正正因為太過方便，令南山營地變成人滿為患嘅營地之一。
依山而建嘅南山營地週邊被山谷、樹木環抱，環境清幽，都算舒適，想要散步重可以前往附近南山觀景台，步程約10分鐘，景觀開揚，可以回望梅窩至貝澳一帶怡人市海景。
據編輯查詢營地負責人南山營地平常狀況，一般周末假期整個營地會堆滿帳篷，大多為家庭客，通常係一家大細前往營地，高峰期連洗手間門口位置都被紮營。但當日氣溫驟降，家庭客大減，仍然前往南山營地嘅為唔怕凍嘅年輕人，當時營地已只剩低少量插針位。至於平日人流無咁多，但依舊多人，基本上每日都有唔少人露營，周末假期必須插針，只不過平日仍然會有營位，或者插針。換句話說，即係平日或星期六一大清早都有機會可以搵到營位。
E.A.Tips :
❷ 老闆係外國人，點餐時要用英文，但現時都為本地店員睇舖。
❸ 店外座位可面對海旁，會比較Chill；不過室內就比較有私隱，而且行埋店內地下至閣樓嘅小型Art Gallery會比較方便。
❹ 要預備充足Cash，唔見有Credit Card機。
❶ 素食朋友都可以去，因為有全素餐供應。
❷ 小店曾參與梅窩 Farm to Table 農業社區活動，亦有售賣唔少有機產品，有興趣可以睇睇。
❸ 周末營業時間上，Google寫16:00，Openrice寫18:00，但實際上親自問到先知係17:00，所以要留意唔好咁晏啦！
❹ 巴士路線3M可以來往梅窩至東涌，亦可直抵南山營地入口。由中環乘搭渡輪前往梅窩，價錢較高，但時候就較快捷；由東涌乘搭巴士前往梅窩，價錢平少少，但需時就較長。巴士路線1,2,3M,4都可以前往南山營地，但太古度假屋站落車會近過南山營地站落車。
❶ 經過鹿地塘村時要特別保持安靜，勿騷擾村民。
❷ 南山古道需要都算安全，但都要小心踩到碎石跘倒。
❸ 燒烤場唔係營地範圍，所以只可野餐同BBQ。
❹ 營地有洗手間基本配套設施，地面較斜，能紮營嘅地方其實唔多，所以人多真係要插針。
❶ 記得唔好喺營地燒地，要自備防火墊，重有自己垃圾自己帶走。
Caffe Paradiso
大嶼山梅窩銀運路3號梅窩中心地下8號舖
星期一至五 08:00 - 16:00；星期六至日 08:00 - 18:00
2984 0498
南山古道
嶼南道
南山營地
大嶼山
白富田營地
大嶼山
元朗高水準蓬萊咖喱屋$70牛羊雞自選配搭 印度黃飯、蒜蓉烤餅、芝士烤餅
【#香港咖喱屋】正宗印度菜係香港地幾難搵嘅一款菜式，元朗國內20年來一直隱藏一間高水準嘅印度咖喱屋，咖喱香料味道濃郁，室內就好似西餐廳咁嘅水平，情侶拍拖兩個人不妨去撐吓檯腳啦！
全港20間分店！牛角60分鐘半自助燒肉放題 似舊時邊種自助餐？
【#燒肉自助餐】來自日本嘅日本燒肉專門店「牛角」，向來係唔少情侶拍拖兩個人食自助燒肉嘅地方，認知度高。喺香港就係已全線結業嘅「敘福樓」姊妹店，目前依然有20間分店。最近再去食「牛角」，方才發現呢個半自助燒肉放題，竟然似舊時學生時代一種平價自助餐，到底係邊種同點解呢？無咩事，都係去食返一人燒肉。
新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃
【#排隊米線】雖然近年有唔少食肆相繼結業，但香港依然有小店靜靜雞開業，其中位於新蒲崗嘅「秋拾米線」轉瞬成為一間拍拖兩個人嘅排隊米線，到底有咩咁巴閉？有讀者向E.A.Two透露，該店曾經由同區嘅「濃姐茶餐廳」認證及推介，即管去試一試呢間米線生力軍！
新即是舊定新不如舊？荃灣小商場人氣米線貴香園重新出發 雲南酸辣、麻辣、酸麻辣、沙嗲湯底
【#新即是舊】米線向來係香港人特別鍾情嘅美食類別，尤其係雲南酸辣米線！唔少情侶都鍾意拍拖兩個人去食米線，貪快捷同平靚正。荃灣原先有間叫「貴香園」嘅米線店，後來結業，目前原來已重開，而且改名為「新貴香園」。到底改名後嘅「貴香園」，係新即是舊，抑或係新不如舊呢？
隱藏尖沙嘴死場！好時中心Hokahoka真日本人居酒屋 午市平價海膽三色丼／特選刺身丼
【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。
香港牛肉飯大混戰！自選本土牛丼御三家！牛丼家／松屋／Sukiya 3強鼎立！
【#本土牛丼御三家】「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
【新年好去處2024】荃灣如心廣場又係貓咪主題？ 新年本地插畫金魚貓Kiyo迎Meow接福
【#迎貓接福】荃灣如心廣場向來係該區重要商場地標之一，今年與其他商場展覽如出一轍，新春展覽都係以貓咪為主題，實行吸引拍拖兩個人迎Meow接福。你話變成《飯戲攻心》明禎呢個阿Meow就話特別姐，點解個個商場都用貓做主題，設計真係咁無新意？
【新年好去處2024】灣仔利東街紅噹噹燈籠／金魚高掛現燈海 金龍賀歲似醒獅表演
【#紅噹噹賀歲】2024年嘅農曆新年與2.14情人節基本重疊，拍拖兩個人過完年初一二三，馬上就到情人節，故此今年新年展覽裝飾同時有新年氣氛及情人節特色。灣仔利東街雖然大概只係得紅噹噹燈籠高高懸掛，以及金龍裝飾，但同時有新年及情人節活動。
尖沙嘴鬧市香檳大廈上年底強拍 十室九空僅餘星座冰室＋賓館＋少數相機店
【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？
在〈【野餐隨行】30分鐘走完梅窩南山古道 直擊南山營地周末實況！〉中有 2 則留言
留言功能已關閉。