【區區有良心】大嶼山美食巡禮2023！小區推介6間尚存本土餐廳！

近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第十一炮於找尋大嶼山尚存嘅本土餐廳。

天湖印度餐廳

大嶼山東涌區內食肆唔多，大多集中於有蓋商場內，但只要懂得搵食，角落都可以有美食，位於逸東邨一角嘅天湖印度餐廳，為一間炮製正宗印度菜嘅小店，單單一條烤餅卷已充滿印度風味。

梅窩區位處大嶼山內，只有少數食店，其中Caffe Paradiso由外籍人士開設，主打輕食，室內有藝術展廊，室外又有海旁雅座。

東涌區內平價食肆唔多，而金銘潮州粉麵位於逸東邨嘅屋邨範圍，價格較低廉，就算想搵平食都有地方。

原先只係位於梅窩一角細舖嘅Southside Lantau，現時已經搬到梅窩碼頭對面，交通便捷，舊店以烤雞最高質素，於外面睇過新店餐牌，菜式相近。

講到最有水準嘅食店，編輯私心推介The Kitchen呢間Pizza專門店，最難得係小店炮製正宗意式薄餅，餅皮略有脆感，但就軟身而可以捲起，餡料又夠豐富。

而提到最高人氣嘅梅窩食店，相信非麥生記冰室莫屬，門口人龍真係風雨不改，一直維持得住，講到底唔少人都係為咗港女下午茶慕名而至。