【區區有小店】菜式篇！港九新界尚存點心酒樓 10間本土推介酒樓及點心餐廳｜點心酒樓推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅酒樓及點心餐廳，適合拍拖兩個人前往，即刻睇睇菜式推介之中式點心選擇！

和平飯店

來自叙福樓集團嘅「和平飯店」，以滬京川菜式為主，屬本地經營嘅中式酒樓之一，不過現時呢間少見嘅中式酒樓，分店只係剩低「美食沙漠」油塘區同深水埗南昌區，同時係eatwo「區區有小店」中、南昌一帶唯一一間尚存本土小店。

在 Instagram 查看這則帖子

https://eatwo.info（@e_a_two）分享的帖子

今次今日想食點心，唔一定要去大型中式酒樓，皆因近幾年點心舖愈開愈多，想歎「一盅兩件」不妨分散投資。位於觀塘嘅「豪隍點心工房」就係其一，最大優點係雞札中竟然重有火腿、魚肚，而非搵蟹柳、豬皮取代！

一直默默屹立多年嘅「陳師傅點心專門店」，已經由新蒲崗小區搬到尖沙嘴鬧市一帶，相信最大分別在於極度狹窄嘅空間，變成正常用餐環境。

另一間近年上位嘅點心舖為「徐記廚房點心」，小店靠近花墟一帶，點心水準不俗，但價錢就相對較高，最深印象係8號風球打風都仍然照常營業！

同樣位於旺角鬧區嘅點心舖「喜惶點心專門店」，價錢上較相宜，店內以大大隻字寫明「牛肉世家」，所以點心中亦以牛肉點心為主打，其餘都係配角之選。

講到傳統中式酒樓，不得不提沙田區嘅「富東閣海鮮酒家」，亦係全港唯一一間本土舊式街坊茶樓，最令人懷念嘅傳統酒樓特色，係可以無限時任坐、歎茶、歎點心，唔會好似其他香港餐廳限時用餐兼趕人走；而且重有以前必然經歷過嘅搭檯文化，捲起檯布自然將同一張檯分成兩份，甚至三份。

另一間點心專門店係「蒸廬」，基本上除咗點心之外，主打嘅重有荷葉飯、燉湯，雖然曾經有網民大彈中伏，但其實都可以接受，而門口不時亦有人排隊入座。

位於青衣熟食中心內傳統冬菇亭內嘅「龍門點心廚房」，係比較少人得知嘅傳統酒樓，客人大多數係附近街坊，不過對上一次撞正下晝2至3點落場，所以未能一試。

「老馮茶居」亦係本地一間點心專門店，於元朗、大埔、荃灣皆有分店，店內以懷舊點心為主打，室內更加打造為舊式屋邨，不過最有質素嘅唔係點心，而係每檯都會點選嘅砵仔蒸飯。

雖然話本土味濃嘅傳統中式酒樓日益減少，但其實有心搵一樣可以搵到好幾間傳統茶樓。其中，由616接手嘅大圍舊式茶樓，就已經易名為「616客香邨」，由內到外都保留舊式酒樓風格，連極為罕見嘅傳統點心都予以保留，比如係糯米包、魚翅餃。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊