【區區有小店】荃灣美食巡禮2023!小區推介14間尚存本土餐廳!

【區區有小店】荃灣美食巡禮2023!小區推介14間尚存本土餐廳!

近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第三十九炮找尋荃灣尚存嘅本土餐廳。

Cafe系列

The 5B Private Corner

好多人都知道觀塘工廈樓上有好多Cafe,而荃灣工廈樓上其實都有唔少Cafe,其中一間係The 5B Private Corner,室內雅座可望向荃灣海景。

KOKO Coffee Roaster

荃灣南豐紗廠係經典文青打卡地,曾經一度吸引唔少人專程前往,而南豐紗廠內其實都有唔少良心小店,其中一間係KOKO Coffee Roaster。

秘密花園1981咖啡店

躲藏於大會堂劇院內嘅秘密花園1981咖啡店,係區內一個秘密花園,得閒無事不妨前往歎返個Afternoon Tea啦。

日韓台系列

初見

平常吉列石燒牛見得多,香草石燒牛則比較少見,初見曾推出經香草醃製嘅石燒牛扒,青綠色配上粉嫩紅肉,顏色吸睛又搶眼。

拉麵台風

台風拉麵有幾間分店,荃灣店就係其中之一,拉麵台風係香港難得高水準嘅良心拉麵店,貼近日本小店水平,故門口不時大排長龍。

東南亞系列

越翠苑

位於荃灣至大窩口之間嘅越翠苑,都算係一間唔太明顯嘅小店,卻有驚喜,店內以越南菜為主打,一嘗之下先知道係正宗越南菜,蟹膏湯檬好出色。

素食系列

素悅軒

講到最隱密嘅小店,編輯會選位處小巷深處嘅素悅軒,店內以全素食為主,適合素食人士前往,當中素食車仔麵甚有意思,雖然有部份材料外觀似足葷食,但入口卻為素菜。

中港系列

小廚美食

至於荃灣昌寧商場亦係區內一間著名小型商場,有唔少微型食店,小廚美食就係其一,小店以家庭式經營,只係簡單售賣港式小食。

光榮冰室

以名氣嚟講,光榮冰室都算係數一數二高。雖然名氣係好大,但其實食物質素真係需要進步,單睇炸雞髀,幾年前同幾年後一樣都係咁難食。

德發粥品專家

而德發粥品專家就係荃灣區內一間歷史超悠久嘅食店,無論室內裝潢,抑或粥品、小食,都有舊時風味。

楚撚記大排檔

對於荃灣區內嘅人氣店,楚撚記大排檔一定入榜,皆因門口不時有大量人流排隊等待入座,雖然店舖寫明係大排檔,但就無傳統大排檔嘅麻甩感,反而似係遷就斯文少女,改良到變得可以打卡。

壹盅湯

既然港人生活節奏急速,自然少有煲湯,故湯舖愈開愈多,方便都市人,而荃灣區內亦布一間以盅湯為主打嘅食店,重有荷葉蒸飯可以選擇。

上海美味一品香菜館

平常人氣店都係經過唔少平台或網民傳遞,先會變成人龍店,但荃灣呢間以上海菜為主打嘅小店,則只係較人傳人而成為排隊店,網上比較少推介,事實上係荃灣區內嘅隱藏人龍店,買份外賣都要等45分鐘。

和順記

而和順記係一間特許經營店,以炸雞髀為主打,只有荃灣、天后店值得支持,炸雞髀大大隻,狀似斧頭炸髀,皮脆肉嫩,不過就唔夠入味,雞肉比較淡,而價錢有機會係全港最貴,但就唔知會唔會貴得過開心香港。

兩個人旅吓行

bangkok
曼谷走走
tokyo
東京走走
台北走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

醫吓肚

【區區有小店2024】西環16間尚存本土餐廳推介!尼泊爾餃子/豬扒米線/米芝蓮鹽酥雞|西環美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年西環、西營盤、堅尼地城區尚存嘅餐廳小店,即睇該區隱藏美食介紹!

全港淨2分店!香港老牌快餐店大大隻德國熱狗 幾時再有芫荽熱狗?

【#傳統熱狗】若提到本地熱狗,大家拍拖兩個人會諗起邊間,又會選擇邊間呢?相信大多數人會第一時間諗起分店眾多嘅「齊柏林熱狗店」,又或者已經結業嘅「Bull Dog Hotdog」,但其實重有一間老牌熱狗專門店隱藏於何文田一帶,該店為「德國熱狗」,原來目前只係淨返兩間分店!

【區區有小店2024】尖沙嘴26間尚存本土餐廳推介!燒肉放題/四川冒菜/新派素食|尖沙嘴美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年尖沙嘴區尚存嘅餐廳小店,即睇該區隱藏美食介紹!

【區區有小店2024】石硤尾4間尚存本土餐廳推介!港式快餐/激平兩餸飯/學生哥小食|石硤尾美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年石硤尾區尚存嘅餐廳小店,即睇該區隱藏美食介紹!

【區區有小店2024】石門7間尚存本土餐廳推介!新派素食/中式點心/台式麵餐|石門美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年石門區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}