今年聖誕又變得熱鬧，除咗聖誕燈飾、聖誕展覽，其實各式聖誕市集都值得拍拖兩個人逛一逛，當中包括有週末假期限定露天市集，亦有仿英國車尾箱市集，更有環保市集等，今次編輯就一次過為大家搜羅全港超過10個聖誕市集。
港島區﹕
赤柱廣場聖誕市集
赤柱廣場今年特別與澳洲旅遊局等機構聯乘，由展覽到市集都以澳洲為主題，市集中不僅有澳洲美食，亦有各式澳洲小物。不過，美利樓一端嘅過百個市集攤檔，就同澳洲無乜太大關係，同一般市集無異，而且商品種類差唔多，無乜大驚喜，基本上來來去去都係嗰三四種。而於赤柱廣場中消費至指定金額，更有機會參加抽獎，嬴得澳洲雙人來回機票套票！另外，女士們更要留意市集內有澳洲消防員月曆，重有9折優惠，同香港相比，最大賣點係堅用作慈善用途！
愉景灣聖誕周日露天巿集
港島區除咗赤柱係受西方遊客歡迎，愉景灣同樣係受外地遊客歡迎嘅旅遊熱點，今年聖誕雖然只係簡單將純白鐘樓變教堂，但戶外廣場亦有週日限定露天市集。
中港城車尾箱環保市集
尖沙嘴中港城不僅係觀賞煙花、燈飾嘅好地方，今年聖誕亦有一個限定市集，最特別之處係以英式車尾廂市集為藍本，將車尾廂市集搬到香港，每次都有唔同車輛參與，而市集主題就係環保市集，商品都擺放於車尾廂中，香港嘅創意始終係依靠外國。
太古城中心Disney市集
喜愛Disney卡通嘅朋友必然要去太古城中心，皆因當中除咗有巨型米奇老鼠打卡，後面更有多款Disney商品，各款以米奇老鼠嘜頭設計嘅商品，就係為Disney迷而設。
山頂廣場黃阿瑪冬日市集
而山頂廣場展覽就以台灣嘅卡通黃阿瑪為主題，中庭亦有一個相關市集，只不過市集同該卡通其實無乜太大關係，同普遍市集所售賣嘅商品無咩分別，所以宦係無乜驚喜。
九龍區﹕
又一城 Walk with Me 綠色聖誕市集
至於九龍區，又一城為慶祝25週年，除咗設置一座時尚感十足嘅藝術玻璃屋，一隅亦有一個綠色環保市集，市集風格上比較天然，帶有露營風、森林風，商品亦有幾分趣味。
K11 MUSEA 聖誕村市集Pop-up
而K11 MUSEA嘅聖誕市集就與Dior聯乘，所以整個空間同戶外海濱長廊嘅金色聖誕樹一樣，都係金光璀燦，只係變成一座金色旋轉木馬，當中有眾多Dior商品﹐女士必到！
西九聖誕市集
西九聖誕市集之前未曾開始，所以未能親身報道，但西九草地聖誕樹另一邊就係市集位置，相信憑海旁優越地理位置，會比其他地方吸引更多人流。
荷里活廣場My Little Pony聖誕市集
鑽石山荷里活廣場只屬一個街坊商場，今年有全粉紅色嘅聖誕展覽，而背後就有一個冬日繽紛市集，但其實同平常街坊商場中庭啲賣物會差唔多，只係美其名叫市集。
Moko 新世紀廣場編織市集
新世紀廣場今年將街頭編織帶入室內，前面有打卡位，後面亦有一個小型市集，都係同一般商場市集差唔多，售賣各款手作，不過都係無太大特色，行過可以睇吓嘅。
新界區﹕
新都會廣場冬日市集
而新都會廣場都有一個冬日市集，基本上同平常商場市集無異，只係典型商場市集，而所賣嘅商品亦無乜太大驚喜，都係去開葵廣咪行過睇吓囉。
東港城IKEA聖誕市集
至於東港城嘅聖誕市集，就特別與IKEA聯乘，將IKEA嘅商品及經典FABLER小熊作裝飾，而市集內有典型示範單位，亦有大量聖誕小物可供選購，更有代寄聖誕卡服務！
荃灣廣場Log On市集
荃灣廣場嘅市集同商場市集都無乜太大分別，都係有個空間賣緊當時要推銷嘅商品，今次就係同Log On聯乘，所以商品都係同Log On有啲關係。另外，上面「白紙生活概念館」都有一個限定「傭仔陪你過聖誕市集」可以逛一逛。
E.A.Tips :
❷ 逛街時要特別小心扒手，要好好看管個人物品。
荃灣大良甜品店$20有交易！老店鴻輝記傳統糖水﹕古法製芝麻糊／合桃糊／杏仁糊？
【#中式糖水】以往拍拖兩個人喺香港食完晚餐，唔少得就係去搵間糖水舖sweet吓，就算多個朋友gathering亦少不免用甜品店延續聚會時間。不過，香港餐廳營業時間愈嚟愈短，大多好早就收舖，想要食個糖水都唔容易。荃灣就有間以中式甜品為主嘅小店，唔單止不時大排長龍，頗受到街坊歡迎，而且最平$20就有交易！
荃灣罕見真地踎大排檔！食得喜小廚正對三棟屋博物館！椒鹽鮮魷／滷水鵝／酥炸蠔餅／小炒皇
【#香港大排檔】以前食大排檔係因為價錢平，但今時今日食大排檔無幾百一千都難以埋單，恍惚係一種由低消費變成高消費嘅文化。拍拖兩個人去食大排檔其實一直都唔係好抵，份量多而菜式選擇少，平均價格就好高，所以大排檔係一大班朋友聚會先至比較適合。如果有朋友想食大排檔，不妨揀荃灣呢間老牌地踎大排檔，位置正對三棟屋博物館，起碼仍然有得揀。
佐敦70年代老牌西餐廳！牛屋餐廳懷舊扒房港式西餐最平$48﹕蒜蓉雞扒／威靈頓牛柳／原條牛脷／德國鹹豬手
【#平價西餐廳】有時候，情侶拍拖兩個人想搵間浪漫西餐廳撐檯腳，想慶祝吓紀念日或生日，但唔知道有咩好選擇，又擔心價格over budget。今次E.A.Two前往一間座落佐敦有超過50年歷史嘅老牌懷舊西餐廳，感覺似港式西餐，價格竟然低至$48！
復古商場近尖沙嘴重慶大廈！濕潤英式鬆餅花華慶方重開！與Peek-a-Poke招牌夏威夷丼飯相連！
【#簇新商場】尖沙嘴重慶大廈向來係一個聚集東南亞人嘅地方，一般本地人比較少會進入呢個殘殘舊舊嘅地方。而呢幢樓附近竟然有個表面簇新而入面賣復古風嘅商場。呢個商場入面有兩間小店相連，不妨拍拖兩個人去醫吓肚。有留意E.A.Two嘅讀者應該知道我哋亦曾經食過，當中包括夏威夷丼飯，重有一間由咖啡店變酒場嘅食肆，店內嘅英式鬆餅絕對令人難忘！
【區區有小店2025】九龍塘5間尚存本土餐廳美食！校園西餐廳／散水餅Cupcake／台式手搖飲
【#大學餐廳】雖然處於結業潮當中，但香港小店依然不少，只要有心尋找，拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店，而且唔少都有一定水準。小店選擇眾多，每間各有優點同缺點，好食就食多啲，唔好食唔好逼自己食，希望本土香港人明白，自己小店自己撐！呢篇係九龍塘篇﹕
葵興KCC商場聚集小店！瓜破菓子店網店變實體！和風甜品x烏冬套餐有9折優惠！
【#和風蛋糕】葵涌一帶一邊係工業區，另一邊係住宅區，當中以葵興KCC商場比較為人熟悉。呢個商場雖然地方細小，但就一直聚集唔少小店，適合拍拖兩個人去醫吓肚。今次就前往一間開放式食店，該店由蛋糕網店變成實體店，除咗和風甜品，重有烏冬套餐，食烏冬或飲咖啡再食蛋糕更有9折優惠！
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！
香港機場禁區美食廣場僅存2間小店！上機前歎米芝蓮級阿元來了／兩姊妹涼皮！即睇正確位置＋營業時間
【#禁區餐廳】今年電影《九龍城寨之圍城》風靡唔少港人，最近香港機場都特設一個香港電影展覽。以前城寨處於舊機場旁邊，而家將城寨搬到新機場﹐認真奇妙！去旅行搭飛機前，除咗睇展覽，唔少得係搵吓上機前有咩食，機場禁區選擇雖然不少，但現時小店只係剩返2間，同樣都係《米芝蓮》水平嘅小店。一間近閘口，另一間則位於偌大窗戶旁邊嘅美食廣場，即刻睇吓呢2間小店嘅正確位置同營業時間啦！