「Ho！Ho！Ho！」又到聖誕！又到聖誕！拍拖兩個人又係時候搵搵聖誕好去處啦！早前已經逐個展覽逛咗一次，今次eatwo編輯為大家整理全港嘅商場聖誕展覽，無論港、九、新界區，都有聖誕活動，即刻睇睇呢個可能係最齊全嘅聖誕展覽活動列表啦！
港島區﹕
愉景灣Christmas Wonderland「聖誕歐陸小鎮」裝飾
與市區有一段距離嘅愉景灣，向來係拍拖兩個人週末好去處之一，環境清靜舒適。今年聖誕，愉景北廣場及愉景商場都有聖誕裝置，前者就將純白鐘樓變成一間13米高嘅教堂，打卡必到！
太古城中心「GROW with LOVE」
地下鐵路及巴士直達嘅太古城中心就以卡通人物為主題，大門口已經設置一隻巨型米奇老鼠，背後就係田園小木屋，亦有其他米奇嘅朋友可以打卡。
銅鑼灣希慎廣場+ 利園區「Glom-Glom All The Way 聖誕派對」
通常最難得嘅設計，都係最容易受到群眾忽視，銅鑼灣利園區希慎廣場內，有一組聖誕裝置時尚又有藝術感，而裝置設計難度甚高，並非平常四四正正風格，而係呈彎曲狀，值得睇一睇。
灣仔《海濱動感夜》「HarbourChill 海濱休閒站」「水上運動及康樂主題區」
灣仔海旁向來係唔少人散步好去處，而臨時海濱公園亦不時設有節日限定展覽，今次就以夜繽紛及海濱動感為主題，當中有火車裝置，不過就似兒童遊樂場。
銅鑼灣時代廣場「Christmas Elfventure」
講到人流最多嘅地方，銅鑼灣時代廣場應該係數一數二，今次戶外平台裝置以芬蘭聖誕精靈為主設計，符合聖誕風格，一端就有一棵6米高嘅聖誕樹，而上層亦有壁爐小屋可以打卡。
太古廣場「奇幻聖誕」
至於太古廣場就以奇幻聖誕為主題，同樣係以小精靈設計，創作一個魔法森林，裝飾細節上不簡單，而小屋內亦有聖誕老人，途人可以輪流入內同聖誕老人合照呢！
中環置地廣場「Mount Santa Paws 薈聚嚮樂」
而幾乎係最高成本嘅聖誕裝置，有可能係向來主打高檔次商場嘅中環置地廣場，今次以冰雪樂園為主題，將白色聖誕帶入商場內，細節位非常有心思，一端更設有5米長滑梯，以及VR動感座。
請在這裡輸入標題
中環大館「小心意•大眾樂」
中環大館嘅聖誕裝飾唔太複雜，主要只係中庭廣場位置有一棵高約12米嘅聖誕樹，從2至3樓可以直接俯視全景，而入夜更有光影及音樂陪襯嘅亮燈儀式，謹記要捉緊時間！
香港ifc商場「SnowPark」聖誕裝置
而中環IFC商場亦同樣想將白色聖誕帶入商場，當中除咗有棵8.5米高嘅聖誕樹，亦有露營風嘅小屋打卡，更有唔少互動裝置可以玩一玩。
山頂廣場「黃阿瑪的幻彩冬日樂園」
山頂廣場今次以卡通黃阿瑪為主題，中庭有市集，亦有小木屋及馬車裝置，但其實其餘聖誕裝置都位於觀景台附近，中庭基本上只係得個迷你市集。
利東街聖誕「The Wishing Stars」
至於灣仔利東街，150米長嘅空間內，每逢節日都有裝飾，今年聖誕就以霓虹燈飾設計，當中有大大粒星星，入夜瞬間更變成飄雪樂園，當然所謂嘅雪只係番梘泡！
赤柱廣場「Chillmas by the Sea」
向來受中西遊客歡迎嘅赤柱廣場，一旦有市集及裝置，自然能吸引大量遊人，今年聖誕就特別同澳洲旅遊局等聯乘，以澳洲為主題，包括各項裝飾及週末假期限定市集，消費後參與抽獎更有機會嬴得澳洲雙人來回機票套票呢！
九龍區﹕
荷里活廣場「My Little Pony 40周年華麗聖誕派對」
九龍區方面，鑽石山荷里活廣場就以另一卡通My Little Pony為主題，全場均以粉紅色為主調，數棵聖誕樹都被染成粉紅，最適合喜愛pink pink嘅朋友。
1881 Heritage「BOTANICAL CHRISTMAS」
上年一度被大力批評聖誕裝置設計嘅1881 Heritage，今年就行穩陣路線，以Tiffany blue為主調，設計一間聖誕玻璃屋，果然吸引唔少人爭相打卡！
海港城「Merry Spacemas 聖誕太空熊遇記」
毗連1881 Heritage裝置嘅海港城海旁，今次就以太空熊仔星人為主，有多隻熊仔星人擺放其中，另有一棵10米高嘅聖誕樹形火箭，小隧就內更有小飛船設計嘅打卡位。
K11 MUSEA「CHRISTMAS PALACE」
尖沙嘴K11係近年受歡迎嘅商場，今年K11 MUSEA就同女士至愛嘅品牌Dior聯乘，打造一個金光燦爛嘅聖誕樂園，包括有聖誕樹及旋轉木馬，有如黃金宮殿，位置係星光大道海旁與K11 MUSEA大門口之間，不過編輯覺得6樓平台中簡約嘅金色聖誕樹更加簡約及高貴。
Mira Place「Find Your Santa Zo-mate」
今年唔少聖誕裝置都採用12星座為主題，其中尖沙嘴美麗華廣場就將聖誕老人劃分為12星座造型，玻璃屋內外都置有一個個12星座聖誕老人，你又搵唔搵到自己嘅星座呢？
ELEMENTS 圓方「Merry Dreamscape: The gifting magic 」
鄰近西九文化區嘅ELEMENTS圓方，中庭擺放有一棵8米高聖誕樹，而旁邊亦以禮物盒砌成聖誕樹模樣，巨型聖誕樹下為一道鏡面隧道，不妨入去打吓卡啦。
朗豪坊 x kkplus「Care Bears Express」聖誕列車
旺角朗豪坊每日都非常熱鬧，中庭位置不時都有展覽裝置，最能夠收宣傳之效，今次商場就同kkplus聯乘，打造一架Care Bears聖誕列車，包括有糖果色聖誕樹，整個空間都係粉色設計，適合女士們打卡。
Moko 新世紀廣場「Merry X’mas! Knit Our Town」
街頭編織藝術並非個個識得欣賞，但又不時於街頭見到編織作品，今次相關團體就同新世紀廣場聯乘，將街頭編織藝術帶入商場，打造一個聖誕編織樂園，織出可愛嘅聖誕樹，文創味濃！
奧海城「CoComelon」聖誕歷險
而奧海城基本上就係一個專為小朋友而設嘅聖誕樂園，當中以西瓜造型嘅CoComelon為主題，前面有打卡位，後面就係一個吹氣樂園。
旺角T.O.P x 東尼電機「聖誕懷孕動物大TWINS徙」
講到設計最大膽嘅展覽，應該係旺角T.O.P.嘅聖誕懷孕動物裝置，主題既係打孖上嘅懷孕動物，風格上亦難得地呈現真貌，令男性與女性代表更為立體。
AIRSIDE - 聖誕冬日雪花藝術裝置《塑雪花圓 Snowflake Rhapsody》
至於今年先開幕嘅啟德AIRSIDE商場，聖誕展覽就選用環保為主，將主要裝置設計成雪花模樣，採用環保物料，順便推廣環保，算係比較有心思嘅聖誕裝置。
茶果嶺海濱公園「菠蘿油妹妹聖誕甜品夢工場」
因為寫錯一隻字，引起牽連大波嘅茶果嶺海濱公園聖誕裝置，已極速更正錯別字，今次就以唔太了解嘅本地卡通人物為主題，裝置簡單，大概就係以蛋糕拼湊聖誕樹，比較值得打卡嘅係一端以鏡面造成萬花筒狀嘅小空間。
apm聖誕極光冬日小鎮
觀塘APM係九龍區一個標誌商場，唔少展覽宣傳都會設於商場中庭，今次聖誕就將愛斯基摩小鎮搬到商場，週邊佈滿聖誕樹，包圍住中間兩間木屋。
冬日熊出沒@觀塘.7 Bears in Town
鄰近觀塘APM嘅裕民坊商場，相對嚟講係一個街坊商場，今次就與7up聯乘，將汽水罐變成聖誕樹，比一般聖誕樹更收實際效果，因為汽水係聖誕party必備之物呀！
德福廣場﹕「冬日夢幻『童』趣之旅」精靈鞋匠夢工場
而九龍灣德福廣場交通便捷，樓下有大量巴士站，無論去邊度都好方便，商場設計同青衣城、PopCorn、康城The LOHAS風格如出一轍，皆因係同一系列作品，德福廣場就以北歐木屋及巨型紅鞋為主打設計，打卡位明顯。
Mega Box 旺卡魔法世界
適逢電影《旺卡》上映，九龍灣Megabox商場就將聖誕裝置同電影場景二合為一，場內可見多個電影場景裝置，營造魔法奇幻世界，再配合聖誕氣氛裝飾，反正就係一個電影宣傳展覽。
九龍塘又一城「Walk with Me聖誕藝術企劃」
提到最意想不到嘅聖誕裝飾，必然要數九龍塘又一城嘅聖誕藝術企劃，中庭內有一座巨型聖誕玻璃屋，風格獨特，更以彩繪玻璃設計，花紋精細，道具小巧精緻，連細節位都做得好足，絕對係值得欣賞，但可惜大多數人都只係為打卡，連欣賞中嘅編輯都被睥走。
iSquare國際廣場﹕The Snowman “Christmassy World”
尖沙嘴iSquare國際廣場置於市中心一帶，人流方面有保證，大門口位置擺放有一個巨型雪人，下方係多個童話世界場景，由地下到中庭都滿佈雪人，你又數唔數到有幾多個雪人呢？
中港城「聖誕車尾箱環保市集」
今年尖沙嘴中港城唔單止係一個睇傳統燈飾嘅地方，而且有一個模仿英式車尾箱市集嘅聖誕活動，當中不僅以車輛嘅車尾箱做gimmick，更有環保車胎聖誕樹，以及音樂會等，甚至有機會得到由hkexpress送出嘅免費機票！
新界區﹕
新都會廣場「夢幻冬日雪之國」
葵芳新都會廣場毗連街坊必到嘅葵涌廣場，平台上設置7米高聖誕樹之餘，旁邊亦有壁爐小屋等，讓途人上前打卡，另一邊亦有一個戶外迷你溜冰場，但比較適合小朋友玩樂。
如心廣場「Christmas Candy Wonderland聖誕奇妙糖果之旅」
荃灣如心廣場今年聖誕裝飾以粉紅色為主調，包括有粉紅熱氣球，以及糖果屋，而大門口更有一棵7米手工糖聖誕樹，不過場景單寡，風格上似乎唔太吸引，停留嘅都唔係香港人。
馬鞍山廣場「BLING雪夢幻聖誕城堡」
喜愛Sanrio characters嘅朋友，一定認識玉桂狗，近年玉桂狗排名上升，唔少人都好喜愛，馬鞍山廣場就以玉桂狗為主題，打造一個粉藍色嘅聖誕城堡，除咗玉桂狗雕塑像，重有粉藍色聖誕樹，加添節日氣氛。
新港城中心「The MOST Wintry Wonderland姆明雪國奇緣」
鄰近馬鞍山廣場嘅新港城中心，就以另一卡通人物姆明為主題，將經典紅色尖頂小屋搬到商場內，加上高約3.5米嘅充氣姆明公仔，以及珍藏漫畫手稿展覽，喜愛此卡通必然不能錯過。
圍方 x 香港芭蕾舞團「胡桃夾子聖誕盛會」
今年唔少商場聖誕展覽都以胡桃夾子為主題，其中新式商場圍方就打造成一個胡桃夾子城堡，而展覽更與香港芭蕾舞團聯乘，城堡內外都佈滿胡桃夾子，部份更會郁動，而側邊齒輪等裝置亦會郁動，裝置頗為細心。
YOHO MALL冬日呈獻「星．語夜」
其實，元朗YOHO MALL嘅聖誕裝置比較平庸，無乜太大特色，中庭最多得一棵6.6米高聖誕樹，只係採用今年好多商場都揀中嘅12星座主題，加插12星座話題。
tmtplaza x POP MART x DIMOO聖誕冰雪奇幻之旅
而屯門市廣場就聯乘POP MART同DIMOO，比較特別嘅係中庭中一個能夠步行登上嘅通透巨型雪球，卡通公仔固然係受小朋友歡迎，吸引唔少一家大細一齊去打卡。
PopCorn：冬日甜蜜糖果屋
將軍澳PopCorn商場同青衣城、德福廣場等為同一系列，都係以精靈做主題，而呢個商場就以糖果屋為主打，地方唔大，但糖果聖誕樹、壁爐小屋已經足夠令唔少街坊打卡。
坑口東港城「IKEA聖誕小鎮」
至於東港城，今次就同marketing好犀利嘅IKEA聯乘，於中庭打造一個聖誕小鎮，最顯眼嘅係有5米高嘅FABLER小熊，前方就有聖誕列車，亦有聖誕市集，方便遊人買聖誕禮物或聖誕裝飾。
荃新天地聖誕小鎮 Citywalk Christmas Village
荃新天地戶外廣場就有一棵好搶眼嘅12米高聖誕樹，而室內中庭就設有蒸汽小火車，一方面可以打卡，另一方面現場重有唔少火車模型作展覽，火車迷必到。
荃灣廣場 x橘貓重重 「『大』玩聖誕節」
幾時都話台灣做原創比香港有空間，既接受程度大，而觀眾亦比較支持。來自台灣嘅於通橘貓重重就大駕光臨荃灣廣場，其厭世臉絕對係特色之一，戶外平台上就有一個3米高嘅花貓可以打卡！
青衣城：「幻」影北極列車站
而青衣城同德福廣場、PopCorn、The Lohas一樣，都係同一設計系列，青衣城就以聖誕列車車站為主打，原來整個idea係來自一本兒童繪本，名為《北極快車》。
東薈城名店倉「 Smurfs Up Christmas 」
至於東涌東薈城名店倉就以大人小朋友都有可能鍾意嘅《藍精靈》為主題，皆因今年係《藍精靈》誕生65週年，今次搶佔聖誕檔期，一邊慶祝聖誕，另一邊慶祝《藍精靈》65歲生日。
E.A.Tips :
❷ 小心商場有扒手，謹記睇緊啲個人物品。
長沙灣微舖手搖飲品店獅子茶舍！岩鹽奶蓋珍奶杯杯少甜符合港人口味？
【#茶飲微舖】香港茶飲店就係台灣手搖飲品店，唔少都係同台式風格混合，但香港嘅茶飲就出名無咁甜﹐因為香港人唔係太鍾意甜度高嘅飲品。而長沙灣呢間茶飲店以岩鹽奶蓋為主，亦有水果茶，位置係隱身於兩間車軚店之間，鄰近舊時知名嘅宇宙商場。
全港最平靚正木屋拉麵隱身青衣屋邨！半個月換湯底、人均僅$XX！
【#屋邨拉麵】香港人好少對餐廳給予正面評價，一間無批評嘅食店其實已經代表值得拍拖兩個人前往嘅餐廳。當中，最難獲得好評嘅莫過於拉麵店，今次E.A.Two就前往於2025年初重開嘅拉麵店，一直隱身於青衣屋邨內，可以話全港最平靚正嘅拉麵，經常開門前就出現人龍！
天使慢煮雞VS惡魔炸雞！葵涌KCC商場平靚正樓上舖三口成品Triple Mouth最平$XX？
【#快靚正飯盒】今時今日，一間食店能夠營運落去唔容易，一方面要應付租金高企問題，另一方面又要應付被香港人食客批評，重要維持食客量，簡單嚟講就係跑數。如果大家想拍拖兩個人去搵間香港小店支持，E.A.Two建議到葵涌KCC呢個冷清商場找尋以下呢間小食店，目前食物水準真係頗高，而且的確做到該店自稱嘅快靚正，5分鐘就有得食！
荔枝角雜貨舖甘鹿仔生活雜貨X果然店聚集各式小店商品！民聲肉餅飯／小杜鴨血／上水爆谷／日本零食／外地進口水果！
【#人氣肉餅山】香港本地雜貨店選擇愈來愈少，而荔枝角D2 Place入面本身就有唔少小店可以選擇，當中有間雜貨舖，目前已經由兩間店舖合體，一間係賣生活雜貨，另一間就係賣水果為主，今次E.A.Two發現當中重有售賣一款來自於港島大坑嘅人氣肉餅山，就算係九龍人，都可以拍拖兩個人返屋企自己蒸嚟食！
天水圍新北江商場人氣燒味店天天燒鵝皇！過百蚊燒鵝髀飯咩水準？
【#街坊燒鵝】天水圍嘉湖新北江商場向來係香港其中一個美食集中地，一間間小店匯聚於此，好多都係街坊食堂。E.A.Two曾經去過唔只一間，今次又去吓另一間受到街坊歡迎嘅燒味飯店，以燒鵝為主打，每逢食飯時間就會好多人排隊等候，燒鵝髀飯竟然要百幾蚊，到底值唔值得拍拖兩個人去食呢？
大圍隆亨邨僅存港式冬菇亭！富記大排檔朝早係茶餐廳、夜晚食小菜？
【#港式大排檔】雖然好香港嘅餐廳已經消失得七七八八，但其實有心搵一樣可以拍拖兩個人搵到港式地道選擇。今次E.A.Two前往大圍一個舊式屋邨僅存嘅港式冬菇亭，歷史有超過30年，朝早係一間茶餐廳，夜晚就係食小菜嘅大排檔。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。