【區區有小店2024】北角13間尚存本土餐廳推介！浪漫西餐／$8蔥油餅／羊肉拉麵｜北角美食推薦2024

香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年北角區尚存嘅餐廳小店，即睇該區隱藏美食介紹！

古月

北角區內隱藏小店不少，單單一道近書局街嘅巷弄，就已經有幾間值得一試嘅小店。或者係由於該位置太隱蔽，令租金較相宜，所以唔少小店都於該小巷開業。而獲得《米芝蓮指南》星級推介嘅「古月」，就係其中之一，該店一直以新加坡風格嘅肉骨茶為主打，注意同馬來西亞肉骨茶係兩碼子事情。

延伸閱讀﹕港島7良心店入選《米芝蓮指南2021》必比登推介北角突襲封區內摘星餐廳實試正宗新加坡肉骨茶

北豆Bar & Grill>不 THE BEANS

原名「北豆Bar & Grill」嘅小店，現時已經易名為「不／THE BEANS」，中文一個「不」字簡單易記，店內繼續以串燒及酒吧為賣點。

Villa Villa

而「Villa Villa」則同樣位於書局街背後，位置係錦屏街後街，小店係一間西式咖啡店，基本上主打係Pizza，當中特別之處有限量發售嘅北海道帆立貝意大利雲吞。

VV尾線

距離書局街不遠嘅「VV尾線」，係一間港式米線專門店。若自問唔想食連鎖米線店，不妨直接去食呢間米線，皆因米線湯底由外到內與連鎖米線店「譚仔」並無分別，最大分別或者係唔會食到口渴！

延伸閱讀﹕北角隱藏小型米線店隨時可取代人氣譚仔雲南米線？

人人和平小飯店

與「麥記美食」座落同一條街道上嘅「人人和平小飯店」，係一間甚受歡迎嘅燒味店，唔少人都大讚叉燒等燒味極出色。不過，編輯實試後就發現，叉燒質感奇怪，完全唔似食緊一件叉燒。

延伸閱讀﹕北角後街小飯店燒味極受歡迎肥叉燒到底出現咩問題？

陸拾六

靠近和富中心嘅「陸拾六」，係一間西日式咖啡店，既有牛扒類、飯及意粉，亦有日式丼飯可擇，其中下午茶價格頗親民，而份量亦唔少，比較抵食。

延伸閱讀﹕北角和富道西式咖啡店毗鄰No Boundary 陸拾六超抵食飽肚下午茶！

No Boundary

同樣位於和富道嘅「No Boundary」，原先於其他區域有多間分店，但通通已經結業，目前只係淨低北角店。該店為一間早期典型咖啡店，純白裝潢設計相當簡潔，菜式上都係以All Day Breakfast及意粉為主，下午茶會比較抵食。

延伸閱讀﹕北角超人氣Cafe No Boundary分店眾多 $48下午茶卡邦尼/All Day Breakfast隨意配搭

皇后飯店

香港懷舊西餐廳數目愈來愈少，而「皇后飯店」就係僅餘嘅港式西餐廳，但上年連九龍塘店都已經宣佈結業。今年該店卻於黃竹坑另開新分店，連同元祖北角店，現時全港只有2間分店。「皇后飯店」西餐人均大概$150，氣氛浪漫，極適合拍拖兩個人撐檯腳！

延伸閱讀﹕九龍塘老牌西餐廳結業！皇后飯店尚餘北角分店港式西餐Vintage感重

青藏牛肉麵

本地甚少見主打少數民族菜式嘅餐廳，其實北角區內都有一間以「青藏牛肉麵」為主打嘅小店，位置同樣係剛才提過嘅錦屏街後街。該店除咗有青藏牛肉麵，重有必食嘅羊肉拉麵！

延伸閱讀﹕北角錦屏後街青藏高原界麵食牛肉/羊肉拉麵不羶不油濃香撲鼻

麥記美食

講到北角區最經濟實惠嘅小店，必然係「麥記美食」！該店不僅係街坊小店，而且早已獲得《米芝蓮指南》星級推介，實力備受肯定。店內以上海菜及上海小食為主，小籠包、生煎包、酸辣湯等任君選擇，重有下晝3點出爐嘅$8蔥油餅，以及堂食店限定雲吞雞湯麵！

延伸閱讀﹕北角小巷微舖米芝蓮上海小食麥記美食外賣店升呢全新堂食店

那個ㄋㄚˋ ㄍㄜ˙

至於以台式便當為主打嘅「那個」，既然於屯門、大角嘴、大埔都有分店，就無需多講，北角店位於英皇道電車路旁邊，交通便利。

延伸閱讀﹕大角嘴超人氣台灣菜每日見人龍複製夜市即叫即製古早味便當

嚐喜大不同特色餐廳小廚

「嚐喜」系列於天后及西環都有分店，北角店就位於七姊妹道，名為「嚐喜大不同特色餐廳小廚」。該店同樣以「馳名煲仔飯」為主打，甚受街坊歡迎，唔少人都大讚煲仔飯風味十足。

延伸閱讀﹕冬日Keep住暖笠笠！天后小街道茶記嚐炭火馳名烤煲仔飯？

犀牛犀牛

而「犀牛犀牛」既係特許經營店，以蛋餅、捲餅及吐司為主，北角店位處北角匯一期商場內，方便一眾嫌麻煩搵食嘅朋友。

延伸閱讀﹕中環街市清泉！活化後變食街連鎖店犀牛犀牛推新品鹽水雞捲餅／蛋餅／吐司

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

人人和平姊妹店！午市無加一、套餐送甜品！北角Gotthard base西餐廳歎西冷扒／香煎比目魚／燒豬仔髀！