近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第九炮於找尋大埔尚存嘅本土餐廳。
大埔熟食中心系列
平記麵家
熟食中心通常無乜好食，大埔區內熟食中心就有3間推介食店，第一間係歷史悠久嘅蝦籽麵店平記麵家，豬油撈麵、大地魚湯、大量蝦籽，傳統味十足，只不過份量較少。
大埔煮廚
另一間係比較似茶記嘅大埔煮廚，食物選擇眾多，基本上同茶餐廳差唔多，早餐、午餐、常餐任揀，亦有西式意粉可擇。
滑嘟嘟
重有一間係甚受歡迎嘅甜品店滑嘟嘟，當中合桃糊、芝麻糊、客家糍粑都係值得一試嘅傳統中式甜品。
大埔廣場系列
八鯨料理
而大埔廣場亦係另一個可以搵食嘅地方，靠近市中心，其中有3間食店可以選擇，包括以日式料理為主打嘅八鯨料理，價錢相宜，多數套餐$100有交易。
多多車仔麵
旁邊寫明以車仔麵為主嘅多多車仔麵，最大特色同驚喜嘅唔係車仔麵，而係同車仔麵毫無關係嘅炸豬扒，表面金黃而香脆可口，內裏軟嫩鬆化，絕對不得不試。
暢和號
向前走多幾個舖位，會見到另一間以泰式海南雞飯為主嘅暢和號，雞肉去骨，入口啖啖肉，價錢亦好相宜，例牌低至$38。
寶湖商場系列
V.W Vegan Cafe
第三個大埔區內嘅搵食寶地係寶湖商場，同樣有3間食店可擇，第一間係V.W Vegan Cafe，如果朋友中有素食人士，Gathering時就可以帶對方到呢間素食Cafe，全為純素料理，但呢啲Cafe價錢就可能會比較高。
暢和麵家
單憑蝦籽都大受歡迎嘅暢和麵家，由舊店和暢到新店暢和，店內客人依舊流轉度高，簡單一碗雲吞蝦籽撈麵已值回票價。
refresh!
位處寶湖商場對面嘅refresh!，只係瑟縮於小巷一角，既有輕食，亦有茶飲，更有咖啡可擇，咖哩味濃郁。
大埔墟系列
德川手握壽司手卷專門店
曾經一度告急嘅德川手握壽司手卷專門店，除咗有平價手握壽司、日式料理，比較大驚喜嘅係同樣即叫即做嘅燒物，甚有水準。
牛一香港仔魚蛋粉專門店
而呢間魚蛋粉專門店，係距離新達廣場及大埔墟交通交匯處最近嘅一間食店，若然唔想走太遠，又想快速食完一餐，可以到此店解決。
榕基滷水專門店1992
講到人龍店，榕基滷水專門店1992絕對係數一數二，食飯時間基本上唔使旨意有堂食座位，其滷水鵝水準極高，醬汁濃郁，獅頭鵝啖啖香口惹味。
滿腹食堂
至於呢間街坊食堂，則隱藏於大埔文娛中心旁邊，以丼飯、壽司、手卷為主，飯量十足，的確可以令人滿腹。
良鮨壽司
如果想食高級少少嘅日式料理，不妨前往廣福道，找尋良鮨，單單午市定食都已經有高水準，值得一試。
老馮茶居
喜愛中式點心、飲茶嘅讀者，於大埔唔一定要去傳統茶樓嘅，好多新式茶居都可以飲啖茶、食個包，於港九新界各有分店嘅老馮茶居，大埔店亦走屋邨復古風格，雖然食物水準一般，但蒸飯質素就唔錯。
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！