香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年屯門區尚存嘅餐廳小店，即睇該區隱藏美食介紹！
屯門海邊啟豐商場
Fantasy Coffee
屯門碼頭海邊因電影《幻愛》而成為熱門打卡點，而碼頭附近有一個小型街坊商場，名為啟豐商場。該商場至今依然有幾間小食店，當中重有一間令人放空嘅咖啡店「Fantasy Coffee」！
美味屋
同樣位於屯門碼頭旁嘅啟豐商場，重有一間「美味屋」，相對於咖啡店，只以港式小食及飯盒為主，價格親民，等同該區居民日常用餐嘅小店。
Gogo Mall
章魚燒大師
鄰近屯門區知名「巴倫紐」嘅「Gogo Mall」，上層有一個美食廣場，當中原先有3間小店可以選擇，而目前只係淨返2間﹐其中一間係「章魚燒大師」，主打日式小食，例如章魚燒、大阪燒等。
阿土伯鹽水雞
另一間位於「Gogo Mall」嘅小食店係「阿土伯鹽水雞」，該店於其他地區都有分店，例如係荃灣、觀塘、旺角、葵芳等，相信大家都好熟悉。
日本菜
留民料理
想於屯門區找尋一間得體嘅日本菜餐廳撐檯腳嗎？距離市區有一小段距離嘅「留民料理」亦係一個好選擇，該店最大特色係BB乳鴿，調味與香烤程度都絕對比酒樓優勝。
有料案內所
一望「有料案內所」招牌，自然得知其以日本料理為主打，皆因日本東京新宿歌舞歧町就經常見到街頭出現「無料案內所」。店內外和風味濃，入面重有大大隻「歌舞伎町一番街」，而菜式原來只係簡單提供日式小食，不過不失。
芝味屋
另一間與屯門市中心有一段距離嘅係「芝味屋」，原店位於藍田，新蒲崗亦有分店，其後再開到屯門，3間都以芝士為主要原材料，各位芝士迷絕對不能錯過！
牛繁一人燒肉
而「牛繁一人燒肉」其實並非只有旺角分店，屯門都有分店，菜式與價錢基本一樣，店舖位於屯門市廣場內，亦即係Aeon嗰邊商場地牢處。
加藤屋Katoya
本土牛肉飯專門店「加藤屋」一間又一間分店宣佈結業，單單2024年，繼荃灣店結業後，連太子店及深水埗店亦相繼宣佈結業。目前，其實全港只係淨返屯門一間分店依然營業，但估計只係由於租期不一，所以先至未全線結業。
Cafe
Beans
與「牧羊少年咖啡店」一樣，「Beans」都係一間比較穩定嘅本土咖啡店，而且係能夠成為連鎖式嘅咖啡店，不過價錢就相對小型咖啡店比較高少少。
台灣菜
木玥巷
另一間位於屯門紅橋一帶嘅係「木玥巷」，以台灣牛肉麵為主打，現時已經由屯門開到元朗，該店係由前半島大廚主理，故水準可見一斑。
那個ㄋㄚˋ ㄍㄜ˙
而「那個」係一間台式便當堂食店，於北角、大角嘴等地區都有分店，最近於大埔都有新店。而屯門店位置則靠近麥理浩徑終點，行完山醫吓肚就夠晒方便！
小黑糖
「小黑糖」係一間全港剩下4間分店嘅台式珍珠奶茶手搖飲品店，店內茶飲固然係以黑糖為主，所以甜度可能較高，建議每杯都點選少甜。
延伸閱讀﹕尖沙嘴台式黑糖珍珠厚鮮奶 嗌少甜啱啱好
茶星人
至於「茶星人」，亦係另一間連鎖式台灣手搖飲品店，全港分店較「小黑糖」多，不過水平上就較為低。屯門店位置係御海灣一帶，近屯門泳池。
大雞大超級雞排
同樣係台式美食嘅「大雞大超級雞排」，單憑炸雞一度受到唔少學生哥歡迎，而編輯就覺得鹵雞比炸雞更惹味。現時，該店只剩低屯門及天水圍店，屯門店分別位於屯門市廣場及愛定商場內。
迷客夏
至於「迷客夏」，亦係一間台式茶飲店，好多茶飲店以茶為主，但該店就同英文名「Milksha」一樣，由始至終都係以奶為主，最出色同最受歡迎嘅都係鮮奶系列。
清玉
而「清玉」就係比較上簡單嘅台式茶飲店，但目前全港只係淨返唔到10間分店。該店茶飲比較清純，印象最深係檸檬味嘅茶飲，清爽消暑。
中式
順酸辣粉
屯門區雖然無「兩姊妹涼皮有限公司」等酸辣粉專門店，但都有一間「順酸辣粉」，該店嘅酸辣粉口味獨特，原來湯底係來自豬骨湯，難怪入口並非只有辛辣味，更有一種鮮甜味。
齊記美食
而「齊記美食」係於屯門起家，來自於知名嘅「齊柏林熱狗店」，目前分店遍佈屯門及元朗，飯盒價格親民，係香港人經濟實惠嘅選擇。
很得輝
好多人想食炸雞髀時，都未必諗到邊間可以食，其中「很得輝」就係值得推介嘅炸髀專門店。元祖店位於屯門，後來開到大角嘴，該店炸雞髀最大特色並非以麵包槺脆炸，反而係有大概8種調味粉任君選擇，客人可以自選調味，鍾意落晒8種都得！
齊柏林熱狗店
與兩餸飯店「齊記美食」屬姊妹店嘅「齊柏林熱狗店」，分店眾多，都算係本土小店中較少能擁有海量分店嘅一間。不過，其實該店只係特許經營模式。
金銘潮州粉麵
至於「金銘潮州粉麵」，以潮州粉麵為主，身處屯門區時，想食魚蛋粉或牛腩麵，都可以有所選擇。屯門店位置與市中心有一小段距離，座落井財街一帶。
阿玉豆腐花
「阿玉豆腐花」目前全港其實只有4間分店，而屯門店與市中心其實都有一段距離，位置大概係置樂花園一帶，店內價格與其他分店相近。
光榮冰室
至於「光榮冰室」，更加係香港人好熟悉嘅港式茶餐廳，雖然水準平平，但價格低廉，屯門店係2024年3月先至新開業，位置靠近屯門新墟街市。
新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃
黃埔玻璃屋隱藏飽肚咖啡店！$150真日式套餐份量﹕鰻魚飯／蕎麥麵／前菜／咖啡｜& green
【#黃埔玻璃屋】平常想拍拖兩個人喺香港搵間Cafe，食飽後再坐吓唔容易，一係份量唔夠飽肚，一係人流客量眾多導致限時用餐，有時候難免用外地咖啡店比較。不過，香港其實一樣可以搵到能夠飽肚又可以慢慢坐嘅咖啡店，就好似近紅磡、黃埔嘅「& Green」，同其他咖啡店價格相近，但份量就正常好多！
松屋8月終登港！總公司直營插旗佐敦還原牛肉飯 實試3點與日本分店有別！
【#香港松屋】等候多時，香港區「松屋」千呼萬喚始出來！由日本總公司直營嘅「松屋（Matsuya）」於8月中正式登陸香港，並選址佐敦區，對視日本為鄉下嘅香港人絕對係恩物，就算情侶拍拖兩個人唔係成日可以飛去日本，都可以食到日本版嘅燒牛丼啦！即刻睇吓E.A.Two實試「松屋」香港店，雖然大致上係還原日本「松屋」，但原來都有3點係同日本分店有分別呢！
火炭玻璃屋咖啡店外望園景 橙皮咖啡來自大埔？印式pizza／意粉有新意
【#火炭玻璃屋】以往去旅行，台灣、泰國都有唔少玻璃屋咖啡店，吸引唔少情侶拍拖兩個人去打卡，香港則少之又少。於Google Map內，火炭區竟然有一間寫住「玻璃屋」咖啡店，即管去試一試！
土瓜灣僅存親民泰北菜加添創意 來泰巷招牌咖喱麵／冬蔭功／泰式燒肉
【#高水準泰國菜】土瓜灣雖然已進行重建，唔少小店都被逼結束營業，但該區依然有小店尚存，其中有間泰國菜小店，水準不俗，不妨拍拖兩個人去試一試！
全港10間精選《米芝蓮指南》必比登推介2024！蝦籽撈麵／古法瀨粉／鹽酥雞／肉骨茶
【#米芝蓮小店】《米芝蓮指南》係唔少人嘅美食地圖之一，整份指南云云有好多間食肆，但E.A.Two精選嘅只係得10間，都係值得拍拖兩個人支持嘅香港小店。不過有一間於攞完2024年米芝蓮之後，就已經宣佈結業，即刻睇重有邊9間小店，mark實地址去醫吓肚啦！
【新年好去處2024】香港ifc商場網紗繁花盛開 小咭印出趣味花朵
【#繁花設計】中環IFC商場不時有期間限定展覽，今個新春就以繁花及香氣為主題，感覺簡單直接，拍拖兩個人更可用2024年小咭收集5個年花圖案，寫上隻言片語及祝福語句。
【新年好去處2024】荃灣廣場戶外設海量熊貓 極似外賣平台宣傳廣告？
【#熊貓主題】今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！
【新年好去處2024】金鐘太古廣場新年紅色花卉小屋連桃花樹打卡 設計精簡時尚符合中區風格
【#紅色小屋】金鐘太古廣場係中區重要地標之一，充滿時尚魅力，今次新年展覽僅以紅色小屋為主，加上桃花樹裝飾，設計簡潔，卻帶有時尚感，符合該區風格，足以吸引唔少人拍拖兩個人打卡。
【新年好去處2024】荃灣如心廣場又係貓咪主題？ 新年本地插畫金魚貓Kiyo迎Meow接福
【#迎貓接福】荃灣如心廣場向來係該區重要商場地標之一，今年與其他商場展覽如出一轍，新春展覽都係以貓咪為主題，實行吸引拍拖兩個人迎Meow接福。你話變成《飯戲攻心》明禎呢個阿Meow就話特別姐，點解個個商場都用貓做主題，設計真係咁無新意？
【新年好去處2024】灣仔利東街紅噹噹燈籠／金魚高掛現燈海 金龍賀歲似醒獅表演
【#紅噹噹賀歲】2024年嘅農曆新年與2.14情人節基本重疊，拍拖兩個人過完年初一二三，馬上就到情人節，故此今年新年展覽裝飾同時有新年氣氛及情人節特色。灣仔利東街雖然大概只係得紅噹噹燈籠高高懸掛，以及金龍裝飾，但同時有新年及情人節活動。
尖沙嘴鬧市香檳大廈上年底強拍 十室九空僅餘星座冰室＋賓館＋少數相機店
【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？
