全港10間精選《米芝蓮指南》必比登推介2024！蝦籽撈麵／古法瀨粉／鹽酥雞／肉骨茶

《米芝蓮指南》係唔少人嘅美食地圖之一，整份指南云云有好多間食肆，但E.A.Two精選嘅只係得10間，都係值得拍拖兩個人支持嘅香港小店。不過有一間於攞完2024年米芝蓮之後，就已經宣佈結業，即刻睇重有邊9間小店，mark實地址去醫吓肚啦！

米芝蓮必比登推介2024（1）﹕阿元來了（西環）

於2021年至2024年連續4年均榮獲《米芝蓮指南》必比登星級推介嘅「阿元來了」西環店，至今依然保持水準，主打台灣夜市風味小吃，例如係魯肉飯、鹽酥雞、排骨麵等等。

延伸閱讀﹕西環米芝蓮級人龍店！台灣人帶台灣菜來港台北夜市風味肉焿／鹽酥雞／滷肉飯／排骨麵零挑剔！

米芝蓮必比登推介2024（2）﹕古月（北角）

而多年來依舊位處北角巷弄之間嘅「古月」，主打係新加坡肉骨茶，胡椒味較重，同馬來西亞肉骨茶唔一樣。早於2016至2017已經打入《米芝蓮指南》必比登推介，直到2019至2024，已經連續6年入圍，連同先前2年，合共有8年星級推介年資，絕對係一股不容忽視嘅勢力！

延伸閱讀﹕港島7良心店入選《米芝蓮指南2021》必比登推介北角突襲封區內摘星餐廳實試正宗新加坡肉骨茶

米芝蓮必比登推介2024（3）﹕坤記煲仔小菜（皇后大道西）

至於皇后大道西店嘅「坤記煲仔小菜」，於2019至2024連續6年獲選為《米芝蓮指南》必比登推介，呢間E.A.Two尚未嘗試，未能作出評價。不過，「坤記」主打嘅係中式小菜，例如係椒鹽九肚魚、椒鹽鮮魷、白鱔滑雞煲仔飯等等。

延伸閱讀﹕【區區有小店2024】中環16間尚存本土餐廳推介！罕見俄烏菜／巷弄Pho／台菜日食｜中環美食推薦2024

米芝蓮必比登推介2024（4）﹕德記潮州菜館（西環）

只一間於2019年至2024年連續6年獲得《米芝蓮指南》必比登推介嘅餐廳係「德記潮州菜館」西環店，同樣係E.A.Two尚未前往嘅餐廳。不過，該店係主打潮州菜，除咗馳名蠔仔餅，重有胡椒豬肚湯、糖醋伊麵滷水鵝肉片、蠔仔肉碎粥等潮式小菜可以選擇。

延伸閱讀﹕【區區有小店2024】西環16間尚存本土餐廳推介！尼泊爾餃子／豬扒米線／米芝蓮鹽酥雞｜西環美食推薦2024

米芝蓮必比登推介2024（5）﹕吃什麼（中環）

而來自中環蘭桂坊一帶嘅「吃什麼」，亦係於2019至2024連續6年獲列為《米芝蓮指南》必比登推介香港餐廳之一。該店主打係地道台灣菜，不過喺獲選之後，卻於幾個月後宣佈結束營業。

延伸閱讀﹕每日被問吃什麼？本地米芝蓮級台灣菜正對中環大館

米芝蓮必比登推介2024（6）﹕劉森記麵家 (福榮街)

香港有唔少歷史悠久嘅小店，其中「劉森記麵家」就係不得不提嘅選擇，該店於桂林街、福榮街皆有分店，分佈呈「L」形。而福榮街店更獲選為《米芝蓮指南》必比登推介之作，唔單止早於2015至2016入選，後來更於2019至2024連續6年被列入《米芝蓮》選擇。至今該店星級年資有足足8年經驗，依然係主打海量蝦籽嘅蝦籽撈麵及雲吞！