香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年觀塘區尚存嘅餐廳小店，即睇該區隱藏美食介紹！
素食
一素食譜
觀塘東廣場有多間小店可以選擇，稍後會有詳盡介紹，而一個東廣場內，已有兩間素食店，其中一間係「一素食譜」，以素食車仔麵為主，價格相宜，而且已經屹立多年。
嚐綠
另一間同樣位於觀塘東廣場內嘅係「嚐綠」，該店亦以素食為主打，但就唔係素食車仔麵，反而係素食飯盒，該店並無堂座位，只有外賣供應。
日本菜
瀛食家
原名「職人食事」嘅「瀛食家」，雖然其他區分店都係沿用舊名，但觀塘店就已經易名，但該店同樣以日式丼飯、壽司為主。
想爺爺了
觀塘區內咖啡店眾多，但以茶為主題嘅小店就比較少，唔計台式茶飲，區內有一個隱藏茶室「想爺爺了」，該店以日式茶室設計，客人可以坐於榻榻米上歎茶。
慢煮屋
位於觀塘工業區一帶嘅「慢煮屋」，店內以慢煮料理為主，風格上都係偏向日本菜丼飯模式，肉類以慢煮處理，故肉質特別軟腍及入味。
延伸閱讀﹕觀塘工廈搵食！穿梭駱駝漆大廈尋慢煮料理？
鰹烏冬
而「鰹烏冬」雖然只貌似一間小店，但其實本地有多間分店，觀塘店就位於工廠區一帶範圍內，價格適中，而出品有一定保證。
重光弁当
至於「重光弁当」，則以日式便當飯盒為主打，最特別之處係多年來一直堅持採用日本食材，便當亦精緻有特色，加上價格相宜，係附近打工仔嘅小確幸。
台灣菜
日月堂
而主打台灣菜嘅「日月堂」，屬持牌工廠食堂之一，該店位於較隱蔽嘅工廠大廈內。該店雖然未有獲得《米芝蓮指南》星級推介，但水準可見一斑。
哈豆
位於工業區一帶範圍內嘅「哈豆」，屹立多年，一直以台灣菜為主打，份量適中，口味頗有台灣風味，加上價格相宜，值得一試。
延伸閱讀﹕抗疫小店隱藏觀塘工廈 炮製超正宗台灣菜
龍鳳號
位於觀塘一幢商廈範圍內嘅「龍鳳號」，亦以台灣菜為主打，無論係滷肉飯定炸雞腿，都啖啖有台灣夜市風味，味道不俗。
一起食堂
雖然「一起食堂」每間分店都猶如日式食堂，但其實該店係售賣台灣菜式，只不過係採用日式食法，簡單嚟講就係台菜日食。
阿元來了
如果要講最為人熟悉嘅觀塘台灣菜餐廳，相信「阿元來了」必入三甲。該店以台式美食為主，而西環分店更獲得《米芝蓮指南》星級推介，令其他分店都獲利。
ET鹽水雞
至於「台灣ET鹽水雞」則為大眾認知嘅鹽水雞小食專門店，店舖僅提供外賣選擇，價格低廉，受到唔少學生哥及打工仔歡迎。
花斑茶社
至於「花斑茶社」，早已於香港屹立多年，為一間台式茶飲專門店，近年最為人熟悉應該係變成明星應援店，故此該店客源相當充足。
延伸閱讀﹕新蒲崗茶飲本土味濃 厚鮮奶配抺茶勁甘香
犀牛犀牛
而「犀牛犀牛」亦係一間特許經營店，該店於多區都有分店，梗有一間喺左近，該店以台式小食如蛋餅、捲餅、吐司等為主，水準穩定。
港式
珠記冰室
而「珠記冰室」原先有多間分店，但將軍澳店隨住日日食美食廣場結業後，已經消失。而觀塘店位於工廠區一帶，價格依然低廉，方便一眾於工廈區返工嘅朋友。
滾餃
而「滾餃」則同樣位於工廠區範圍內，該店顧名思議以餃子為主打，包括湯餃及煎餃，亦特別配有一款家常湯水蕃茄薯仔湯，編輯覺得比「甜記餃子」出色。
鳳鳴石磨腸粉
而「鳳鳴石磨腸粉」則為特許經營店之一，該店以石磨腸粉聞名，觀塘店就位於觀塘廣場範圍內，與APM商場距離不遠，而且交通便捷。
黃金冰室
至於「黃金冰室」，亦為連鎖港式茶餐廳，多區都有分店，菜式價格同水平都屬茶記風格，不過不失，反正茶餐廳重點就係快靚正，觀塘店位置近成業街。
迷客夏
而「迷客夏」亦係一間連鎖店，係台式手搖飲品專門店，但該店並非以茶為主題，反而係以鮮奶系列為主，連英文名都叫「Milksha」。
中式
豪隍點心工房
「豪隍點心工房」係觀塘區內一間點心專門店，價格適中，由以往樓上舖已經搬到地面，目前為地舖模式，比以前更為方便。
西式
The Cool Cousins Cafe & Noodle Bar
「The Cool Cousins Cafe & Noodle Bar」位於觀塘工業區一帶範圍，店內菜式帶有fusion風格，西式、泰式混合，而菜式亦甚有驚喜。
Call me chef
同樣位於工業區一帶範圍嘅「Call me chef」，原先係以蛋糕為主打，現時則為一間典型咖啡店，以cafe模式經營，該店同時有各式意粉等主食可以選擇。
Cafe
sensory ZERO
最後「sensory ZERO」亦係一間知名咖啡店，該店為連鎖式cafe，店內既有咖啡，亦有主食及輕食，雖然間間分店都係地方偌大，座位舒適，但價格上就較其他連鎖咖啡店高。
西環超平價街坊舊式麵包舖！40年歷史生命物麵包西餅隱藏人氣鮮奶蛋撻！
【#人氣鮮奶撻】香港傳統地道麵包舖已經買少見少，想要拍拖兩個人搵間值得支持嘅麵包店比較困難，因為街道上真係已經唔多。今次E.A.Two於西環石塘嘴見到一間街坊舊式麵包店，最意外嘅竟然唔係麵包，而係一款人氣十足嘅鮮奶蛋撻！
最驚喜竟然係呢樣？西環邨旁海鮮角落午市有蒸籠飯！二人餐有6款海鮮﹕龍蝦／星班扒／蟶子／扇貝／虎蝦／墨魚
【#海鮮小店】西環有唔少咖啡店可以選擇，但主食其實都有好多，不妨拍拖兩個人逐間去試吓。今次E.A.Two就前往隱身西環邨附近嘅海鮮店，該店連藝人黃秋生都曾經推薦過。午餐都係100蚊有找，以中式海鮮飯為主打，夜晚可以試吓二人餐，但就要500蚊左右。
西貢人氣乳酪雪糕小滿定律隨時要排隊、店員做到無笑容？杯裝筒裝toppings任揀、九龍港島已開設分店！
【#人氣雪糕】出色嘅食肆，自然可以吸引食客拍拖兩個人慕名而至；但有啲食肆就似漆黑中螢火蟲，鮮明而出眾，吸引到一大群外區人湧入一試，通常一間食肆成為人氣店之後，就會有所變化。西貢有間超人氣希臘乳酪雪糕店，既受本地人喜愛，中西遊客都前往，門口更寫明不時要排隊。或者係因為人流過多，當日見到店內嘅店員已經做到無晒笑容，就只係好似機械式地繼續裝雪糕。
西貢白鬚旗艦店海邊重開、舊址仍缺接租客！印尼牛丸粉／雞湯／牛骨湯／串燒保持水準！
【#舊店重開】以印尼牛丸粉於西貢打響名堂嘅「白鬚旗艦店」，上年中旬宣佈結業，原因係不獲續約。不過，該店於幾個月內已另覓新舖，拍拖兩個人可以再去食啦！目前該店選址西貢一間酒店地舖，位置靠近海旁，E.A.Two再度前往，難得依然保持水準！
灣仔集成中心平民午餐！美蓮餐室盒盒中低價飯盒啱晒打工仔！
【#平價飯盒】中西區餐廳向來價格都係比較高，想要拍拖兩個人找尋價格相宜嘅地方用餐，其實不難。E.A.Two曾經前往灣仔集成中心，當日曾經有間好IG-able嘅水果千層酥，但已經搬到荃灣區。目前同一個舖位已經變成另一間小店，該店以平民午餐為主打，係該區價格較低嘅飯盒，啱晒打工仔！
《米芝蓮》級點心粵菜逸東軒隱身九龍平價酒店！香港逸東酒店豈止普慶餐廳？逸東軒儀式感極重適宜情侶紀念日！
【#米芝蓮點心】九龍區值得支持嘅小店唔多，「香港逸東酒店」就係少有嘅香港人酒店，E.A.Two曾經多次前往該酒店嘅「普慶餐廳」食自助餐，今次終於前往該酒店另一間餐廳。該店既係知名《米芝蓮》餐廳，亦係一間主打中式粵菜點心嘅食肆，儀式感極重，適宜拍拖兩個人慶祝情侶紀念日或生日！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。