香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅茶餐廳，適合拍拖兩個人前往，即刻睇睇菜式推介之茶記選擇！
港島
半島冰室
講到人氣店，港島區炮台山「半島冰室」應該係數一數二，每一日大多數鐘數都會見到門口有人大排長龍，而室內亦需要搭檯，當中有招牌菠蘿包，以及多款茶記精選套餐。
黃金冰室
距離「半島冰室」不遠嘅「黃金冰室」，中間隔咗一個油街實現，相對於前者，後者係比較普通嘅街坊茶餐廳，價格相宜，都算係糧尾之選。
快樂茶檔
香港仔有唔少餐廳，以前茶記類別中有「果然冰室」，現時就只有「快樂茶檔」，當中下午茶幾抵食，菜式都係西多、炸髀等為主，屬街角中嘅街坊茶餐廳。
日常小館
小西灣一帶餐廳極少，該區居民搵食艱難，而鄰近海濱公園嘅「日常小館」就係區小確幸，有如街坊茶餐廳模式，而菜單就偏向西式為主。
延伸閱讀﹕小西灣食店清泉 軟滑蛋包飯暗藏芝士拉絲
峰G館
筲箕灣東大街餐廳眾多，但值得推介嘅餐廳唔多，其中位置為東大街最盡頭嘅「蜂G館」，一度因為沙嗲而受到沙嗲關注組關注，其實小店只係一間街坊茶餐廳，但性價比上都算可以encore。
小麥廚房
西灣河有一間街坊小廚，名為「小麥廚房」，為區內一間街坊茶記，包括各款小炒系列，套餐更包括足料例湯，而價錢相宜，故大多數都係街坊打扮嘅客人。
東橋餐廳
以日式餐廳設計嘅「東橋餐廳」，門面令人意會到售賣日式美食，例如丼飯等，但實際上店內賣嘅只係仿日式嘅港式美食，例如係便當類別。
九龍
澳洲牛奶公司
提到最為人熟悉嘅港式茶餐廳「澳洲牛奶公司」絕對係排行榜首，多年前澳牛以服務態度冷漠見稱，飲品最尾先上檯，而侍應從來都唔會漏單。澳牛最大優點炒滑蛋，大多數人都為炒滑蛋而設，編輯親眼見過搭檯國內情侶特別點選滑蛋多士、雙皮奶，不過女士只食炒蛋，唔食多士，有錢真係特別任性。以前食澳牛，就為咗港式服務態度；而家食澳牛，縱然餐牌依然有舊式選項，例如滾水蛋，但侍應不單會講「唔好意思」，最後竟然講「多謝」？不禁懷疑，自已係咪入錯餐廳。
大渣哥茶記
至於講到水準起伏最大嘅茶餐廳，必選「大渣哥茶記」。曾經走入「大渣哥」，服務、水準都係可以接受，而最近走入「大渣哥」，無論服務定水準都大打折扣，簡單蔥油豬扒飯或鮮茄焗飯，都可以難食到喊，而價錢竟然收取貴過cafe價！
肥仔銘茶餐廳
最大隱隱於市嘅茶餐廳，編輯私心推薦「肥仔銘茶餐廳」！唔知由幾時開始，該茶記變為人氣茶記，大概係因為店內獨特嘅熱香餅。不過據街坊認證，最大隱藏menu係乾炒牛河底嘅粒粒通粉！
濃姐茶餐廳
同樣位於新蒲崗嘅「濃姐茶餐廳」，亦係一間街坊茶記，以碟頭飯為主，價格相宜，而份量充足，絕對可以飽肚，有家庭式餐單感覺。
三和茶餐廳
樂富區內食肆選擇極少，基本上只有2間小店可擇，其中一間係小食店，而另一間就係茶記，餐牌中選擇都係茶餐廳款式，不過當中砵仔蒸飯又幾有驚喜。
永發茶餐廳
位於油麻地廣東道嘅「永發茶餐廳」，幾個月前曾經因為一套戲而變成排隊店，門口及室內佈滿一眾女士。而電影熱潮過後，雖然店內仍舊有好多明星應援相片及海報，但室內就變返大叔陣型，舊式茶餐廳始終係比較吸引大叔客人。
合發茶餐廳
同樣位於廣東道嘅「合發茶餐廳」，雖然門面簇新，望落似新式茶餐廳，但實際上歷史比「永發茶餐廳」更耐，只不過剛剛裝修過，變得更乾淨企理。
一冰廳
另一間香港為人熟悉嘅茶餐廳應該係「一冰廳」，小店有多間分店，菜式上以炒滑蛋聞名，而忌廉粟米湯更加係足料，湯底濃稠，鮮甜味十足。
香港人冰室
講到明係「香港人冰室」嘅茶餐廳，並非傳統茶記，反而係偏向新式，而選擇都係碟頭飯居多，下午茶選擇就比較吸引。不過，小店等候時間較長，可能要預鬆時間。
煲仔榮記／榮記茶餐廳
慈雲山嘅「榮記茶餐廳」以煲仔飯聞名，受到唔少港人關注，早前就於旺角鬧市開設分店「煲仔榮記」，同樣提供煲仔飯，只係由街坊茶記，變成鬧市中嘅打卡餐廳。
一日三餐
位於女人街嘅「一日三餐」，亦係旺角鬧市中嘅平價選擇，小店係一間人氣食肆，唔少年輕人都會入座，店內大多數都係茶記菜底，當中焗飯係比較吸引嘅選擇，而最特別之處係將港式杏仁茶變為賞花杏仁露。
永星冰室
鄰近油麻地果欄嘅「永星冰室」，並非舊式傳統冰室，有種反傳統感覺，係一種新式冰室，店內以西式意粉等為主，但模式就似港式車仔麵，可以隨意配搭意粉底、主菜及配料。
新界
光榮冰室
以香港茶餐廳嚟計，最為人熟悉嘅其中一間必定係「光榮冰室」，唔少人提到小店只會諗起「光榮冰室」呢種熱門食店。的確，小店價格相宜，係街坊容易負擔嘅餐廳，只不過餐廳菜式水準真係有待改善。
延伸閱讀﹕光榮冰室 炸雞髀黃到金
牛牛
西貢小巴站旁邊食街有多間食肆，其中一間係以沙嗲牛肉麵為主打嘅「牛牛」，醬汁濃郁，牛肉嫩滑，而編輯特別私心推薦嘅係脆麵，入口脆卜卜，配搭沙嗲牛香口惹味。
金豚亭
另一間同樣位於西貢食街內嘅係「金豚亭」，亦係一間港式茶記，開店時間較早，如果走入西貢而其他食店未開，不妨碰碰運氣，睇吓呢間有無開啦。
老爹茶居
近馬鞍山新港城中心嘅「老爹茶居」，係一間街坊茶餐廳，食物水準基本上唔可以要求太多，只係價錢上比較平，或者都係馬鞍山區內比較少見嘅小店。
富園冰室
如果居住位置近恆安邨、天字海、海典灣、嘉華星濤灣等，應該會對海旁附近嘅「We Go Mall」唔陌生，馬鞍山海旁一帶小店極罕見，「富園冰室」就係商場內唯一嘅小店，但就只係一間普通街坊茶餐廳。
大埔煮廚
大埔熟食中心內，只有3間推薦小店，其中一間係「大埔煮廚」，菜式選擇以港式為主，同茶餐廳無太大分別，同樣有早午餐可供選擇。
食樂
葵芳廣場週邊嘅「食樂」，原先只係一間外賣店，現時已經搬到新店，提供堂食，舖位前身為金鍋燒，而小店主要提供港式菜式或碟頭飯，模式似日式便當。
泗益
赤柱市中心內，小店數目唔多，大多數係連鎖店，靠近市政大廈嘅「泗益」既係人氣店，亦係一間超過50年嘅老牌食肆，為懷舊港式茶檔，人氣之選係咖央西多、碎牛菠蘿包，充滿舊式茶檔風味。
麥生記冰室
至於位於梅窩嘅「麥生記冰室」，亦係另一間打卡茶餐廳，事緣小店推出咗一款港女下午茶，將港式小食擺放於下午茶三層架上，一度吸引少女洶湧而至，瞬間變成打卡冰室。不過，編輯反而覺得出色嘅地方係牛腩麵。
離島
到此一遊
前往長洲嘅時候，倘若時間尚早，會發現好多餐廳都未開門，而其中一間「到此一遊」嘅茶餐廳營業時間較早，太早到不妨睇吓有無開門啦。
延伸閱讀﹕長洲小店到此一遊 到底係台式定港式？
新寶馬茶餐廳小廚
因為雪糕菠蘿包而成為人氣打卡店嘅坪洲小店「新寶馬茶餐廳小廚」，又豈止一款小食呢？編輯覺得茶餐廳最應該試嘅係鑊氣，所以炒飯反而試得出廚師功架，而黑牛、白牛呢啲更加係懷舊飲品，舊式茶記先會見到。
西環蛇竇茶記創意咕嚕拔絲豬扒包！早午晚下午茶時間真「蛇王」無限時任坐！
【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。
美孚全新五目食堂街坊價日式定食餐CP值高！甜品森林姊妹店、Cafe 82舊店重開！
【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！
上環半山樓梯街轉角黃色頭盔公仔壁畫已失蹤！輝煌快餐店平價港式碟頭飯！醫學博物館咫尺可達！
【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。
灣仔《米芝蓮》中菜原汁原味、主打無味精菜式！原籠蒸飯／鴨腿湯飯／菠蘿咕嚕肉、$8碗中式糖水
【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。
坪洲轉角咖啡店出色Affogato／椰子咖啡！Island Table Grocer Cafe 距碼頭僅130米、餐牌設飽肚菜式
【#坪洲咖啡店】坪洲係一個香港小島，地方細到想拍拖兩個人搵多幾間小店都唔容易，因為本身餐廳都係比較少。E.A.Two就曾經去過當中一間茶餐廳，今次就去另一間咖啡店，希望佢依然係一間小店啦。
西九文化區海濱長廊海景咖啡店Cupping Room分店眾多！椰香抹茶／香料咖啡、特設寵物美食／冠軍精品咖啡？
【#海景咖啡店】海景Cafe向來就係一個流量密碼，唔少人都鍾意拍拖兩個人前往能夠望海嘅咖啡店，景觀多數都係令人放鬆，而鍾意打卡嘅朋友更加會鍾意打卡呢一類型嘅咖啡廳。而E.A.Two就發現目前嘅西九文化區一間都無食過，所以至少去補返一間先，今次呢間咖啡店於香港有多間分店，唔單止有冠軍精品咖啡，戶外座位亦係寵物友善嘅空間，入面更特設寵物美食。
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！
實試百年法定古蹟導賞團、螺旋形樓梯登小平台！些利街清真寺毗連中環半山扶手電梯！假日開放、打卡搶眼薄荷綠色！深入了解穆斯林與天主教分別！
【#隱藏平台】香港有唔少教堂都好靚，但大多數都係來自於天主教、基督教，來自於伊斯蘭教嘅清真寺就相當稀少，九龍、港島分別僅有1間，皆位處該區繁華地帶。E.A.Two曾經前往港島區清真寺，被薄荷綠色建築同獨特裝修設計吸引，未有深入了解，今次就嘗試參觀導賞團，了解香港殖民時代嘅穆斯林歷史文化，更有機會破例登上旋轉樓梯上嘅大平台，真歷史建築值得拍拖兩個人逛逛！
九龍西廢棄炮台隱藏尖沙嘴九龍公園！改建歷奇樂園遊樂場變小型城堡／瞭望台
【#神秘炮台】講到香港景點，身為香港人已經去到無意欲再提；所謂情侶拍拖兩個人嘅香港好去處，已經被網絡平台講到「爛」。個「爛」係歧義，一係指講得太多，令景點變成係人都知，唔再新奇有趣；二都係講得太多，但就引咗太多人去，令景點真係變得殘舊。「九龍公園」都算係講到「爛」嘅知名香港景點之一，最近更有博物館展出全新嘅「恐龍化石」，推動「恐龍經濟」！而事實上，公園內重有一個真真正正隱藏嘅歷史痕跡，只不過炮台堡壘一早變成遊樂場！
驚見全港最神秘郵筒！青山醫院參觀精神健康體驗館設5大展區 即睇報名方法體驗精神病患者情況
【#了解精神病】青山醫院向來都係重門深鎖，外人一般係嚴禁進入，而偏偏有個全港最獨特嘅英式郵筒就位於醫院範圍內，真係神秘得難以找尋！近月，青山醫院內就開放一個精神健康體驗館，不妨拍拖兩個人去了解吓精神病患者嘅實況。原來亦只可以從後門進入。不過，E.A.Two編輯入正門問路，赫然發現呢個最神秘嘅郵筒竟然活現眼前！