【區區有小店】菜式篇！新界尚存Cafe 24本土推介咖啡店｜香港Cafe推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅Cafe ，適合拍拖兩個人前往，即刻睇睇菜式推介之新界Cafe選擇！

吔嘢事務所

原先位於灣仔集成中心嘅「吔嘢事務所」，現時已經搬到荃灣，小店用色搶眼，幾打卡able。店內既有主食，亦有甜品，最特別嘅地方係法式千層酥，有鹹有甜，水果款式更加鮮艷，千層酥亦非常酥脆，絕對睇得又食得！

延伸閱讀﹕灣仔集成中心商場角落吔嘢事務所水果千層酥顏色鮮艷打卡able

KOKO Coffee Roaster

南豐紗廠以往係文青打卡好去處，而現時則變成冷氣版愛狗樂園，極多香港虛榮心重嘅狗主會將狗隻帶到南豐紗廠散步同見人，等待途人大讚自己隻狗「好得意呀」，雖然官方寫明要拉狗帶，但有部份狗主卻無視指示，於室內放開狗帶，無視其他遊人。而南豐紗廠內有唔少美食店，其中咖啡店「KOKO Coffee Roaster」已經屹立多年，為本地出品嘅水沖咖啡店。

延伸閱讀﹕慢活歎Brunch 南豐紗廠小店撐本地品牌手沖咖啡

The 5B Private Corner

荃灣海旁一帶亦有幾間cafe，其中「The 5B Private Corner」亦係屹立多年嘅荃灣cafe，地方偌大，一端更可以望海景，環境舒適，係談心或傾偈嘅好地方。

延伸閱讀﹕荃灣工廈隱世Cafe 對海景食Tea勁梳乎

秘密花園1981咖啡店

荃灣市中心一帶亦有cafe可以選擇，位於荃灣大會堂劇院內嘅「秘密花園1981咖啡店」，就係一個市中心秘密花園，有時間可以入去歎返個下午茶。

延伸閱讀﹕荃灣清靜秘密花園大會堂劇院咖啡店歎下午茶

July Coffee & Co.

近年深井景點增加，多咗人去深井行山或打卡，但深井餐廳並唔多，基本上只有2至3間，其中一間係位於深井村內嘅「July Coffee & Co.」，菜式、咖啡選擇多為典型咖啡店出現嘅款式，例如All day breakfast。

延伸閱讀﹕深井村西式咖啡店只限7月？All Day Breakfast 配料自選罕見櫻花蝦炒蛋+熱香餅有新鮮感

Time Coffee

葵芳區以葵涌廣場係最為人熟悉嘅美食點，其實葵廣週邊都有好多好地方。以cafe為例，雖然有好幾間葵廣週邊嘅咖啡店已經結業，但現時仍然有cafe屹立至今，比如係以薄荷綠為主調嘅「Time Coffee」。

延伸閱讀﹕精品咖啡店Time Coffee進駐葵芳全新薄荷綠蚊型咖啡店角落小確幸

Fly B Coffee

離葵涌戲院lumen不遠嘅「Fly B Coffee」，係一間小型cafe，以街坊客為主，價格相宜，既有飽肚嘅意粉，亦有咖啡，兩個人埋單只需約150蚊左右，性價比不俗。

延伸閱讀﹕葵涌石籬小型街坊咖啡店Flying B Coffee 兩個人主食連咖啡$150埋單！

Cozy Cafe

另一間位於葵涌嘅「Cozy Cafe」，係典型嘅文青打卡cafe，小店以開放式設計，大窗口正對小街道，室內佈滿裝飾品，適合鍾意影吓相嘅朋友。

延伸閱讀﹕有心思兼有質素葵涌隱世文青小店

Ocio

「Ocio」為比較早期嘅甜品咖啡店，當年以蜜瓜雪山熱香餅為主打，吸引唔少人打卡，至今雖然有多間分店結業，但仍有少量分店尚存，比如係將軍澳東港城、鑽石山荷里活廣場、尖沙嘴海港城。

延伸閱讀﹕葵芳驚喜魷魚包飯歎埋甜品Souffle Pancake

Relax Coffee

位於葵興kcc商場地下嘅「Relax Coffee」，入口靠近工業區，地方唔大，只係簡單提供咖啡，都係一間工業區內嘅咖啡店，路過不妨買杯咖啡。

延伸閱讀﹕葵涌良心小店工業區驚喜咖啡

牧羊少年咖啡館

以平常最多人前往嘅咖啡店嚟講，「牧羊少年咖啡館」應該係佼佼者，cafe分店眾多，全港目前仍有8間分店可以選擇，遍佈港九新界，方便度應該係最高。

延伸閱讀﹕隱藏單車館內隱世Cafe夠晒Chill

Cohee Studio

位於錦田嘅「Cohee Studio」，係區內屹立得比較耐嘅咖啡店，亦係唯一一間以咖啡為主，只有少量輕食嘅cafe，係可以坐低歎吓咖啡嘅地方，不過週末人流就可能較多。

在 Instagram 查看這則帖子

https://eatwo.info（@e_a_two）分享的帖子

Muse Furniture Lab

講到最適合打卡嘅cafe，不得不提同樣位於錦田嘅「Muse Furniture Lab」！雖然店內食物、飲品水準都係一般，但環境就一流，咖啡店設計型格，更連有一個歐陸風小花園，入座恍如可以到一個地方影吓相，只係蚊蟲可能較多。

延伸閱讀﹕2021年人氣打卡店！元朗近郊復古傢俬舖重開型格咖啡店連歐陸風小花園歎自家製法式可麗餅/櫻花冰蜜桃梳打

HOLA

錦田一帶咖啡店數目不少，其中鄰近市中心嘅「天空之城」內，有一間名為「HOLA」嘅cafe，小店為另一間著名cafe「No Boundary」嘅姊妹店，菜式都係典型咖啡店嘅選擇。

延伸閱讀﹕錦田高埔村天空之城離市中心僅1公里 No Boundary姊妹店HOLA Chill住歎加料厚多士

Kachimushi

錦田cafe數目依舊眾多，唔少咖啡店依舊於錦田區一帶開業，其中原先位於西貢嘅「Kachimushi」，目前於錦田大街上開設分店，同樣以純白色嘅村屋咖啡店設計，菜式及咖啡選擇相近。

延伸閱讀﹕西貢純白村屋咖啡店小鍋年糕班戟啖啖煙韌最新消息﹕錦田有新店！

錦田匯動青年館countdown

錦田匯動青年館內有一間咖啡館「countdown」，提供咖啡、輕食，有室內外空間，最大特色同其他餐廳唔一樣，因為全部都係自由定價，而咖啡師亦係實習咖啡師。

延伸閱讀﹕全部自由定價！秒到日式鄉郊錦田市中心咖啡館秘點似世外桃源

Reactors Coffee

平常商場內不時見到一間間咖啡店，以極速鎖車嘅沙田第一城住宅旁邊，就有第一城商場，當中有一間咖啡店「Reactors Coffee」，只有少量輕食及咖啡可擇，需要等候嘅話可以到商場中庭嘅咖啡店一坐。

延伸閱讀﹕Fruity or Nutty? 沙田第一城商場內慢活咖啡店

Homeland

曾經有一段時間，香港好興打卡cafe，令咖啡店開到成行成市，無論食物定服務質素亦難以保證，其中原先於大角嘴、大埔都有分店嘅「Homeland」，目前只剩低大埔分店，呢間cafe嘅水準同服務質素都係令人失望。

延伸閱讀﹕【區區有小店】大角嘴Coffee Hopping！6間Café逐間闖入歎咖啡

Pattern

現時唔少以cafe為名嘅食店，亦有好多係家庭式為主，大埔近太和一帶有一間cafe名為「Pattern」，都係以西式意粉等為主，出品反而幾有驚喜。

延伸閱讀﹕大埔家庭式小店CP值高濃味墨魚汁意粉出色

小茶角

屯門碼頭係近年嘅拍拖情侶打卡位，而碼頭附近就有多間小店可以選擇，「小茶角」就係其一，位置正對海旁，當中有餡料豐富嘅牛角包，值得一試。

延伸閱讀﹕蝴蝶灣爆餡牛角包入口酥脆層層剝落超療癒

Fantasy Coffee

另一間正對屯門碼頭海旁嘅「Fantasy Coffee」，亦係躲藏於舊式商場內，偌大玻璃窗外可外望大街及海旁，環境舒適，亦係談心或傾偈嘅好地方。

延伸閱讀﹕【野餐隨行】屯門幻愛取景地野餐睇日落啟豐商場尋3間外賣店 10分鐘達海濱花園白色燈塔

Bello Dining / Bello Foodstop

天水圍餐廳唔多，最熱門嘅應該係新北江商場，但想要舒舒服服堂食，就可能要前往另一個天水圍商場，當中有兩間名稱相似嘅咖啡店，包括係「Bello Dining」、「Bello Foodstop」，都係以cafe小食、意粉、焗飯為主，水準不俗，屬區內cp值高嘅餐廳。

延伸閱讀﹕天水圍天一商場2間罕見堂食店！Cafe抵食下午茶+港式焗豬扒飯完勝連鎖店

Cafe Whale

位置毗鄰香港仔魚市場嘅「Cafe Whale」，以漢堡包為主打，當中重有由魚市場直送嘅原材料，餡料新鮮，雖然只係小型cafe，但用料幾有誠意。

延伸閱讀﹕香港仔偽築地帆船野餐有遮蔭鯨魚主題小店賣魚市場直送龍躉漢堡揭人氣日本餐廳5大問題疑不尊重客人【野餐隨行】

Beans Brekkie Room

除咗「牧羊少年咖啡館」，「Beans」亦係最為人熟悉嘅連鎖cafe，其中位於坑口嘅「Beans Brekkie Room」就係其中之一，菜式都係典型咖啡店。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊