香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅Cafe ，適合拍拖兩個人前往，即刻睇睇菜式推介之九龍Cafe選擇！
Courage Eighteen
於Cafe界別中，尖沙嘴Cafe係人氣數一數二嘅選項。大多數人想要搵間咖啡店傾偈，又要就腳，都會挑選交通方便嘅區域，尖沙嘴Cafe當中，有如死場嘅好時中心內，就有一間唔錯嘅咖啡店「Courage Eighteen」，都算係典型文青咖啡店。
延伸閱讀﹕尖東死場驚現文青咖啡店 藍莓味貝果勁煙韌
婆婆珈琲屋
由裝潢到食物，若要一間打卡Cafe，同於尖沙嘴區內選擇，「婆婆珈琲屋」應該入榜，環境既係典型打卡Cafe，食物亦精緻，不過味道如何，就見仁見智。
梔子 Zi
位於尖沙嘴鬧市一帶嘅「梔子 Zi」，開業多年，都算係近年Cafe齡比較老嘅打卡咖啡店，食物款式及水準唔算高，但至少屹立至今，似乎總有其優勝之處。
Liberty Coffee & Wine
近登打士街、亞皆老街嘅「Liberty Coffee & Wine」，地理位置優越，無論係附近中學生，抑或係於旺角逛街嘅遊人，前往該咖啡店都非常方便。店內樓高2層，上層可望下層，下層則為開放式設計，更有大窗戶正對街道風景。食物方面不過不失，價錢略嫌稍高，不過以地理位置嚟講，應該有一半係舖租。
半路咖啡
由香港開到台灣嘅「半路咖啡」，只提供咖啡選擇，於上環、旺角都有分店，裝潢上主打工業風，旺角店以中式咖啡杯玩西式咖啡，而上環店更以「萬壽無彊」咖啡杯配西式咖啡，狀甚有趣。
Be Humble
唔少人都喜愛到咖啡店打卡，其中旺角樓上Cafe自然係佼佼者。想要到旺角咖啡店打卡，首選係以土耳其民族風為主調嘅「Be Humble」。雖然食物、飲品唔太突出，但環境上就係影相嘅好地方，亦係同好友或另一半坐低chill吓嘅好去處。
Jimmy’s Coffee & Kitchen
提到編輯私心推薦嘅Cafe，必選「Jimmy’s Coffee & Kitchen」！雖然只係隱藏於太子樓上舖，但水準不俗，店內以西式美食為主，更隱藏法式料理，既可以打卡，味道亦有驚喜。
跑緣
自問喜愛運動嘅你，必選位於深水埗至太子一帶嘅「跑緣」。Cafe由一位牧師開設，客人大多為跑友，到小店醫吓肚嘅同時，亦可以與跑友們傾談交流。而食物亦有一定水準，當中雞髀黃薑飯同時結合健康、惹味嘅形容詞，皆因特別選用無激素雞髀為原材料。
moono合舍
原先位於深水埗嘅「moono」，一度與「合舍」合體，一邊賣書，一邊賣輕食及咖啡，而現時「moono」則已經搬到尖沙嘴K11。咖啡店以純素甜點為主，亦有各款咖啡可擇。
Lonely Paisley
另一間極適宜打卡嘅Cafe，係位置靠近深水埗市中心嘅「Lonely Paisley」，雖然食物、飲品水準參差，但就係打卡影相嘅好地方，皆因整間咖啡店一半位置都係擺放Tapchan大毛毯，充滿土耳其民族風格。
Dog99 Coffee
想要隨時飲杯咖啡，不妨到深水埗「Dog99 Coffee」。呢間咖啡店為24小時營業，即使營業時間有變，亦大多會營業至凌晨，都算係夜貓必去嘅咖啡店。
What's Cafe
位於長沙灣貨櫃商場嘅「What’s Cafe」，表面平平無奇，實際上係一間附近街坊常到嘅Cafe，皆因價格相宜，有如一間茶餐廳，可以飽肚，都算係Cafe界中嘅糧尾之選。
Monster Kitchen
位於工廈範圍內嘅「Monster Kitchen」，為荔枝角工廈飯堂，亦係一間持牌嘅正式工廠食堂。店內以西式餐單為主，既有室內雅座，亦有戶外花園平台，環境甚chill，都算係工廠區中嘅小確幸。
Cafe 82
美孚雖然貌似一個美食沙漠，而且以住宅為主，但其實都有好幾間Cafe可以選擇，比如係「Cafe 82」嘅西餐廳，門口大大隻「82」字樣，室內狀似Cafe，但就以西餐為主。
延伸閱讀﹕美孚悠閒街坊西餐廳 厚身芝士焗飯惹人垂涎
甜品森林
而同樣位於美孚新邨嘅「甜品森林」，係另一間編輯嘅私心推薦！雖然以甜品為名，但其實同樣有西餐提供，足以飽肚。當中有限量供應嘅獨特海南雞飯，講到明唔係正宗海南雞飯，味道有驚喜。而甜品固然係主菜，多款甜品都為家庭式，卻甚有水準，比如係栗子露，綿密有緻，非常足料！
Craft Coffee Roaster
位於大角嘴市中心嘅「Craft Coffee Roaster」，以咖啡為主，只有少量輕食，店內除咗黑白咖啡，亦對手沖咖啡甚為重視，不過就只有兩個位先可以正對咖啡師，品嚐手沖咖啡。
Easy Joe 二世祖
以Cafe界別嚟講，「Easy Joe 二世祖」都算係數一數二價錢偏高嘅咖啡店。雖然地理位置優越，既近旺角，亦近大角嘴，但人均要大概$200，兩個人計需要$400埋單，而食物及飲品只係一碟意粉同一杯咖啡。
都市空間 Urban Space
土瓜灣一帶因清拆問題，大多數食肆已經陸續消失，當中位於土瓜灣近馬頭圍嘅「都市空間 Urban Space」，就係一間本土味極濃嘅咖啡店，將書店與咖啡店二合為一，係真正嘅文青咖啡店。
Tanuki Coffee
由Error成員193有份開設嘅咖啡店「Tanuki Coffee」，表面雖然係以明星效應為主，但一嚐之下方才發現水準比唔少坊間咖啡店高，尤其係挑選咖啡豆方面，並非平常濃厚烘烙味嘅咖啡豆，反而原始味較重。
Gladys' Estate Coffee
港式咖啡店有好多，澳式咖啡店就比較少見，位於九龍城嘅「Gladys’ Estate Coffee」，就有澳洲咖啡店風味，而食物、咖啡都甚有水準，只不過份量都係比較少。
TC2 (Tea Coffee Two)
「TC2 (Tea Coffee Two)」係年資比較長嘅香港Cafe，早年由太子開始，現時已經搬到新蒲崗一帶，繼續以文青Cafe為主打，可以輕輕鬆鬆歎吓咖啡。
延伸閱讀﹕太子小店聚會Cafe 輕輕鬆鬆夠文青
CoCo Espresso
位於擁有大量本土小店嘅九龍灣Eastmark嘅「CoCo Espresso」，只提供咖啡，當中有氮氣咖啡可以選擇，入口綿密，而且有餘韻，可以一試。
想爺爺了
觀塘一隅嘅小店「想爺爺了」將室內打造成日式茶室，係幾特別嘅Cafe，唔賣咖啡，改為賣茶，而室內以榻榻米設計，適合鍾意打卡嘅朋友。
90s Lazy
於旺角、觀塘皆有分店嘅「90s Lazy」，由90後年輕人開設，為典型咖啡店，既有All day breakfast，亦有意粉等頻擇，環境悠閒，亦係可以週末用餐嘅地方。
Coffee Slave
牛頭角「Coffee Slave」係以咖啡為主嘅Cafe，重視咖啡文化交流，而店內亦有套餐可供選擇，所以附近打工仔亦可以當作飯堂。
延伸閱讀﹕牛頭角啡奴勝地 工廈中咖啡文化交流
樂感 Lagom Kaffe
由牛頭角搬到觀塘嘅「樂感 Lagom Kaffe」，為舊店「桔梗」嘅姊妹店，呢間咖啡店最大特色係環境悠閒，而且地方偌大，空間十足，甚至有大型玻璃窗、戶外平台。
侘寂咖啡
而位於牛頭角至觀塘工商廈內嘅「侘寂咖啡」，室內清靜，鍾意打卡嘅朋友必要預訂日式榻榻米咖啡室，既可以影吓相，亦可以享受於寂靜嘅房間內用餐。
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
土瓜灣零負評名物有樂燒味！老細隨時放假、開舖時間不定極有性格！乳鴿／叉燒／豉油雞／燒肉難以挑剔！
【#土瓜灣名物】今時今日，喺香港絕對好難搵到無批評嘅餐廳小店。如果拍拖兩個人真係想搵陣，可以試吓呢間土瓜灣名物港式燒味店，至少未見到有任何批評，咁耐依然可以keep住零負評！睇嚟該店生意真係唔差，老細就算係一人辦公，唔單止可以隨時放假，開舖時間亦不定，甚至講明瞓醒先開，非常有性格！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！