香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年太子區尚存嘅餐廳小店，即睇該區隱藏美食介紹！
Cafe
Jimmy’s Coffee & Kitchen
座落太子洗衣街嘅「Jimmy’s Coffee & Kitchen」，係一間樓上咖啡室，菜式包含有法式選擇，賣相與味道兼備。而室內環境舒適，感覺悠閒，一端大窗更外望街景。
牧羊少年咖啡館
提到本地Cafe，「牧羊少年咖啡館」必然係非常為人熟悉嘅一間，太子分店位置近前深水埗配水庫，交通便捷，非常方便。
延伸閱讀﹕隱藏單車館內 隱世Cafe夠晒Chill
車仔麵
何車車仔麵
於太子車仔麵界別中，「何車車仔麵」都算係數一數二受年輕人歡迎嘅一間，裝潢企理，有十幾款麵底可以選擇，車仔餸款式亦眾多。
十六座車仔麵
而「十六座車仔麵」位置則近旺角花墟及花園街一帶，價格相宜，麵底顏色獨特，包含有藜麥麵、紅菜頭麵、菠菜麵、蝦子麵、日本乱切烏冬、本州刀麵等。
延伸閱讀﹕麵底紅紅綠綠 太子十六座車仔麵食得刁鑽
日昇車仔麵
至於「日昇車仔麵」則為比較鮮為人知嘅一間車仔麵店，該店位於荔枝角道，店面並唔似「何車車仔麵」咁新簇，有如一間舊式茶記。店內除咗可以任點3餸或2餸，亦可以直接點選11款餸嘅套餐。
川菜
新川美食
太子本來有幾間酸辣粉專門店，「兩姊妹涼皮有限公司」已由太子搬到旺角，而「新川美食」就係一直屹不不搖嘅一間。其酸辣粉同「兩姊妹」、「貴香園」嘅口味並唔一樣，酸味較重，亦非好多花椒油嘅類別，適合喜愛酸多於辣嘅朋友。
貴香園
位置近太子始創中心嘅「貴香園」，原先係來自荃灣店嘅「貴香園」，後來分拆出太子店，再分拆出旺角店，最可惜係最好食嘅荃灣店已經結業。「貴香園」嘅酸辣粉基本上係「兩姊妹」、「新川」、「貴香園」中最惹味、最香口嘅一間，酸辣粉湯頭都係比較通紅。而好多菜式都係採用花椒油炮製，例如係蒜泥白肉等。
日式
佐禾町居食屋
靠近雷生春嘅「佐禾町居食屋」，為一間相當親民嘅日本菜餐廳，當日外賣比堂食更平，一個飯盒低至40蚊，甚至比茶記平一截。
東京街
「東京街」為其中一間為人熟悉嘅日本料理店，堂食、外賣皆宜，太子區不僅有外賣店，亦有堂食店，魚生厚切，新鮮又抵食。
台灣菜
Happy Belly
於「友利坊」旁邊開舖嘅「Happy Belly」，由男神王宗堯及其女友開設，以台式刈包為主打，最特別係加入手拍青瓜及Tonic水嘅咖啡。
花斑茶社
「花斑茶社」為早期嘅台式茶飲店，至今依然屹立不倒，目前於多區仍有多間分店，太子區就位處聯合廣場地下，交通便捷。
延伸閱讀﹕新蒲崗茶飲本土味濃 厚鮮奶配抺茶勁甘香
芋圓圓
平常Gathering食完飯，好多時候都會繼續有下場，找尋糖水店是常識吧！太子區內有唔少糖水店，其中「芋圓圓」就係推薦甜品店之一。該店最大特色固然係款款糖水都係以台式芋圓為主，配合中西式糖水，冷暖皆宜。
港式
利口福快餐店
香港舊式快餐店愈來愈少，加上近年結業潮湧現，令呢個類別變得更為罕有。太子區內就有一間「利口福快餐店」，店舖開業有超過40年，一直以親民舊式小食主。現時最特別嘅係沙嗲牛肉包及沙嗲牛肉西多士！
嗎哪膳工
隱藏於大埔就嘅「嗎哪膳工」，燒味水準數一數二，但相對其他燒味店則比較少人認識。其背景與基督教有關，同時係一間非牟利餐廳。當中，包含有柴燒燒鵝、掛蜜叉燒、爽口肥腩叉等，編輯覺得呢間燒臘水準必入三甲！
潮州人
近年，「潮州人」分店不少，相信大家都有一定認識。太子區嘅「潮州人」就位於始創中心對面，交通便捷，而店內最受歡迎嘅應該係花膠湯麵。
友利坊x友利冰室x勿當奴
「友利坊」原先位於新蒲崗，而「友利冰室x勿當奴」就座落荔枝角D2 Place，至於目前始創中心地牢嘅「友利坊x友利冰室x勿當奴」，就將兩者二合為一。店內不僅有美式快餐，例如漢堡包、薯條，甚至脆香雞翼等，亦有西式意粉可以選擇。不過，編輯認為最高質素嘅只係「友利坊」嘅燒味，畢竟由自家工場製作。
甜記餃子
好多人搵餃子店，都會諗到甜記餃子，最特別係以家常湯水蕃茄薯仔湯配搭餃子，而餃子餡料更有多款口味。不過，編輯覺得以餃子計，其實質素平平。
中式
徐記廚房點心
現時，要食點心並唔一定需要去酒樓，反正坊間多咗好多點心專門店。太子區「徐記廚房點心」就係其一，雖然點心價格上係偏貴，而且水準略有下跌，但不時仍有特別選擇，例如芫荽點心。
616牛肉火鍋專門店
雖然近一年好多香港人洶湧到深圳食玩買，但其實香港都有能夠取代嘅選擇，例如係牛肉火鍋。「616牛肉火鍋專門店」就如同深圳嘅「八合里牛肉火鍋」，同樣有大量唔同名稱嘅牛肉類別。雖然香港價錢係比深圳貴啲，但去深圳食，時間同車錢唔係成本嗎？
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。